Maafiù 17:2 - WƆŊ FƐ̀Ì EBÒ SÌÀŊ DAYÀA

² Nààŋ anyùùŋ màŋjɛ̀wɛ̀ nyaŋ yàaùŋ wa yɛɛmɛ, e nɔ̀ŋ kìì Jisɛ̀ɛ naŋ wa kìlè. Wɔŋ dewàuŋ nɔɔ̀ŋ yaà mɛ̀ɛ̀ŋ sùà mààŋ e gɔɛɛ̀, yèè maŋ dèè kɔɔuŋ màŋ naŋ fòò pepe, e nìàŋ maŋ yè maŋ wo nyùùŋ kpùùŋ ɗuunyaŋ naŋ weè ɓɛ̀nɛ̀ŋ sòa màŋ e ɗuunyaàŋ dìì.

Maafiù 17:2 ပူးပေါင်းရင်းမြစ်များ

Maafiù 17:1

E gɔ̀ɛ̀ɛ̀ nɔɔnɔŋ dièguùŋ naŋ mààŋ, yèè wo Jisɛ̀ naŋ ɓèmè wo Pììlɛ yèè wo wùìyauŋ nɔɔ̀ŋ Jìiiŋ yèè wo Jɔ̀ɔŋ, yaà nyiŋ naŋ kɔ̀ wɔŋ toò mùŋlaŋ bà dìmɛ̀ nyiŋ wouwòù.

Maafiù 17:3

Kpeiŋ anyùùŋ màŋjɛ̀wɛ̀ taai nyàŋ naŋ yɛ̀mɛ̀ wo Mòòze yèè wo Ìlaajà àŋ yaà gbùùyè wo Jisɛ̀ kɔɔ.

Maafiù 28:3

Wɔŋ dèwà màikàa mɛɛŋ wa mààŋ ko fuùŋ gɛ̀ɛ, maŋ dèè kɔɔuŋ màŋ foo wa pepe e nìàŋ wɔŋ fɛmgbɛ.

Luù 9:29

Nààŋ wo Jisɛ̀ yaà wa zoolo, e nɔ̀ŋ kìì wɔŋ dewàuŋ nɔɔ̀ŋ naŋ kìlè, yèè maŋ dèè kɔɔuŋ màŋ naŋ fòò maŋ mɛ̀ɛ̀ŋ pepe.

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Maŋ kèì nyɛɛnɛŋ 10:1

E gɔa gòo mɛ̀ sùà, mìŋ naŋ yɛ̀mɛ̀ wo màikà joo kɛ̀ɛ̀nɛ̀ŋ e gaàŋ gbee bà wò yaà dèyà sùà e yìwìà ko àìjɛnɛ̀ŋ. Ke nyili fuaà nauŋ wa kpenekpènè, e kìlà wɔŋ gbemɛ̀ɛ̀mɛ̀ɛ̀ŋ nauŋ kìlìè ɗì. Wɔŋ dewàuŋ nɔɔ̀ŋ mɛɛŋ wa mààŋ e gɔɛɛ̀, yèè maŋ golòuŋ màŋ yaà wa mààŋ e hmɔɔ̀ŋ kùwa gènaŋ.

Maŋ kèì nyɛɛnɛŋ 20:11

Mìŋ naŋ yɛ̀mɛ̀ ke kpùà kana fua gbee yèè wo nyùnɔ̀ɔŋ jàa nyìŋ diɛŋ wɔ̀. E dììɛ yaà ko àìjɛnɛ̀ŋ nauŋ wa jɔ̀ɔ̀nɔ̀ŋ ko fɛɛ̀feìŋ yèè wo nyùùŋ gbiŋ gò miŋ wa ɓɛìŋ yɛmɛ̀.