Maafiù 17:12 - WƆŊ FƐ̀Ì EBÒ SÌÀŊ DAYÀA

¹² Tɔ̀ miŋ woòiŋ kɛ̀, wo Ìlaajà wa hnàŋ, kɛɛ anyùùŋ nyaŋ gòuŋ wa jàà kùàŋ dìì, yèè àŋ nauŋ wa kààìŋ maŋ keì maŋ gbiŋ àŋ manaŋ wa wèè auŋ kaaìŋ maŋ màànààŋ nɔŋ àŋ manaŋ wa lɛ̀. Maŋ kèì nàànààŋ guùŋ bi nɔŋ àŋ do nàŋ kààìŋ miàim wo Jɔ̀àfèlàà Nyuùŋ kpùnɔɔ̀ŋ.”

Maafiù 17:12 ပူးပေါင်းရင်းမြစ်များ

Maafiù 11:2

E teengaà wo Jɔ̀ɔŋ Gùà Nyùnɔ̀ɔŋ yaà wa ko sààŋ nyìwìi lɛ̀, wò naŋ kòmò maŋ keì maŋ wo Jisɛ̀ Kulaì yaà wa nyinie màŋ. Yèè wò naŋ tùɔ̀ŋ anyùùŋ màŋjɛ̀wɛ̀uŋ bà ko nɛ̀ɛ̀uŋ niìŋ.

Maafiù 16:21

E yìwìà e teenga lii wo Jisɛ̀ naŋ tɔ̀ɔ̀tù anyùùŋ màŋjɛ̀wɛ̀uŋ nyàŋ wòo janyai wààŋ, “Mìŋ yaà kɔ̀ɔ̀yɛ̀ ko Jùlusɛ̀làm yèè mìŋ do nàŋ kɔ̀ e nìmìlà maŋ keì zimgbe dìì e yìwìà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ jìwè, yèè sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Maafiù 17:11

Wo Jisɛ̀ naŋ nyiŋ fasàì wààŋ, “Wo Ìlaajà kuwa wèè wo hnàŋ wuŋ jiɛ̀ wèè wo ɓànèɓànè maŋ keì maŋ gbiŋ sùà tɛ̀ɛ̀.

Maafiù 17:13

Yèè anyùùŋ màŋjɛ̀wɛ̀ nyaŋ naŋ wa ngàà nyìmè kɛ̀ wò yaà wa gbùùyè ko nɛ̀ɛ̀ŋ nyiŋ niìŋ e nyaàiŋ dè wo Jɔ̀ɔŋ Gùà Nyùnɔ̀ɔŋ.

Maafiù 17:22

Nààŋ anyùùŋ màŋjɛ̀wɛ̀ nyaŋ gbiŋ naŋ wa dèènè ko Galaliì, wo Jisɛ̀ naŋ nyiŋ woò wààŋ, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ màaim koɓɛ̀

Maafiù 17:9

E teengaà àŋ yaà wa yèwà sùà wɔŋ tolòɔ dìmɛ̀ àŋ yaà dèyà sùà lɛ, wo Jisɛ̀ naŋ nyiŋ hèè e nàà sìwè wèè kɛ̀ ɓɔ̀ àŋ woò è nɛ̀ɛŋ àŋ naŋ yɛmɛ̀ lɛ wò nyùùŋ gbiŋ e jèèsùà wuŋ wo Jɔ̀àfèlàà Nyuùŋ Kpùnɔɔ̀ŋ wo yèwà e fàaà dìì.

Maafiù 21:32

Mìŋ woàìŋ tɛɛ̀ esaɓù kɛ̀, jòòpɛɛ e teengaà wo Jɔ̀ɔŋ Gùà Nyùnɔ̀ɔŋ naiŋ wa tɔ̀ɔ̀ ke dòmaŋ tɔ̀ɔ̀nyaàŋ lɛ̀, niŋ gòuŋ wa haawè. Kɛɛ anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyuùŋ nyɛ̀nɛ̀ŋ maŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nauŋ wa haawè. Yèè nààŋ pɛɛ nìŋ naŋ wa yɛ̀mɛ̀ e yèɛ àŋ nyɛ̀nɛ̀ŋ lɛ̀, maŋ jiiŋ màŋ gò wa kìlà wèè nauŋ haawè.”

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Luù 7:33

Wo Jɔ̀ɔŋ Gùà Nyùnɔ̀ɔŋ naŋ wa hnè yèè wò naŋ kùwò ke tɔùŋ, kɛɛ wo gò tìà màŋ tala muaŋ, yèè nìŋ naŋ woò nààŋ, ‘Wo jinàŋ naanààŋ yàaùŋ sùà!’

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 4:10

tɔ̀ e woòiŋ, e kpùlìà nyɛ̀iŋ nààŋ nyùùŋ Ezɔ̀ɛ̀ nyaŋ gbiŋ kɛ̀, wo felaa wɛɛ̀ sìàìŋ yaà ko fɛɛ̀feìŋ wɔ naŋ nɔ̀ŋ jòèyauŋ janyai e gààŋ Jisɛ̀ Kulaìɛ sùà e yìwìà ko Naazɔ̀ɛ̀, wo yèɔ nìŋ naŋ wa jìwìè vànèkpaaà diɛŋ wɔ̀ yèè wo Dayà nauŋ gè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.