Maafiù 16:6 - WƆŊ FƐ̀Ì EBÒ SÌÀŊ DAYÀA

⁶ Wo Jisɛ̀ naŋ nyiŋ fè e gòo wààŋ, “Yɛ̀mɛìŋ nyɛ̀iŋ bi diɛŋ wèè e sòi jùwìà e gbɔ̀ù aŋ Fɛlosiì nyaŋ yaà e sòi jùwìà e gbɔ̀ù aŋ Sadusiì nyaŋ.”

Maafiù 16:6 ပူးပေါင်းရင်းမြစ်များ

Maafiù 16:1

Aŋ Fɛlosiì yèè aŋ Sadusiì nyaŋ bà nyiŋ naŋ wa hnè koɓɛ̀ Jisɛ̀i wèè auŋ kùwìà ke gbaù sùà, weètii àŋ nauŋ wa dawè wèè wo nyɛ̀nɛ̀ŋ e kèè mèè weè nyiŋ wèè wo tɔɔ̀ kɛ̀ wo Dayà e yìwìà ko àìjɛnɛ̀ŋ nauŋ gè nyààŋ diɛŋ.

Maafiù 16:11

Kòò nìŋ nyìmè nɔŋ kɛ̀ miŋ fèìŋ weè wòò è kèè è gbɔ̀u? Yɛ̀mɛìŋ nyɛ̀iŋ bi diɛŋ wèè e sòi jùwìà e gbɔ̀ù aŋ Fɛlosiì nyaŋ yèè aŋ Sadusiì nyaŋ.”

Maafiù 16:12

Kpeiŋ àŋ naŋ ngàà nyìmè kɛ̀ wo Jisɛ̀ fè nyìŋ weè kìɛ̀ŋ sùà è gòo wèè è nyaàiŋ dè è sòi jùwìà gbɔ̀uɛ̀, kɛɛ aŋ yɛmɛ̀ nyiŋ bi diɛŋ wèè e kàà aŋ Fɛlosiì nyaŋ yèè aŋ Sadusiì nyaŋ.

Maafiù 16:5

Nààŋ anyùùŋ màŋjɛ̀wɛ̀ nyaŋ naŋ wa nìè wɔŋ juwoɔ̀ wɔŋ fàa bàa, àŋ naŋ wa nyɛɛnɛ̀ŋ wèè aŋ kòà e gbɔ̀u.

Maafiù 16:7

Anyùùŋ màŋjɛ̀wɛ̀ Jisɛ̀ nyaŋ naŋ tɛɛ̀ tɔ̀ɔ̀tù maŋdi ɓùlia nyiŋ wouwòù e fèemàŋ nyààŋ, “Wò naŋ tɛɛ̀ wòo wèè e gòiŋ hìàŋ è gbɔ̀u lɛ̀.”

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Luù 12:1

Nààŋ e fààŋ anyuùŋ kpùuŋ zimgbe naŋ wa dèènè koɓɛ̀ guùŋ wo Jisɛ̀ kɔɔ àŋ gè nyàwè nyàwè aŋ dàwi, wo Jisɛ̀ naŋ fè anyùùŋ màŋjɛ̀wɛ̀uŋ nyàŋ jiɛ̀ e gòo wààŋ, “Yɛ̀mɛìŋ nyɛ̀iŋ bi diɛŋ e nyaàiŋ dè e sòi jùwìà e gbɔ̀ù aŋ Fɛlosiì nyaŋ. Mìŋ sɔ̀à e kàà e keì jàà fɛ̀ɛ̀ sùà nyiŋ nɛ̀. E je nyiŋ ɗeweɛ̀ lii àŋ zuwà nyùùŋ.

Luù 12:15

Wo Jisɛ̀ naŋ ɓɛìŋ wòò e faaàŋ wààŋ, “Yɛ̀mɛìŋ nyiŋ bi diɛŋ wèè niŋ go nàŋ nyɛ̀nɛ̀ŋ e wànàŋ manɛ̀ŋ maŋ gbiŋ. Esaɓù kɛ̀ e bàne zimgbe kɛ̀ɛ̀nɛŋ nàŋ naàŋ jòèyè wɔ̀ŋ nyiiŋ mɔɔ̀ŋ. Miŋ gò kpɛɛ̀ŋ kɛ̀ diè mùŋ naŋ banè.”

Jɔ̀ɔŋ 4:33

Anyùùŋ màŋjɛ̀wɛ̀uŋ nyàŋ naŋ tɛɛ̀ tɔ̀ɔ̀tù wòòwoo nyiŋ bi e fèemàŋ nyààŋ, “Ɓàà è ɓɛ̀nɛ̀ŋ nɔ̀ŋ tɔ̀ɔ̀nyaàŋ kɛ̀ wo nyùùŋ bà wòuŋ hìàŋ e nɛ̀ŋje?”

Gàla 5:9

Màànààŋ àŋ woà lɛ, “E sòi jùwìà gbɔ̀u jɔa tòloò nɔŋ nàŋ nyɛnɛŋ ke gbɔ̀uɛ̀ jòwà.”