Maafiù 16:3 - WƆŊ FƐ̀Ì EBÒ SÌÀŊ DAYÀA

³ Kɛɛ sèè e nììɛsie maŋ nyiìŋ tɛ̀tɛ̀ nìŋ yɛmɛ̀ ke nyiliɛ̀ kè wɛnɛŋ yèè kò naŋ kùwò, nìŋ woà nààŋ, ‘Maŋ gɔ̀à maŋ yaà hinie maŋ sɔ̀à.’ Nàŋ nyìmàŋ kɛ̀ kiìŋ nàŋ do nàŋ kaaìŋ yèè naŋ niŋ woò sèè nìŋ yɛmɛ̀ ke nyiliɛ̀ ko fùùiŋ, kɛɛ niŋ nyimààŋ màŋ tɔ̀ɔ̀màŋsèì keì maŋ yaà nàaŋ kaaiŋ màŋ è teenga lɛɛ̀ sùà.

Maafiù 16:3 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 15:7

Nyɛ̀iŋ nààŋ nyùùŋ fɛ̀ɛ̀ ɗòònààkeì nyɛɛ̀ŋ! E nɛ̀ɛŋ wo kèèlà Dayàa Àzaayà naŋ wa sìngè, yèè wò naŋ woò e nyaàiŋ eiŋ dè lɛ, è yaà wa tɔɔɓaà!

Maafiù 22:18

Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ, “Nyɛ̀iŋ nààŋ nyùùŋ fɛ̀ɛ̀ ɗòònààkeì fɛ̀ɛ̀ keì nyɛɛ̀ŋ, wèè kiìŋ nìŋ manaŋ naim kùwìà ke gbaù sùà?

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 7:5

Mùŋ yaà wo nyùùŋ fɛ̀ɛ̀ ɗòònààkeì. Gè wɔŋ kuùfòòɔ ko sòòfɛ̀ɛ̀ muìŋ jiɛ̀, kpeiŋ kɛ̀ màŋ ɓɛ̀nɛ̀ŋ yɛ̀mɛ̀ dìì tɛ̀ɛ̀ wèè maŋ gè ke kuùfìèɛ ko sòòfɛ̀ɛ̀ wùìya mɔɔ̀ŋ.

Luù 11:44

E keì nyìnga do nàŋ nɔ̀ŋ ko nɛ̀ɛ̀iŋ niìŋ! Nìŋ yaà mààŋ maŋ hùàaŋ gò kɛ̀ɛ̀nɛ̀ŋ fee maŋ yè maŋ anyùùŋ kaaìŋ diɛŋ esaɓù kɛ̀ aŋ nyimààŋ è kiiŋ miŋ, e nyiŋ nyɛ̀nɛ̀ŋ aŋ nɔ̀ŋ anyuùŋ gò zɛ̀nɛ̀ŋ wo Dayà fɛɛ̀feìŋ.”

Luù 12:56

Nyɛ̀iŋ nààŋ nyuùŋ jàà fɛ̀ɛ̀ keì nyɛɛ̀ŋ! Nìŋ nyɛnɛŋ maŋ nɔnɔŋ tùaŋ wèè naŋ nyìmàŋ kɛ̀ kiìŋ nàŋ do nàŋ kaaìŋ e kìlà naŋ niŋ woò, sèè nìŋ yɛmɛ̀ maŋ keì maŋ e ɗuunyaàŋ yaà ke nyiliɛ̀ ko fùùiŋ yèè naŋ miŋ gɔ̀ì sùà, kɛɛ niŋ nyimààŋ è fàsàì màŋ tɔ̀ɔ̀màŋsèì keì maŋ yaà nàaŋ kaaiŋ màŋ è teenga lɛɛ̀ sùà.”

Luù 13:15

Wo Kanaà Jisɛ̀ nauŋ fasàì wààŋ, “Muàŋ e kpùlìà aŋ sìèfèìŋ zòòlo dàwium nyàŋ nìŋ yaà anyùùŋ fɛ̀ɛ̀ ɗòònààkeì! Nyɛ̀iŋ nyɛɛ̀ŋ bà gbiŋ niŋ fè gè wò dìii ɔ̀ɔ̀ wò ɗòsòo mɔɔ̀ŋ wɔ̀ŋ gbòlà màŋ nɛ̀ŋje nyiŋ nɔɔ̀ŋ sùà ke Ɗɔ̀ɔ̀ Zòòlò aŋ Juùù nyaŋ diɛ̀ŋ wèè mauŋ koà wo tìà?

Hiɓu 5:14

E nɛ̀ŋje nyìnga yaà wèè anyùùŋ nyaŋ naŋ kamàìŋ nyaŋ, esaɓù kɛ̀ àŋ nyìmàŋ e fèèmàŋ e tɔ̀ɔ̀nyaàŋ yaà e keì naanààŋ.