Maafiù 16:21 - WƆŊ FƐ̀Ì EBÒ SÌÀŊ DAYÀA

²¹ E yìwìà e teenga lii wo Jisɛ̀ naŋ tɔ̀ɔ̀tù anyùùŋ màŋjɛ̀wɛ̀uŋ nyàŋ wòo janyai wààŋ, “Mìŋ yaà kɔ̀ɔ̀yɛ̀ ko Jùlusɛ̀làm yèè mìŋ do nàŋ kɔ̀ e nìmìlà maŋ keì zimgbe dìì e yìwìà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ jìwè, yèè sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Maafiù 16:21 ပူးပေါင်းရင်းမြစ်များ

Maafiù 12:40

E ɗèwè guùŋ nɛ sùà nɔŋ wo Joonàŋ naŋ nɔ̀ŋ wo kɛì gbeeɔ̀ ko sùà wèè maŋ ɗɔ̀ɔ̀ taai yèè maŋ dùùm taai lɛ̀, yɛi nɔŋ miàim wo Jɔ̀àfèlàà Nyuùŋ kpùnɔɔ̀ŋ do nàŋ nɔ̀ŋ e dììɛ dìì wèè maŋ ɗɔ̀ɔ̀ taai yèè maŋ dùùm taai.

Maafiù 16:22

Kpeiŋ nààŋ wo Pììlɛ naŋ tɛɛ̀ kòmò, wò naŋ kɔ̀ɔ̀ wo Jisɛ̀ e ɓula yèè wò nauŋ gbuuyè wààŋ, “Wo Dayà gbaaì niŋ, Kanaà. Julɔfɔ tɛɛ̀ ɓɔ̀ è kaàum.”

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Maafiù 17:12

Tɔ̀ miŋ woòiŋ kɛ̀, wo Ìlaajà wa hnàŋ, kɛɛ anyùùŋ nyaŋ gòuŋ wa jàà kùàŋ dìì, yèè àŋ nauŋ wa kààìŋ maŋ keì maŋ gbiŋ àŋ manaŋ wa wèè auŋ kaaìŋ maŋ màànààŋ nɔŋ àŋ manaŋ wa lɛ̀. Maŋ kèì nàànààŋ guùŋ bi nɔŋ àŋ do nàŋ kààìŋ miàim wo Jɔ̀àfèlàà Nyuùŋ kpùnɔɔ̀ŋ.”

Maafiù 17:9

E teengaà àŋ yaà wa yèwà sùà wɔŋ tolòɔ dìmɛ̀ àŋ yaà dèyà sùà lɛ, wo Jisɛ̀ naŋ nyiŋ hèè e nàà sìwè wèè kɛ̀ ɓɔ̀ àŋ woò è nɛ̀ɛŋ àŋ naŋ yɛmɛ̀ lɛ wò nyùùŋ gbiŋ e jèèsùà wuŋ wo Jɔ̀àfèlàà Nyuùŋ Kpùnɔɔ̀ŋ wo yèwà e fàaà dìì.

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Maafiù 26:2

“Nàŋ nyìmàŋ kɛ̀ maŋ ɗɔ̀ɔ̀ tìyèe naŋ joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, e kìlà àŋ do nàŋ kìlè miàim wo Jɔ̀àfèlàà Nyuùŋ Kpùnɔɔ̀ŋ koɓɛ̀ anyùùŋ nyaŋ wèè aim jìwà.”

Maafiù 26:47

E gò wa pɛɛ jùà wo Jisɛ̀ nyààŋ nààŋ wo Juɗà, wo nyùùŋ màŋjɛ̀wɛ̀ zììyà jɛ̀wɛ̀ tìyèeɔ̀ bà guùŋ, nao haì. Wò naŋ hìɛ̀ŋ anyuùŋ zimgbe àŋ kuwa maŋ kòyà ɗùà yèè maŋ kuù kpuu kpùù. Aŋ kànà sìèfèìŋ zòòlo gbee nyàŋ, yèè aŋ màmànkùmɛ̀ŋ nyàŋ naŋ nyiŋ wa tùɔ̀ŋ.

Maafiù 27:12

Kɛɛ wo Jisɛ̀ gò wa wòò è keì gbiŋ è nyaàiŋ dè màŋ keì maŋ aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ nauŋ wa gbùwò ɗì maŋ.

Maafiù 27:63

àŋ nauŋ woò nyààŋ, “Kanaà, èiŋ jààejii kɛ̀ wo felaa tòa wii naŋ mɛ̀iŋ woò e teengaà wò yaà wɔŋ nyiiŋ gèeɔ̀ sùà lɛ wààŋ, ‘Mìŋ do nàŋ yèwè e fàaà dìì wɔŋ nyiiŋ gèe sùà sèè e gɔ̀ɛ̀ɛ̀ taai è maaŋ.’

Maafiù 28:6

Wo fè kià. Wo Dayà wòuŋ gè e fàaà dìì wɔŋ nyiiŋ gèeɔ̀ sùà, màànààŋ nɔŋ wò naiŋ wa woò lɛ. Hnàaìŋ niŋ yɛmɛ̀, kià àŋ nauŋ daai heè.

Luù 17:25

Kɛɛ jiɛ̀ mìŋ do nàŋ kɔ̀ e mɔ̀ɔ̀nɛ̀ŋ e keì nyìnga dìì e kìlà anyùùŋ nyaŋ e ɗuunyaŋ lɛɛ̀ nàaŋ aim gbàŋ.

Luù 24:46

yèè wò naŋ nyiŋ woò wààŋ, “Tɛɛ̀ nàŋ yaà sìnga niŋ wɔŋ fɛ̀ì Dayàa sùà, kɛ̀ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wo kà e keì nyìnga dìì, yèè sèè e gɔ̀ɛ̀ɛ̀ taai è maaŋ wo yèwà e fàaà dìì wɔ̀ŋ nyiiŋ gèeo sùà.

Luù 9:31

Àŋ nauŋ wa fòlò fɛɛ̀feìŋ e jòòwò Dayàa sùà, yèè àŋ naŋ gbòò wo Jisɛ̀ kɔɔ e nyaàiŋ dè e ɗewe kiiɛ̀ wò yaà wa hinie wo kpɛ̀ɛ̀yɛ̀ e tòmò Dayàa e kìlà wo fɔ̀ɔ̀yɛ̀ ko Jùlusɛ̀làm.