Maafiù 16:20 - WƆŊ FƐ̀Ì EBÒ SÌÀŊ DAYÀA

²⁰ Kpeiŋ wo Jisɛ̀ naŋ nàà anyùùŋ màŋjɛ̀wɛ̀uŋ nyàŋ kɛ̀ ɓɔ̀ àŋ woò wò nyùùŋ gbiŋ kɛ̀ wuŋ nàŋ yaà wo Kulaìɔ.

Maafiù 16:20 ပူးပေါင်းရင်းမြစ်များ

Maafiù 16:16

Wo Saimɔŋ Piilɛ̀ nauŋ fasàì wààŋ, “Muàŋ nàŋ yaà wo Kulaìɔ, wo Jɔ̀àfèlàà Dàyà nyiiŋ gèeɔ̀.”

Maafiù 17:9

E teengaà àŋ yaà wa yèwà sùà wɔŋ tolòɔ dìmɛ̀ àŋ yaà dèyà sùà lɛ, wo Jisɛ̀ naŋ nyiŋ hèè e nàà sìwè wèè kɛ̀ ɓɔ̀ àŋ woò è nɛ̀ɛŋ àŋ naŋ yɛmɛ̀ lɛ wò nyùùŋ gbiŋ e jèèsùà wuŋ wo Jɔ̀àfèlàà Nyuùŋ Kpùnɔɔ̀ŋ wo yèwà e fàaà dìì.

Maafiù 8:4

Kpeiŋ wo Jisɛ̀ naŋ wòò wo felaaà wààŋ, “Kùmiàim, ɓɔ̀ mùŋ woò wò nyùùŋ bà gbiŋ è keì lɛɛ̀. Kɔ̀à muŋ tɔɔ̀ muàŋ bi koɓɛ̀ wo sìèfèìŋ zòòloɔ̀ wo yɛmɛ yɛ̀mɛ̀ùm tɛ̀ɛ̀ wèè wo nyìmàŋ kɛ̀ e sààŋ maŋkùnùɛ èum jùà e kɔɔ sùà. Kpeiŋ wò do nàŋ kiɛ̀ŋ ke mìè seì koɓɛ̀ anyùùŋ fuɔŋ nyàŋ, kɛ̀ àŋ nyìmàŋ kɛ̀ e sààŋ maŋkùnùɛ èum jùà e kɔɔ sùà janyai. Tɛɛ̀ dò nàŋ nyɛ̀nɛ̀ŋ nyɛ̀iŋ nyiŋ naŋ ɓɛìŋ tòòmò koɓɛ̀ guùŋ. Kpeiŋ kɔ̀à muŋ kiɛ̀ŋ e kìɛ̀ŋ e nɛ̀ŋ saàa wo Mòòze naŋ wa wòò kii niŋ lɛ̀ ko Saaŋ Zòòlò Dayài wèè e tɔɔ̀ kɛ̀ wo Dayà wòum joeyè.”

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Luù 9:21

Kpeiŋ wo Jisɛ̀ naŋ nàà anyùùŋ màŋjɛ̀wɛ̀uŋ nyàŋ kɛ̀ ɓɔ̀ àŋ woò wò nyùùŋ gbiŋ kɛ̀ wuŋ nàŋ yaà wo Kulaìɔ.

Luù 9:36

Nààŋ ke mìè gbòaà naŋ wa jùò, wo Jisɛ̀ wuŋ guùŋ nɔŋ nao wa joo. Wèè e teenga bà, anyùùŋ màŋjɛ̀wɛ̀ nyaŋ naŋ nɔ̀ŋ dìì tɔ̀ùŋ, aŋ gò wa wòò è keì gbiŋ è nyaàiŋ dè è yèɛ àŋ naŋ wa yɛmɛ̀ lɛ.

Jɔ̀ɔŋ 1:41

Kɛɛ jiɛ̀, wo Anɗù nàŋ mɛ̀ɛ̀ŋ wo wùìyauŋ nɔɔ̀ŋ Saimɔŋ Piilɛ̀, yèè wò nauŋ woò wààŋ, “Èiŋ mɛ̀ɛ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.”

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 11:27

Yèè wo Mààta naŋ fasàì wààŋ, “Hɛ̀ɛɛ̀ŋ, Kanaà! Kà haawè kɛ̀ muàŋ nàŋ yaà wo yèɔ wo Dayà naŋ tùɔ̀ŋ wɔ wèè muŋ joeyè anyùùŋ nyaŋ e ɗuunyaàŋ, wo Jɔ̀àfèlàà Dayàa, wo yèɔ è yààìŋ yɛ̀ɛ̀mɛ̀ dòmaŋ wèè wo hnàŋ koɓɛ̀ anyùùŋ nyaŋ e ɗuunyaàŋ wɔ.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

1Jɔ̀ɔŋ 2:22

Ɓòò, kai, nàŋ yaà aŋ nyuùŋ tòa nyàŋ? Aŋ yè nyaŋ naŋ woò nyààŋ wo Jisɛ̀ nààŋ wo fè Kulaìɔ wɔ̀. Anyùùŋ mààŋ nyɛɛ̀ŋ nàŋ yaà aŋ jòò Kulaì nyaŋ, yèè àŋ naŋ gììyè wo Dèdaà yèè wo Jɔ̀àfelaaà maŋhɛɛ.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.