Maafiù 15:27 - WƆŊ FƐ̀Ì EBÒ SÌÀŊ DAYÀA

²⁷ Wo nìeɔ̀ naŋ fasaì wààŋ, “Tii è yaà e tɔ̀ɔ̀nyaàŋ Dàa, kɛɛ aŋ sùùŋ nyaŋ pɛɛ gbuwà wɔŋ gbɛ̀gbɛ̀ɔ dìì nyaŋ, tuɔŋ e nyààŋ kò aŋ kɛ̀ɛ̀nɛŋ nyiŋ nyàŋ aŋ gbìlà.”

Maafiù 15:27 ပူးပေါင်းရင်းမြစ်များ

Maafiù 15:26

Yèè wo Jisɛ̀ naŋ fasaì wààŋ, “E fè è tɔ̀ɔ̀nyaàŋ wèè aŋ gè è nɛ̀ŋjè àŋ jɔ̀à kàaiŋ nyàŋ kò siwè nyiŋ niìŋ yèè aŋ niŋ kìɛ̀ŋ aŋ sùùŋ nyaŋ.”

Maafiù 15:28

Yèè wo Jisɛ̀ nauŋ woò wààŋ, “Nìe wɛɛ̀, mùŋ yaà wo nyuùŋ kɛ̀ɛ̀nɛ̀ŋ e hààwe gbee, weètii e yèɛ mùŋ manaŋ lɛ̀ è do nàŋ hɛɛnɛ̀ŋ weèum.” E tèèngà guùŋ bi sùà nɔŋ, wo jɔ̀àjɔ̀ùŋ nìeɔ̀ naŋ wa jòèyè.

Maafiù 5:45

Kpeiŋ kɛ̀ nàŋ nɔ̀ŋ aŋ jɔ̀à koɓɛ̀ wo Dèdaiŋ nɔɔ̀ŋ ko àìjɛnɛ̀ŋ. Esaɓù kɛ̀ wò nyɛnɛŋ e gɔɛɛ dììkà anyùùŋ tɔ̀ɔ̀nyaàŋ nyaŋ yaà anyuùŋ naanààŋ nyaŋ diɛŋ, e kìlà wò nyɛnɛŋ maŋ gɔ̀à maŋ sɔ̀à anyùùŋ tɔ̀ɔ̀nyaàaŋ nyaŋ yèè anyuùŋ nyɛ̀nɛ̀ŋ maŋ tùwo naanààŋ nyaŋ diɛŋ.

Maafiù 8:8

Kɛɛ wo kààlòòɗùàa nauŋ woò wààŋ, “Kpele Kanaà, miŋ fè tɛ̀ɛ̀ wèè maŋ hnàŋ maŋ jɔ̀à kè saaŋ miɛ̀ŋ dìì. Wòò nɔŋ mààŋ wo ɓɔìjɔ̀à miɔ̀ŋ jòèyà, wò do nàŋ jòèyè.

Luù 16:21

Ke jii heuŋ wa fà wèè wo tùàŋ yèè wo jè e kò nyààŋ kenàŋ bàneɔ̀ sɔɔ ko dììnaŋ lɛ̀ e yìwìà wɔŋ gbɛ̀gbɛ̀ manɛ̀ŋ jeuŋ nɔɔ̀ŋ diɛŋ. Aŋ sùùŋ nyaŋ pɛɛ hewa hnàŋ ko jɛ̀ɛ̀wɛ̀ manɛ̀ŋ jèlauŋ màŋ.

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”

Luùm 10:12

Tɛɛ̀ è yaà wèè anyùùŋ nyaŋ gbiŋ, esaɓù kɛ̀ e tɛɛ gòòno fè è fèèmàŋ aŋ Juùù nyaŋ yaà anyùùŋ nyaŋ fè àŋ Juùù nyaŋ. Wo Dayà nàŋ yaà wo Kànà È Gunɔ̀ɔŋ wèè anyùùŋ nyaŋ gbiŋ, yèè wò kpuumàŋ wo nyùnɔ̀ɔŋ gbiŋ dawàuŋ wèè e kpùùmaŋ wɔ̀.

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

Luùm 3:29

Nyɛ̀iŋ nààŋ Juùù nyaŋ, nìŋ gongà kɛ̀ nyɛ̀iŋ guùŋ nɔŋ wo Dayà do nàŋ jàà kùàŋ dìì? Tɔɔɓaa nyìmaìŋ kɛ̀ wò do nàŋ jàà anyùùŋ nyaŋ fè àŋ Juùù nyaŋ nyiŋ pɛɛ kùàŋ dìì.

Luùm 3:4

Tii nààŋ e gò fasàì. Wo Dayà yaà tɔ̀ɔ̀nyaàŋ, jòòpɛɛ anyuùŋ kpùuŋ nyàŋ gbiŋ aŋ fè tɔ̀ɔ̀nyaàŋ. Wɔŋ fɛ̀ì Dayàa naŋ woò wààŋ, “Maŋ mìè gbòaum màŋ tɔɔ̀ kɛ̀ mùŋ yaà tɔ̀ɔ̀nyaàŋ sèè mùŋ woà e keì. Mùŋ kuwa maŋ kɛ̀ɛ̀nɛ̀ŋ gɛŋ sèè mùŋ nɔ̀ŋ kɔ̀ɔ̀yɛ̀ e gbài dìì.”

Ɛfesɔ̀ 3:19

Tɔ̀ e hɛɛnɛ̀ŋ wèè niŋ nyìmàŋ e mànàŋ Jisɛ̀ Kulaìɛ, jòòpɛɛ wo nyùùŋ fè ɓɛ̀nɛ̀ŋ nyìmàŋ è gbiŋ wèè e jùà jɛ̀wɛ̀, kɛɛ niŋ nɔ̀ŋ e dìaiŋ kpaŋ e nɔ̀ŋ kìì Dayàa gbiŋ sùà.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,