Maafiù 15:22 - WƆŊ FƐ̀Ì EBÒ SÌÀŊ DAYÀA

²² Ko fɛɛ̀feìŋ wo nìe bà, wo nyùùŋ e yìwìà ko Kenàŋ wo yèɔ hewa jòò wɔŋ fuɔŋ wiiŋ sùà wɔ, naŋ hnè ko nɛ̀ɛ̀uŋ niìŋ. Wò naŋ kpààŋ wààŋ, “Kanaà, Jɔ̀àfèlàà Dèèweɔ̀, tɔ̀ɔ̀im ke nyowo! Wo jɔ̀àjɔùŋ miɔ̀ŋ kuwa wo jinàŋ naanààŋ maŋjɛ̀wɛuŋ, yèè kòò wò yaà e keì nyìnga dìì.”

Maafiù 15:22 ပူးပေါင်းရင်းမြစ်များ

Maafiù 1:1

Maŋ dèè aŋ nèwàènèwè Jisɛ̀ Kulaì nyaŋ mɛɛ̀ŋ wɔŋ fɛ̀ì Dayàa sùà, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo jɔ̀ɛ̀jɔ̀ɛ̀ Dèèweɔ̀, wo yèɔ naŋ fòlò ke kpòò Eɓulɔhɛɛ̀ɛŋ sùà wɔ.

Maafiù 15:23

Kɛɛ wo Jisɛ̀ gòuŋ wa ngèè pɛɛ gbòà kɔɔ. Anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ pɔwɔ̀ nyààŋ, “Nyɛ̀nɛ̀ŋ wo nìeɔ̀ wo ka, esaɓù kɛ̀ kòò wò kùwà wì maŋjɛ̀wɛ wò yaà kpàaŋ sùà.”

Maafiù 17:15

yèè wò naŋ woò wààŋ, “Dàa, tɔ̀ɔ̀ ke nyowo wo jɔ̀àfelaa miɔ̀ŋ diɛŋ! Wò kuwa e sààŋ gbògàngè, yèè sèè è dàaùŋ, wò sɛɛ̀ ko hmɔ̀ɔ̀ŋ yèè ko kòi.

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 9:27

Yèè nààŋ wo Jisɛ̀ naŋ wa yèwè koɓɛ̀ wii, aŋ fèlàà tìyèe kùwìè le fɛɛ̀ zììle naŋ wa dè wo Jisɛ̀ maŋjɛ̀wɛ nààŋ wò yaà wa kɔɔyɛ. Aŋ fèlàà tìyèe nyàŋ yaà wa kpàaŋ sùà àŋ yaà woo nyààŋ, “Tɔ̀ɔ̀ wi ke nyowo, Jɔ̀àfèlàà Dèèweɔ̀!”

Luù 17:13

yèè àŋ naŋ kpààŋ nyààŋ, “Jisɛ̀, Kanaà, yɛ̀mɛ̀ wi ke nyowo!”

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”

Luù 6:18

Anyùùŋ nyɛɛ̀ŋ naŋ wa hnè wèè aŋ kumiàŋ wo Jisɛ̀, e kìlà wèè wo wa sùngà maŋ sàaŋ nyiŋ màŋ. Wò naŋ wa pɛɛ sùngò anyùùŋ nyaŋ aŋ jinàŋ naanààŋ yaà wa maŋjɛ̀wɛ nyàŋ.