Maafiù 14:6 - WƆŊ FƐ̀Ì EBÒ SÌÀŊ DAYÀA

⁶ Kɛɛ nààŋ ke ɗɔ̀ɔ̀ kòmàŋ Hɛɛlɔ̀ɛ naŋ wa haì, wo jɔ̀àjɔ̀ùŋ Hɛ̀lolìàa naŋ hnè yèè wò naŋ yèwè ko fɛ̀ɛ̀fèìŋ anyùùŋ nyaŋ gbiŋ, yèè ke jìì wo Kanaà Hɛɛlɔ̀ naŋ wa fɔ̀,

Maafiù 14:6 ပူးပေါင်းရင်းမြစ်များ

Maafiù 14:3

Wo kanaà Hɛɛlɔ̀ wuŋ bi naŋ wa kìɛ̀ŋ e gààaŋ wèè aŋ kùwà Jɔ̀ɔŋ, yèè wò naŋ nyɛ̀nɛ̀ŋ auŋ dèkà yèè àŋ nauŋ gbìɛ̀ŋ ko sààŋ nyìwìi. Wò naŋ wa tɛɛ̀ nyɛ̀nɛ̀ŋ esàɓù wo nìeɔ̀ àŋ nyaaŋ wa wo Hɛ̀lolìà wɔ, wo jàwè wùìyauŋ nɔɔ̀ŋ Felè, wo yèɔ wo kanaà Hɛɛlɔ̀ naŋ wa naàŋ ɓemè wèè wo nɔ̀ŋ wo jawèuŋ wɔ̀.

Maafiù 14:7

yèè wò naŋ ɓèmè maŋ kààmgbɛ̀ nyìnga ko nɛ̀ɛ̀uŋ niìŋ wààŋ, “Kà gboonò kpo mìŋ doum nàŋ kìɛ̀ŋ e nɛ̀ɛŋ gbiŋ mùŋ manaŋ lɛ̀.”

Maafiù 22:24

“Kààmɔɔŋ, wo Mòòze naŋ wa sìngè ke sàwà yɛɛ̀ weè wi yèè wò naŋ woò wààŋ kɛ̀ sèè wo kpài nyuuŋ wo fà, e yèɛ yaà wo jàwè aŋ gò kòmàŋ àŋ jɔ̀à lɛ, wo nanàŋ nyùnɔ̀ɔŋ ɓemè wo jɔùŋ bi aŋ kòmàŋ aŋ jɔ̀à wèè wo nyuùŋ fàaà.

Luù 13:31

E tèèngà guùŋ lii sùà aŋ Fɛlosiì nyaŋ bà nyiŋ naŋ hnè koɓɛ̀ Jisɛ̀i yèè àŋ nauŋ woò nyààŋ, “Wo Hɛɛlɔ̀ manaŋ wèè woum jìwà, weètii yewà kià muŋ ka.”

Luù 23:11

Wo Hɛɛlɔ̀ yaà aŋ kààlòòɗùàuŋ nyàŋ naŋ wa hììlè wo Jisɛ̀ e kìlà auŋ fè maŋ mìè ɓɛ̀ɛ̀pɔ̀ɔ. Kpeiŋ àŋ nauŋ gɔ̀àì wɔŋ ɓuuɓane siaŋ yèè àŋ nauŋ ɓɛìŋ tùɔ̀ŋ koɓɛ̀ Paalèi.

Luù 23:7

Nààŋ wò naŋ wa naàŋ nyìmè kɛ̀ wo Jisɛ̀ yewe wɔŋ fuɔɔ̀ŋ wo Hɛɛlɔ̀ kuwa e gààŋ diɛŋ wɔ̀ŋ, wò nauŋ tùɔ̀ŋ ko nɛ̀ɛ̀uŋ niìŋ, wò yèɔ yaà wa naàŋ ko Jùlusɛ̀làm e teenga bi sùà wɔ.

Luù 3:1

È yaà wa wɔŋ dòà zììyà jɛ̀wɛ̀ nɔɔnɔɔ̀ŋ e kànà kɛ̀ɛ̀ Tàbiliɔ̀ Siisɔ̀ɛ sùà, wo Kànà Gbèè wɔŋ fùɔ̀ŋ anyùùŋ Luùm nyaŋ. Wo Pɔuŋtiɔ̀ Paalè nàŋ yaà wa wo kana wɔŋ fùɔ̀ŋ Jùdiàa diɛŋ, wo Hɛɛlɔ̀ nàŋ yaà wa wo kana wɔŋ fùɔ̀ŋ Galaliìɔ sùà. Wo wùìyà Hɛɛlɔ̀ɔ, Felè, wuŋ pɛɛ nàŋ yaà wa wo kanaà wèè wɔŋ fùɔ̀ŋ Etuliàa yèè wɔŋ fùɔ̀ŋ Takɔnaitèɔ, wo Làsanià nàŋ yaà wa wo kanaà wèè wɔŋ fùɔ̀ŋ Abilììɔŋ.

Luù 3:19

Wo Jɔ̀ɔŋ Gùà Nyùnɔ̀ɔŋ naŋ wa wòò wo Kanaà Hɛɛlɔ̀ wààŋ, “E fè tɔ̀ɔ̀nyaàŋ wèè maŋ ɓèmè wò Hɛ̀lolìà, wò jàwè wùìya mɔɔ̀ŋ wèè wò do nɔ̀ŋ wò jawèum.” Wò nauŋ wa ɓɛìŋ gbuuyè wèè maŋ tùwo naanààŋ gbànauŋ màŋ wò yaà wa nyinie màŋ.

Luù 8:3

Aŋ jɔùŋ bi bà nàŋ yaà wa ɓɛìŋ wo Jòanàŋ, wo yèɔ wo fanuuŋ nɔɔ̀ŋ Kuzà hewa tòòmò ko gbòòkùàŋ Kanaà Hɛɛlɔ̀ wɔ, wo Sùzanàŋ, yèè aŋ jɔùŋ zimgbe bà, aŋ yè nyaŋ naŋ wa kpùùmò Jisɛ̀ yàà anyùùŋ màŋjɛ̀wɛ̀uŋ nyàŋ e yìwìà manɛ̀ŋ kɛ̀ɛ̀nɛ̀ŋ nyiŋ bi màŋ sùà.

Nyɛ̀nɛ̀ŋ 12:1

E teengaà lii sùà wo Kanaà Hɛɛlɔ̀ naŋ wa tɔ̀ɔ̀tù ke gbòò anyuùŋ hààwe nyàŋ bà nìminla.

Nyɛ̀nɛ̀ŋ 4:27

Kanaà, è nyìmàŋ kɛ̀ e yèɛ mùŋ naŋ wa woò lɛ è yaà tɔɔɓaa. Wo Hɛɛlɔ̀ yaà wo Pɔuŋtiɔ̀ Paalè naŋ dèènè koɓɛ̀ guùŋ e kpùlìà anyùùŋ nyaŋ fè àŋ Juùù nyaŋ yaà anyùùŋ Ezɔ̀ɛ̀ nyaŋ wèè aŋ nyɛ̀nɛ̀ŋ e ɗèwe naanààŋ koɓɛ̀ wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀, wo yèɔ mùŋ naŋ tàeɗùù wèè wo joeyè e ɗuunyaàŋ wɔ.