Maafiù 14:23 - WƆŊ FƐ̀Ì EBÒ SÌÀŊ DAYÀA

²³ Nààŋ wò naŋ kpɛ̀ɛ̀yɛ̀ aŋ nyùùŋ nyaŋ dìàmaŋ, wò naŋ kɔ̀ wɔŋ toò bà dìmɛ̀ wuŋ guùŋ wèè wo zoolò. E koya gɔɛɛ lii, wɔŋ gɔɔ̀ yaà wa naàŋ e wùìyèɛ tɛɛ, wo Jisɛ̀ wuŋ guùŋ naŋ wa jòò ko tiwiì.

Maafiù 14:23 ပူးပေါင်းရင်းမြစ်များ

Maafiù 26:36

Kpeiŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ koɓɛ̀ bà àŋ nyaaŋ ko Gɛ̀sɛmɛ̀nìŋ, yèè wò naŋ nyiŋ woò wààŋ, “Jɛ̀ìyiìŋ kià miŋ ka miŋ zoolò.”

Maafiù 6:6

Kɛɛ sèè mùŋ woà mààŋ muŋ zoolò, jɔ̀à ko saaŋ zɔ̀nù moo muŋ yìlà wɔŋ gbemgbeeɔ̀. Zòòloò koɓɛ̀ wo Dèda mɔɔ̀ŋ ke gbùnuo sùà. Yèè wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Luù 3:21

Nààŋ wo Jɔ̀ɔŋ yaà wa gùùyè anyùùŋ nyaŋ, wo Jisɛ̀ wuŋ pɛɛ naŋ wa nɔ̀ŋ gùauŋ. Kpeiŋ nààŋ wò yaà wa zoolo, ke nyiliɛ̀ naŋ yilè,

Luù 5:16

Kɛɛ e teenga gbiŋ wò folo anyùùŋ nyaŋ e tɛɛ wo kà koɓɛ̀ bà su wèè wo zoolò.

Luù 6:12

E teenga bi sùà wo Jisɛ̀ naŋ wa kɔ̀ wɔŋ toò bà dìmɛ̀ wèè wo zoolò. Wò nao nɔ̀ŋ wɔŋ dùùm wiiŋ gbiŋ ko zòòlò Dayà.

Luù 9:18

Kè ɗɔ̀ɔ̀ guùŋ nààŋ wo Jisɛ̀ yaà wa zoolo wuŋ guùŋ, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ niìŋ. Yèè wò naŋ nyiŋ dawè wààŋ, “Ɓòò anyùùŋ nyaŋ naŋ woò nyààŋ mìŋ yaà?”

Luù 9:28

Maŋ ɗɔ̀ɔ̀ nɔɔnɔŋ le taai naŋ mààŋ, yèè wo Jisɛ̀ naŋ ɓèmè wo Pììlɛ, wo Jɔ̀ɔŋ wo Jìiiŋ àŋ naŋ kɔ̀ wɔŋ toò bà dìmɛ̀ ko zoolo.

Nyɛ̀nɛ̀ŋ 6:4

Kpeiŋ yàwi bi, è doiŋ naŋ kìlè e gòngo wilɛ̀ gbiŋ koɓɛ̀ e zòòlo yèè e tòmò ke mìè Dayàa gbòa.”