Maafiù 14:19 - WƆŊ FƐ̀Ì EBÒ SÌÀŊ DAYÀA

¹⁹ Yèè wo Jisɛ̀ naŋ wòò anyùùŋ nyaŋ wààŋ aŋ jɛi maŋ dɛɛ màŋ diɛŋ. Kpeiŋ wo Jisɛ̀ naŋ ɓèmè e gbɔ̀ù nɔɔnɔɛ̀ŋ yaà aŋ kɛ̀ì tìyèe nyàŋ, yèè wò naŋ yɛ̀mɛ̀ ko fùùiŋ wò naŋ gè wo Dayà esɛ̀. Wò naŋ nyìmè nyìmè e gbɔ̀uɛ̀ yèè wò naŋ niŋ kìɛ̀ŋ anyùùŋ màŋjɛ̀wɛ̀uŋ nyàŋ wèè aŋ goonò niŋ aŋ nyùùŋ nyaŋ fèemàŋ. Anyùùŋ màŋjɛ̀wɛ̀uŋ nyàŋ naŋ gòònò e nɛ̀ŋjeɛ̀ anyùùŋ nyaŋ fèemàŋ.

Maafiù 14:19 ပူးပေါင်းရင်းမြစ်များ

Maafiù 14:18

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Hìaìŋ kià e nɛ̀ŋjeɛ̀ ko nɛ̀ɛ̀ŋ miìŋ.”

Luù 22:17

Kpeiŋ wo Jisɛ̀ naŋ ɓèmè wɔŋ kpòò maŋ tala muaŋ yèè wò naŋ ge wo Dayà sɛ̀. Yèè wò naŋ wòò aŋ keela nyàŋ wààŋ, “Kùwaìŋ maŋ tala muaŋ mɛɛ̀ŋ yèè niŋ goonò miŋ nyɛiŋ bi e fèemàŋ.

Luù 22:19

Kpeiŋ wo Jisɛ̀ naŋ ɓèmè ke gbɔ̀u, wò naŋ gè wo Dayà ke sɛ̀. Wò naŋ nyiŋ nyime nyìmè nyɛ̀ɛ̀nyɛ̀ɛ̀, yèè wò naŋ nyiŋ kìɛ̀ŋ anyùùŋ màŋjɛ̀wɛ̀uŋ nyàŋ. Wò naŋ woò wààŋ, “Kùwaìŋ nyiŋ niŋ gbìlà, kɛɛ̀ nàŋ yaà ke kpùnaŋ miɛ̀ŋ, ke yèɛ naŋ nɔ̀ŋ kìɛŋ nyiŋ wèè nyɛ̀iŋ. Nyɛ̀nɛìŋ tɛɛ̀ wèè niŋ jààim jii.”

Luù 24:30

Wò naŋ jɛi wèè yaà nyiŋ aŋ jènɛ̀ŋ, kpeiŋ wò naŋ ɓèmè e gbɔ̀u yèè wò naŋ niŋ zòòlò diɛŋ. Wò naŋ niŋ nyime nyìmè wo nyiŋ niŋ kiɛ̀ŋ.

Luù 9:14

E sɔ̀ngɔ̀ aŋ kpàkòò tààsùùŋ nɔɔnɔŋ (5,000) nàŋ yaào wa. Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Nyɛ̀nɛìŋ anyùùŋ nyaŋ aŋ jɛi maŋ gbòò sùà, anyuùŋ kpɛ̀ɛ̀ùŋ tìyèe jɛ̀wɛ̀ zììyà ke gbòò gbiŋ sùà.”

Luù 9:16

Kpeiŋ wo Jisɛ̀ naŋ ɓèmè e gbɔ̀ù nɔɔnɔɛ̀ŋ yaà aŋ kɛ̀ì tìyèe nyàŋ, yèè wò naŋ yɛ̀mɛ̀ ko fùùiŋ wò naŋ gè wo Dayà esɛ̀. Wò naŋ nyìmè nyìmè e gbɔ̀uɛ̀ yèè wò naŋ niŋ kìɛ̀ŋ anyùùŋ màŋjɛ̀wɛ̀uŋ nyàŋ wèè aŋ goonò niŋ anyùùŋ nyaŋ fèemàŋ.

Jɔ̀ɔŋ 11:41

Yèè anyùùŋ nyaŋ nao gè wɔŋ duò fààa. Yèè wo Jisɛ̀ naŋ yɛ̀mɛ̀ e tèèngà ko àìjɛnɛ̀ŋ wò naŋ woò wààŋ, “Dèda, mìŋ naum gè esɛ̀ wèè mùŋ naŋ jàà e zòòlo mɛ̀ kùàŋ dìì lɛ.

Jɔ̀ɔŋ 6:23

Anyùùŋ bà naŋ wa hìɛ̀ŋ maŋ gɔ e yìwìà ko Tàbilià yèè àŋ naŋ hnè koɓɛ̀i e faaàŋ naŋ wa jè e nɛ̀ŋjeɛ̀ lɛ nààŋ wo Kanaà Jisɛ̀ naŋ wa kìɛ̀ŋ ke sɛ̀ gèe koɓɛ̀ Dayài weè niŋ.

Nyɛ̀nɛ̀ŋ 27:35

Nààŋ wo Pɔɔ̀ naŋ tɛɛ̀ kpɛ̀ɛ̀yɛ̀ wòo, wò naŋ ɓèmè ke gbɔ̀u kpuu, yèè wò naŋ gè wo Dayà esɛ̀. Kpeiŋ ko fɛ̀ɛ̀fèìŋ anyùùŋ nyaŋ gbiŋ, wò naŋ nyìmè ke gbɔ̀uɛ̀ yèè wò naŋ gbìlè ke bà wuŋ bi.

Luùm 14:6

Anyùùŋ nyaŋ gongà kɛ̀ ke ɗɔɔ titi kuwa e sɛmɛ e nìàŋ ke bàa yɛ̀, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà. Anyùùŋ nyaŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, esaɓù kɛ̀ àŋ kiɛ̀ŋ ke sɛ̀ ge koɓɛ̀ wo Kanaà wèè e nɛ̀ŋjeɛ̀ àŋ jè lɛ. Anyùùŋ nyaŋ gè maŋhɛɛ wèè aŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, yèè nyiŋ pɛɛ àŋ kiɛ̀ŋ ke sɛ̀ ge koɓɛ̀ Dayài.

1 Kɔliìŋ 10:16

Wɔŋ kpòòɔ è tiiyàìŋ maŋ tala muaŋ màŋ sùà sèè è dawàìŋ Dayà wèè wo kpuumàŋ wɔŋ, tii gò tɔɔ̀ kɛ̀ è yààìŋ àŋ bàwibà kè gbòò ànyuùŋ hààwè màŋ sɛ̀ìŋ Jisɛ̀ Kulaì maŋ sùà? E kìlà ke gbɔ̀uɛ̀ è nyìmèìŋ yɛ, sèè è gbìlèìŋ nyiìŋ, kɛ̀ tii gò tɔɔ̀ kɛ̀ è yààìŋ aŋ bàwibà kè kpùnàŋ Jisɛ̀ Kulaìɛ sùà?

1 Kɔliìŋ 10:31

E ɗewe gbiŋ sùà, e yèɛ gbiŋ mùŋ nyɛnɛŋ lɛ̀, màŋ jènɛ̀ŋ, màŋ tìà nɛ̀, nyɛnɛ̀ŋ niŋ e jòòwo Dayà sùà.

1 Kɔliìŋ 11:24

yèè wò naŋ gè wo Dayà ke sɛ̀, wo nyiŋ nyime nyìmè nyɛ̀ɛ̀nyɛ̀ɛ̀. Kpeiŋ wò naŋ woò wààŋ, “Ke kpùnaŋ miɛ̀ŋ kɛɛ̀, nyɛ̀iŋ nàŋ kànàŋ nyiìŋ, nyɛ̀nɛìŋ tɛɛ̀ wèè niŋ jààim jii.”

Kòlo 3:17

E nɛ̀ɛŋ gbiŋ nìŋ woà ɔ̀ɔ̀ nìŋ nyɛnɛŋ lɛ̀, e nɔ̀ŋ nyɛ̀nɛŋ niŋ e dèè Kanaà Jisɛ̀ Kulaì sùà, nààŋ nìŋ kiɛ̀ŋ ke sɛ̀ gèe koɓɛ̀ Dayài e saɓùuŋ nɛ̀ sùà lɛ.