Maafiù 14:14 - WƆŊ FƐ̀Ì EBÒ SÌÀŊ DAYÀA

¹⁴ Nààŋ wo Jisɛ̀ naŋ wa fòlò wɔŋ gɔɔ̀ sùà wò naŋ dè, wò naŋ mɛ̀ɛ̀ŋ e faaŋ gbee lɛɛ̀ sia koɓɛ̀i, ke nyowoɛ̀ nauŋ nyɛ̀nɛ̀ŋ weè nyiŋ, yèè wò naŋ sùngò anyuùŋ sàaŋ nyiŋ nyàŋ.

Maafiù 14:14 ပူးပေါင်းရင်းမြစ်များ

Maafiù 14:15

E koya gɔɛɛ lii, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ woò nyààŋ, “E gɔɛɛ̀ naàŋ hàmèè mààŋ, yèè koɓɛ̀ yaà kò yaà su. Weètii tuàŋ anyùùŋ nyɛɛ̀ŋ maŋ vàa màŋ sùà wèè aŋ dènàŋ e nɛ̀ŋje wèè nyiŋ bi.”

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 9:36

Nààŋ wo Jisɛ̀ naŋ wa yɛ̀mɛ̀ e faaàŋ, ke nyowo naŋ sɛ̀ɛ̀ ke jiiuŋ nɛɛ̀ŋ sùà weè nyiŋ, esaɓù kɛ̀ e jiikɛ̀ɛ nyiŋ nɛ̀ naŋ wa gɔ̀àgɔ̀à sùà, yèè e zɔ̀kpɔ̀ naŋ sɛ̀ɛ̀ e kɔɔ nyiŋ nɛ̀ sùa, mààŋ aŋ ɓaawaa gò kùwìè wò nyuùŋ yɛ̀mɛ̀ diɛŋ nyiŋ.

Luù 19:41

Nààŋ wo Jisɛ̀ naŋ gbɛ̀ɛ̀ yèè wò naŋ yɛ̀mɛ̀ ko Jùlusɛ̀làm, wò naŋ gòlò.

Luù 7:13

Nààŋ wo Kanaà Jisɛ̀ nauŋ wa yɛmɛ̀, ke nyowo nauŋ nyɛ̀nɛ̀ŋ yèè wò naŋ wòò wo nìeɔ̀ wààŋ, “Ɓɔ̀ mùŋ gòlà.”

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.

Hiɓu 5:2

Wo kànà sìèfèìŋ zòòlo gbeeɔ̀ wuŋ bi kuwa e zɔ̀kpɔ̀ e kɔɔuŋ nɛ̀ sùà, weètii wò kɛɛnɛ̀ŋ ke nyowo wèè anyùùŋ ɓàaɓàa yaà anyuùŋ nyɛ̀nɛ̀ŋ maŋ keì naanààŋ.