Maafiù 13:8 - WƆŊ FƐ̀Ì EBÒ SÌÀŊ DAYÀA

⁸ Kɛɛ manɛ̀ŋ koei màŋ bà miŋ naŋ sɔ̀ɔ̀ e diì sìàŋ diɛŋ, maŋ wùìyà, maŋ dɛɛdɛ̀ɛ̀, yèè màŋ naŋ kòmò. Maŋ bà miŋ naŋ kòmò e komàŋ hɔ̀nɔ̀ɔ̀ guùŋ, maŋ bà miŋ naŋ kòmò e komàŋ kpɛ̀ùŋ jɛ̀wɛ̀ zììyà, yèè maŋ bà miŋ nàŋ kòmò e komàŋ kpɛ̀ùŋ taai.”

Maafiù 13:8 ပူးပေါင်းရင်းမြစ်များ

Maafiù 13:23

Kɛɛ aŋ bà nyiŋ yaà mààŋ manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, àŋ komo ke mìè Dayàa, aŋ nyiŋ jàà kùàŋ dìì, aŋ nyiŋ haawè. Aŋ bà nyiŋ komo e komàŋ hɔ̀nɔ̀ɔ̀ guùŋ, aŋ bà nyiŋ komo e komàŋ kpɛ̀ùŋ jɛ̀wɛ̀ zììyà, yèè aŋ bà nyiŋ komo e komàŋ kpɛ̀ùŋ taai.”

Maafiù 13:7

Manɛ̀ŋ koei màŋ bà naŋ sɔ̀ɔ̀ maŋ dɛ̀ɛ̀ maŋ dɛiŋ sùà, miiŋ yaà maŋ dɛɛ màŋ naŋ wùìyè koɓɛ̀ guùŋ, yèè maŋ dɛɛ màŋ naŋ dèkè dèkè manɛ̀ŋ wuiye màŋ.

Luù 8:15

Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Luù 8:8

Kɛɛ manɛ̀ŋ koei màŋ bà miŋ naŋ sɔ̀ɔ̀ e diì sìàŋ diɛŋ, maŋ wùìyà, maŋ dɛɛdɛ̀ɛ̀, yèè màŋ naŋ kòmò. Maŋ bà guùŋ gbiŋ naŋ kòmò e komàŋ hɔ̀nɔ̀ɔ̀ guùŋ.” Wo Jisɛ̀ naŋ kpɛ̀ɛ̀yɛ̀ gbòa yèè wò naŋ woò wààŋ, “Weètii, jàaìŋ maŋ nùŋ dìì tɛ̀ɛ̀ sèè nìŋ kɛɛnɛ̀ŋ maŋ nùŋ!”

Jɔ̀ɔŋ 15:8

Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ.

Luùm 7:18

Kà nyìmàŋ kɛ̀ e gààaŋ wèè ka nyɛ̀nɛ̀ŋ e keì è yèɛ yaà tɛ̀ɛ̀ lɛ e fè kè kpùnaŋ miɛ̀ŋ sùà. Sèè pɛɛ ka kɛ̀ɛ̀nɛ̀ŋ ɗèwe wèè ka nyɛ̀nɛ̀ŋ e tɔ̀ɔ̀nyaàŋ, miŋ fè niŋ ɓɛ̀nɛ̀ŋ nyɛ̀nɛŋ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.