Maafiù 13:54 - WƆŊ FƐ̀Ì EBÒ SÌÀŊ DAYÀA

⁵⁴ yèè wò naŋ kɔ̀ ko jawa kùmiauŋ noo, kpeiŋ wò naŋ tɔ̀ɔ̀tù anyùùŋ nyaŋ kàa ke sààŋ zòòlò aŋ Juùù nyaŋ dìì. È naŋ wa fòònò anyùùŋ nyaŋ nauŋ wa kumiè nyaŋ. Kɛɛ anyùùŋ nyaŋ bà nyiŋ naŋ wa dawè nyààŋ, “Kòò wò naŋ gè e jiikɛ̀ɛ lɛɛ̀ gbiŋ, yèè e gààaŋ wèè wo nyɛ̀nɛ̀ŋ maŋ kèè mèè mɛɛ̀ŋ?

Maafiù 13:54 ပူးပေါင်းရင်းမြစ်များ

Maafiù 2:23

Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 7:28

Nààŋ wo Jisɛ̀ naŋ wa kpɛ̀ɛ̀yɛ̀ maŋ keì mɛɛ̀ŋ wòo, e kàa kiiuŋ nɛ̀ naŋ wa fòònò anyùùŋ nyaŋ.

Luù 2:47

È naŋ wa fòònò anyùùŋ nyaŋ gbiŋ nauŋ wa kumiè nyaŋ wèè e ɗeweɛ̀ wo Jisɛ̀ yaà wa fàsàì sùà maŋ màaŋdàwè maŋ lɛ̀.

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.