Maafiù 13:46 - WƆŊ FƐ̀Ì EBÒ SÌÀŊ DAYÀA

⁴⁶ yèè sèè wò kɔ̀à wò mɛɛ̀ŋ ke yèɛ kuwa ɓaà lɛ, wò kɔ̀à wò mààŋ manɛ̀ŋ maŋ gbiŋ wò kuwa màŋ wèè wo dènàŋ ke daamàŋ yii.

Maafiù 13:46 ပူးပေါင်းရင်းမြစ်များ

Maafiù 13:44

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ mɛ̀ɛ̀ŋ e sùlò è yaà ko nyɛɛnɛŋ ko ɓù bà. Wò tomo ɓɛìŋ e dììɛ wo niŋ nyɛɛnɛ̀ŋ. Yèè e zɔlɔ̀ douŋ nàŋ nɔ̀ŋ, kɛ̀ wò ka wò mààŋ manɛ̀ŋ maŋ gbiŋ wò kuwa màŋ, kpeiŋ kɛ̀ wò kɛ̀ɛ̀ maŋjɛ̀wɛ̀ wò dènàŋ wɔŋ ɓùɔ ko yèi wò naŋ mɛ̀ɛ̀ŋ e sùlòɛ lɛ̀.

Maafiù 13:45

“Yèè ɓɛìŋ, e Kànà àìjɛnɛ̀ɛŋ è yaà mààŋ, wo felaa bà yaà kààmè ke daamàŋ sìàŋ,

Maafiù 13:47

“E Kànà àìjɛnɛ̀ɛŋ è yaà mààŋ, anyuùŋ sùnga bà aŋ yè nyaŋ naŋ gbìɛ̀ŋ wɔŋ kpee nyiŋ nɔɔ̀ŋ wɔŋ juwoɔ̀ sùà yèè àŋ naŋ kùwò aŋ kɛì ziì zimgbe.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Gàla 6:14

Kɛɛ è gbio sùà, miàŋ bi, mìŋ do nɔŋ nàŋ kɛ̀ɛ̀ maŋ yòngà e nyaàiŋ dè wɔŋ vànèkpàà Kana wiɔ̀ Jisɛ̀ Kulaìɔ. Esàɓù wɔŋ vànèkpaauŋ nɔɔ̀ŋ sùà, e ɗuunyaàŋ gbiŋ naŋ fɔ̀ ko nɛ̀ɛ̀ŋ miìŋ yèè miàŋ bi pɛɛ mìŋ naŋ fɔ̀ koɓɛ̀ e ɗuunyaàŋ.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Kòlo 2:3

Wuŋ nàŋ yaà e jìiìŋ nɛ yilà e sùlò Dayàa è yaà ko nyɛɛnɛŋ e nyaàiŋ dè e jiikɛ̀ɛɛ̀ yaà e keì nyìmàŋ fèemàuŋ nɛ̀.

Maŋ kèì nyɛɛnɛŋ 18:12

Wo nyùùŋ gbiŋ naàŋ ɓɛìŋ dènè è gòoò nyiŋ nɛ̀, è kaiŋ fua nyiŋ nɛ̀, e dàamàŋ nyiŋ nɛ̀, maŋ dɔmɔŋ ziì nyiŋ màŋ, maŋ deè fùà sìàŋ, maŋ deè nyìngà ɓaà tèènè maŋ sɛ̀ìŋ tɔɔ nyiŋ màŋ, maŋ deè yɔuyɔ̀ù sìàŋ nyiŋ màŋ, maŋ deè nyàaŋ nyiŋ màŋ, maŋ kùù dò siaŋ nyiŋ màŋ, maŋ sìàŋ nyaaŋ bàànè manɛ̀ŋ gɛ̀wɛɛ̀ yaà maŋ kuù hɛ̀ɛŋ gɛ̀wɛɛ̀, e kpùlìà manɛ̀ŋ gɛ̀wɛɛ̀ bàànè maŋ kàì, yaà maŋ dùò,

Maŋ kèì nyɛɛnɛŋ 21:21

Maŋ gbàngì jawa gbee màŋ, miiŋ zììyà jɛ̀wɛ̀ tìyèe màŋ bà guùŋ gbiŋ yaà wa ke duò nyìngà ɓaà kɛ̀ɛ̀nɛ̀ŋ maŋ ziì gɛ̀wɛɛ̀. Maŋ dòmaŋ màŋ gbiŋ ko jawaì yaà wa e gòoò, yèè màŋ zɛnɛŋ wa mààŋ wɔŋ mɛ̀ɛ̀mɛ̀ɛ̀ŋ.