Maafiù 13:44 - WƆŊ FƐ̀Ì EBÒ SÌÀŊ DAYÀA

⁴⁴ Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ mɛ̀ɛ̀ŋ e sùlò è yaà ko nyɛɛnɛŋ ko ɓù bà. Wò tomo ɓɛìŋ e dììɛ wo niŋ nyɛɛnɛ̀ŋ. Yèè e zɔlɔ̀ douŋ nàŋ nɔ̀ŋ, kɛ̀ wò ka wò mààŋ manɛ̀ŋ maŋ gbiŋ wò kuwa màŋ, kpeiŋ kɛ̀ wò kɛ̀ɛ̀ maŋjɛ̀wɛ̀ wò dènàŋ wɔŋ ɓùɔ ko yèi wò naŋ mɛ̀ɛ̀ŋ e sùlòɛ lɛ̀.

Maafiù 13:44 ပူးပေါင်းရင်းမြစ်များ

Maafiù 13:24

Wo Jisɛ̀ naŋ wòò ke kàɓanè joo bà. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e teengaà wo nyuùŋ tòmò ɓùɔ naŋ wa kɔ̀ yèè wò naŋ vààì manɛ̀ŋ koei siaŋ ko ɓùuŋ noo.

Maafiù 13:46

yèè sèè wò kɔ̀à wò mɛɛ̀ŋ ke yèɛ kuwa ɓaà lɛ, wò kɔ̀à wò mààŋ manɛ̀ŋ maŋ gbiŋ wò kuwa màŋ wèè wo dènàŋ ke daamàŋ yii.

Maafiù 13:47

“E Kànà àìjɛnɛ̀ɛŋ è yaà mààŋ, anyuùŋ sùnga bà aŋ yè nyaŋ naŋ gbìɛ̀ŋ wɔŋ kpee nyiŋ nɔɔ̀ŋ wɔŋ juwoɔ̀ sùà yèè àŋ naŋ kùwò aŋ kɛì ziì zimgbe.

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Maafiù 19:27

Kpeiŋ wo Pììlɛ naŋ woò wààŋ, “Yɛ̀mɛ̀, èiŋ jòà manɛ̀ŋ wi màŋ gbiŋ wèè eiŋ nɔ̀ŋ anyùùŋ màŋjɛ̀wɛ̀um. Kiìŋ yàwi è doiŋ nàŋ kɛɛnɛ̀ŋ?”

Maafiù 19:29

Anyùùŋ nyaŋ gbiŋ naŋ jòò maŋ gboo nyiŋ màŋ ɔ̀ɔ̀ aŋ jaa ɔ̀ɔ̀ aŋ wùìya nyiŋ nyàŋ, wo dèda nyiŋ nɔɔ̀ŋ ɔ̀ɔ̀ wo yèye nyiŋ nɔɔ̀ŋ ɔ̀ɔ̀ aŋ jɔ̀à nyiŋ nyàŋ, ɔ̀ɔ̀ maŋ diì nyiŋ màŋ wèè esaɓù mɛ̀, àŋ do miŋ nàŋ yɛmɛ̀ e nìàŋ e hɔnɔ̀ɔ̀, e kìlà àŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Maafiù 6:21

Esaɓù kɛ̀ maŋ jiiŋ màŋ do nàŋ nɔ̀ŋ koɓɛ̀i e sùlò bàneiŋ nɛ̀ yaà lɛ e teenga gbiŋ.

Luù 14:33

Ko dìèmè e gbòauŋ nɛ̀, wo Jisɛ̀ naŋ woò wààŋ, “Weètii, nyɛ̀iŋ nyɛɛ̀ŋ bà gbiŋ fè ɓɛ̀nɛ̀ŋ nɔ̀ŋ wò nyùùŋ màŋjɛ̀wɛ̀im, sɔɔ̀ maŋ gè manɛ̀ŋ siwèum màŋ gbiŋ kùàŋ.”

Jɔ̀ɔŋ 6:35

Kpeiŋ wo Jisɛ̀ naŋ nyiŋ woò wààŋ, “Mìŋ yaà nɔŋ mààŋ e nɛ̀ŋje e yèɛ kiɛ̀ŋ wɔŋ nyiiŋ lɛ̀. Wo nyùnɔ̀ɔŋ gbiŋ dèìm maŋjɛ̀wɛ yèè wò haawàìm wɔ, e jìyè yèè ke jòòmàì naàuŋ wa nàwèè ɓɛìŋ kùwò.

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

Kòlo 2:3

Wuŋ nàŋ yaà e jìiìŋ nɛ yilà e sùlò Dayàa è yaà ko nyɛɛnɛŋ e nyaàiŋ dè e jiikɛ̀ɛɛ̀ yaà e keì nyìmàŋ fèemàuŋ nɛ̀.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.

Maŋ kèì nyɛɛnɛŋ 3:18

Tɔ̀ miŋ woòum naàŋ, denàim e gòoò sìwè, e gòoò kɛnɛ, wèè e nyɛ̀nɛ̀um muŋ banè. Denàŋ ɓɛìŋ maŋ deè fùà wèè muŋ kpàà muàŋ bi e kìlà muŋ ɓùwà ke kpànjà sàngè mɔɛ̀ŋ. Denàŋ ɓɛìŋ e bù wèè muŋ kpalèè le fɛɛ̀ mɔ̀ɛ̀, wèè muŋ yɛmɛ̀ dìì tɛ̀ɛ̀.