Maafiù 13:42 - WƆŊ FƐ̀Ì EBÒ SÌÀŊ DAYÀA

⁴² Àŋ do nyiŋ nàŋ gbìɛ̀ŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ nyiŋ nɛ̀.

Maafiù 13:42 ပူးပေါင်းရင်းမြစ်များ

Maafiù 13:50

Kpeiŋ àŋ do nàŋ gbìɛ̀ŋ anyùùŋ maŋ kpèè naanààŋ nyaŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ.”

Maafiù 22:13

Kpeiŋ wo kanaà naŋ wòò aŋ ɓɔìjɔ̀àuŋ nyàŋ wààŋ, ‘Dèkaìŋ wo felaa wɛɛ̀ maŋ kùàŋ yèè maŋ gòlò niŋ gbìàuŋ ko jɔɔlèi ke nyiwì gènaàŋ sùà. Kuŋ wò do nàŋ nɔ̀ŋ wò golo yèè wò gbile le sìàuŋ nɛ̀.’ ”

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Maafiù 8:12

Kɛɛ anyùùŋ nyaŋ wo Dayà naŋ tàeɗùù wèè aŋ weè nɔ̀ŋ e kanauŋ nɛ̀ sùà nyaŋ, àŋ do nyiŋ nàŋ gbìɛ̀ŋ ke nyiwì gbee sùà. Àŋ do nàŋ gòlò e kìlà aŋ gbìlà le sìaŋ nyiŋ nɛ̀ e keì nyìnga sùà.”

Luù 13:28

Kpeiŋ sèè àŋ gbìɛ̀ìŋ ko jɔɔlèi, nìŋ do nàŋ gòlò e kìlà naŋ gbìlà le sìaiŋ nɛ̀ esaɓù kɛ̀ nìŋ do nàŋ yɛ̀mɛ̀ wo Eɓulɔhɛɛ̀ŋ, wo Ààze, wo Jègɔ, yaà aŋ wɛ̀ijì nyaŋ gbiŋ e Kànà Dayàa sùà.

Maŋ kèì nyɛɛnɛŋ 14:10

wo Dayà do nyiŋ nàŋ kìɛ̀ŋ e keì nyìnga sèè wò tuù, e teenè mààŋ wò naŋ tìè maŋ tala muaŋ nyìnga maŋ yè maŋ wò naŋ gɔ̀àì wɔŋ kpòò ke jii fiìuŋ nɛɛ̀ŋ sùà maŋ. Anyùùŋ nyaŋ gbiŋ do tɛɛ̀ nàŋ nyɛ̀nɛ̀ŋ nyaŋ, àŋ do nàŋ kùwò e nimilà gbee e hmɔ̀ɔ̀ŋ yèè e sɔfɔ̀ sùà, ko fɛ̀ɛ̀fèìŋ aŋ màìkà nɛɛmaŋ nyàŋ yaà wo Ɓaawaaà.

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.

Maŋ kèì nyɛɛnɛŋ 20:10

Wo Dɛwìɔ, wo yèɔ naŋ nyiŋ wa zuwò wɔ, wo Dayà nauŋ wa gbìɛ̀ŋ ko hmɔɔ̀ŋ kàànè sɔfɔ̀ sùà, ko yèi wo yilì kùùnoɔ̀ yàà wo wɛ̀ijì tòaà àŋ yaà wa naàŋ tɛ lɛ̀. Kuŋ àŋ do nàŋ nɔ̀ŋ e keì nyìnga sùà e dùùm yaà maŋ gɔɛɛ wèè julɔfɔ yèè julɔfɔ.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 9:2

Wɔŋ ɗuɔ̀ naŋ yìlè wɔŋ golo zutùùɔŋ, yèè ke kòmò naŋ wuŋ fòlò sùà mààŋ ke kòmò ko sààŋ hmɔɔ̀ŋ kùwa gbeeì. E gbòlòùŋ gɔɛɛ̀ yaà ke nyiliɛ̀ naŋ wa diiyè kpì esàɓù ke kòmòɛ naŋ fòlò wɔŋ golo zutùùɔŋ sùà lɛ.