Maafiù 13:35 - WƆŊ FƐ̀Ì EBÒ SÌÀŊ DAYÀA

³⁵ Wo Jisɛ̀ naŋ wa tɛɛ̀ nyɛ̀nɛ̀ŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, màànààŋ nɔŋ wo wɛ̀ijìɔ naŋ wa woò lɛ wààŋ, “Mìŋ do nàŋ gbòò ko nɛ̀ɛ̀ŋ nyiŋ niìŋ maŋ kàɓanè sùà. Mìŋ do nyiŋ nàŋ kpìnìè maŋ kèì ko nyɛɛnɛŋ e yìwìà e teengaà e ɗuunyaàŋ naŋ wa nɔ̀ŋ bàne niŋ nɛ̀.”

Maafiù 13:35 ပူးပေါင်းရင်းမြစ်များ

Maafiù 13:14

Kpeiŋ e yèɛ wo Dayà naŋ wa woò lɛ naŋ hɛɛnɛ̀ŋ, nààŋ wò naŋ wa gbùùyè wo wɛ̀ijìɔ Àzaayà sùà wààŋ, ‘Anyùùŋ nyɛɛ̀ŋ do naŋ jàà maŋ nùŋ dìì wèè aŋ kòmàŋ maŋ kàìŋ, e jiikɛ̀ɛ fè nyiŋ dè. Aŋ pɛɛ yɛmɛ yɛ̀mɛ̀, aŋ fè niŋ yɛmɛ̀.

Maafiù 13:3

Wò naŋ wa kàà anyùùŋ nyaŋ maŋ keì zimgbe maŋ kàɓanè sùà. Wò naŋ nyiŋ woò wààŋ, “Wo felaa bà naŋ wa kɔ̀ ko ɓùuŋ noo ko vààì manɛ̀ŋ koei.

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 5:2

yèè wò naŋ nyiŋ tɔ̀ɔ̀tù kàa wààŋ,

Luù 10:14

Wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Taà yèè ko Sɔdɔ̀ùŋ ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Nyɛ̀nɛ̀ŋ 15:18

Tɛɛ̀ mìŋ naŋ wa nyɛ̀nɛ̀ŋ anyunùim nyàŋ aŋ nyìmàŋ e teenga gɔuo sùà.’ ”

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

Ɛfesɔ̀ 3:5

Wo nyùùŋ gbiŋ nyimààŋ wa kè gbùnu yɛɛ̀, e jèèsùà wo Jìnàŋ Nɛɛmaàŋ naŋ ɓàà ke gbùnu bi koɓɛ̀ aŋ keela tàeɗùù nɛɛmauŋ nyàŋ yaà aŋ wɛ̀ijìuŋ nyàŋ.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Hiɓu 1:1

E teenga gɔuɛ̀ sùà, wo Dayà naŋ wa gbòò koɓɛ̀ aŋ nèwàènèwe wi nyàŋ e yìwìà aŋ wɛ̀ijìuŋ nyàŋ sùà e teenga zimgbe yèè maŋ ɗewe kii zimgbe sùà,

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.

Maŋ kèì nyɛɛnɛŋ 17:8

Wo yilì kùùno wii yaà wa wɔŋ nyiiŋ gèeɔ̀ sùà e tèèngà guùŋ bà, kɛɛ wo fè ɓɛìŋ. È joo tòloò wèè wo fòlà ko golo zutùùiŋ e dììɛ dìì wèè auŋ pɔɔpɔ̀ɔ̀. Anyùùŋ nyaŋ gbiŋ yaà e ɗuunyaàŋ aŋ yè nyaŋ kòò àŋ sìngè maŋ deè nyiŋ màŋ wɔ̀ŋ fɛ̀ì ànyuùŋ gè nyiiŋ nyàŋ sùà paŋgàà wo Dayà naŋ wa bànè e ɗuunyaàŋ nyaŋ, è do nyiŋ nàŋ foonò sèè àŋ yɛmɛ̀ wa nàwèè wo yilì kùùnoɔ̀. Wo yàà wa wɔŋ nyiiŋ gèeɔ̀ sùà e tèèngà guùŋ. Sààmɛ tiŋ, wo fè ɓɛìŋ wɔ̀ŋ nyiiŋ gèeɔ̀ sùà, kɛɛ wò do ɓɛìŋ nàŋ fòlò ke fòolà.”