Maafiù 13:25 - WƆŊ FƐ̀Ì EBÒ SÌÀŊ DAYÀA

²⁵ Wɔŋ dùùm guùŋ, e teengaà anyùùŋ nyaŋ gbiŋ yaà wa maŋ jàwè lɛ, wo joouŋ naŋ hnè yèè wò naŋ vààì maŋ dɛɛ naanààŋ kòmàŋ e kpàli lɛ̀ e fèemàŋ ko ɓùi yèè wò naŋ kɔ̀.

Maafiù 13:25 ပူးပေါင်းရင်းမြစ်များ

Maafiù 13:24

Wo Jisɛ̀ naŋ wòò ke kàɓanè joo bà. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e teengaà wo nyuùŋ tòmò ɓùɔ naŋ wa kɔ̀ yèè wò naŋ vààì manɛ̀ŋ koei siaŋ ko ɓùuŋ noo.

Maafiù 13:26

Nààŋ e kpàli lɛ̀ naŋ wùìyè yèè è naŋ tɔ̀ɔ̀tù fuùŋ mùnlòmunlo, aŋ ɓɔ̀ìjɔ̀à tòmò wo kɛ̀ɛ̀nɛ̀ŋ ɓùɔ naŋ yɛ̀mɛ̀ maŋ dɛɛ wuiye naanààŋ maŋ naŋ wùìyè.

Maafiù 13:27

Yèè aŋ ɓɔ̀ìjɔ̀à wo kɛ̀ɛ̀nɛ̀ŋ ɓùɔ naŋ hnè ko nɛ̀ɛ̀uŋ niìŋ yèè àŋ nauŋ woò nyààŋ, ‘Dàa, mùŋ naŋ dai vààì manɛ̀ŋ koei siaŋ ko ɓù moo. Kɛɛ kòò maŋ dɛɛ wuiye naanààŋ maŋ naŋ yèwè màŋ yaà ko ɓùi?’

Maafiù 13:29

Yèè wo kɛ̀ɛ̀nɛ̀ŋ ɓùɔ naŋ woò wààŋ, ‘Kpele, sèè nìŋ fie maŋ dɛɛ wuiye naanààŋ maŋ, nìŋ do nàŋ fìè e kpàli wuiyeɛ̀ bà tiiŋ pɛɛ.

Maafiù 13:30

Tɔ̀ maŋ dɛɛ wuiye màŋ nɔ̀o e jeèsùà e tèèngà e kpàliɛ̀ hɛ̀ɛ e haì. Kpeiŋ mìŋ do nàŋ wòò anyuùŋ tòmoim nyàŋ wèè aŋ fìà maŋ dɛɛ wuiye naanààŋ maŋ miiŋ jiɛ̀, aŋ miŋ dèkà maŋ bilà yèè aŋ miŋ sùàŋ. Kpeiŋ kɛ̀ àŋ hɛ̀ɛ̀ e kpàli lɛ̀ àŋ niŋ gbìàŋ ko kɛiŋ miìŋ.’ ”

Maafiù 13:39

Wo jooɔ̀ naŋ vààì maŋ dɛɛ komaŋ naanààŋ maŋ wɔ̀ nàŋ yaà wo Sɛ̀tanàaŋ. E kpàli hɛ̀ɛ̀ɛ nàŋ yaà ko dìà e ɗuunyaàŋ, e kìlà anyuùŋ hɛ̀ɛ̀ kpàli nyàŋ nàŋ yaà aŋ màikà nyaŋ.

Maafiù 25:5

Wo kɛ̀ɛ̀nɛ̀ŋ jɔunɔ̀ɔŋ gò wa zùmò hnàaŋ, kpeiŋ maŋ jàwè maŋ naŋ nyiŋ kùwò yèè àŋ naŋ sɛ̀ɛ̀ maŋ jàwè.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

2Pììlɛ 2:1

E gɔuo sùà aŋ wɛ̀ijì tòa naŋ wa hnè anyùùŋ nyaŋ e tɛɛ, yèè e ɗèwè guùŋ bi sùà aŋ kààmɔɔŋ tòa doiŋ nàŋ hnè e tɛɛ. Àŋ do nàŋ hìɛ̀ŋ e kàa gɔ̀àgɔ̀à keì sùà, e kàa gò kùwìè tɔ̀ɔ̀nyaàŋ, yèè àŋ do nàŋ gììyè wo Kɛ̀ɛ̀nɛŋ nyiŋ nɔɔ̀ŋ naŋ nyiŋ bilɛ̀ŋ wɔ maŋhɛɛ, kɛ̀ àŋ hìàŋ e fàa fòòno nyiŋ bi diɛ̀ŋ.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 13:14

Wo yilì kùùno dìà tìyèeɔ naŋ zùwò anyùùŋ e dììɛ diɛŋ nààŋ wo Dayà nauŋ gè nyààŋ diɛŋ wèè wò nyɛ̀nɛ̀ŋ maŋ kèè mèè ko fɛ̀ɛ̀fèìŋ wo yilì kùùno jiɛ̀jiɛ̀ɔ. Wo yilì kùùnoɔ̀ naŋ wòò anyùùŋ nyaŋ wààŋ kɛ̀, aŋ banè wo dayà joo wo yèɔ naŋ tèènè wo yilì kùùnoɔ̀ àŋ naŋ wa nyɛ̀mɛ̀ŋ, e kìlà wò yaà nɔŋ wɔŋ nyiiŋ gèeɔ̀ sùà wɔ.

Maŋ kèì nyɛɛnɛŋ 2:20

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Niŋ gò gììyà wò Jɛ̀sebɛ̀ɛ̀ màŋhɛɛ. Wò naŋ ɓèmè wuŋ bi wèè wo nɔ̀ŋ wo kèèlà Dayà. E nɛ̀ɛŋ wò kaà lɛ è nyɛ̀nɛ̀ŋ aŋ ɓɔìjɔ̀àim nyàŋ àŋ yèwà ke dòmaŋ miɛ̀ŋ diɛŋ yèè àŋ kùùnò nyɛ̀nɛ̀ŋ maŋ yɛɛ̀ naanààŋ yèè e tèèngà guùŋ bi àŋ yaà jììyè manɛ̀ŋ jè saaà maŋ àŋ naŋ wa gììyè saaà maŋ koɓɛ̀ aŋ dayà joo nyàŋ.