Maafiù 13:24 - WƆŊ FƐ̀Ì EBÒ SÌÀŊ DAYÀA

²⁴ Wo Jisɛ̀ naŋ wòò ke kàɓanè joo bà. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e teengaà wo nyuùŋ tòmò ɓùɔ naŋ wa kɔ̀ yèè wò naŋ vààì manɛ̀ŋ koei siaŋ ko ɓùuŋ noo.

Maafiù 13:24 ပူးပေါင်းရင်းမြစ်များ

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:25

Wɔŋ dùùm guùŋ, e teengaà anyùùŋ nyaŋ gbiŋ yaà wa maŋ jàwè lɛ, wo joouŋ naŋ hnè yèè wò naŋ vààì maŋ dɛɛ naanààŋ kòmàŋ e kpàli lɛ̀ e fèemàŋ ko ɓùi yèè wò naŋ kɔ̀.

Maafiù 13:31

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E ɗewe lɛɛ̀ e Kànà àìjɛnɛ̀ɛŋ è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo.

Maafiù 13:33

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ kaaìŋ sèè wo jɔùŋ wo ɓèmè e sòi bàànè gbɔ̀u jɔa wo niŋ kàànè kàànè maŋ fìlàwà pòùm gbèègbèè taai. Kpeiŋ ko diemeì kɛ̀ e gbɔ̀uɛ̀ gbiŋ è jòwà.”

Maafiù 13:37

Wo Jisɛ̀ naŋ nyiŋ fasàì wààŋ, “Wo nyùnɔ̀ɔŋ naŋ vààì e kuù kòmàŋ sìàaŋ wɔ̀ nàŋ yaà miàim wo Jɔ̀àfèlàà Nyuùŋ Kpùnɔɔ̀ŋ.

Maafiù 13:47

“E Kànà àìjɛnɛ̀ɛŋ è yaà mààŋ, anyuùŋ sùnga bà aŋ yè nyaŋ naŋ gbìɛ̀ŋ wɔŋ kpee nyiŋ nɔɔ̀ŋ wɔŋ juwoɔ̀ sùà yèè àŋ naŋ kùwò aŋ kɛì ziì zimgbe.

Maafiù 18:23

Ke kàɓanè yɛɛ̀ kè doum nàŋ woò kɛ̀ diè e Kànà àìjɛnɛ̀ɛŋ è yaà. Ke ɗɔ̀ɔ̀ guùŋ wo kana bà manaŋ wa wo kpɛ̀nɛ̀ŋ e nɛɛnɛŋ jikaà kinɛiŋ aŋ ɓɔìjɔ̀àuŋ nyàŋ kuwa wa lɛ̀.

Maafiù 20:1

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ wa kɔ̀ maŋ nyiìŋ tɛ̀tɛ̀ ko kààmè anyùùŋ wèè aŋ nyɛ̀nɛ̀ŋ e tòmo ko ɓù gbɛɛwɛ̀jɛ̀wɛ̀uŋ niìŋ.

Maafiù 21:33

Wo Jisɛ̀ naŋ nyiŋ ɓɛìŋ wòò ke kàɓanè joo bà wààŋ, “Wo felaa bà naŋ wa tòmò wɔŋ ɓù gbɛɛwɛ̀jɛ̀wɛ̀, yèè wò naŋ wuŋ guulò, wò tòmàŋ wɔŋ golo tììlà maŋ gbɛ̀mɛ̀ɛ̀ɔŋ. Wò naŋ nyɛ̀lɛ̀ wɔŋ koo wèè wɔŋ ɓùɔ yɛ̀mɛ̀ diɛŋ. Kpeiŋ wo naŋ kìɛ̀ŋ wɔŋ ɓù bi anyuùŋ tòmò ɓù bà wèè àŋ tomàŋ aŋ pààwà ejotì, yèè wò naŋ kɔ̀ ko kɔì wɔŋ fuɔŋ bà sùà.

Maafiù 22:2

“E Kànà àìjɛnɛ̀ɛŋ è yaà mààŋ, wo kana bà naŋ wa banebànè wèè wo gè wɔŋ ɗàà ke yɛɛ̀ gbìaŋ wèè wo jɔ̀àfelaauŋ nɔɔ̀ŋ.

Maafiù 25:1

Wo Jisɛ̀ naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e dùùm lɛ, e teengaà aŋ jɔ̀ùŋ jɔ̀à bɛ̀ɛ̀ zììyà naŋ wa ɓèmè maŋ laumpò nyiŋ màŋ yèè àŋ naŋ kɔ̀ e kèè ke yɛɛ̀ gbìaàŋ sùà wèè aŋ yɛmɛ̀ wo kɛ̀ɛ̀nɛ̀ŋ jɔunɔ̀ɔŋ.

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Luù 13:18

Kpeiŋ wo Jisɛ̀ naŋ ɓɛìŋ woò wààŋ, “Dièsɔa e Kànà Dayàa è yaà? Kiìŋ mìŋ naŋ niŋ ɓɛ̀nɛ̀ŋ tèène?

Luù 13:20

Kpeiŋ wo Jisɛ̀ naŋ ɓɛìŋ woò wààŋ, “Kiìŋ mìŋ naŋ ɓɛ̀nɛ̀ŋ tèènè e Kànà Dayàa wèè e nɔ̀ŋ?

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.