Maafiù 13:23 - WƆŊ FƐ̀Ì EBÒ SÌÀŊ DAYÀA

²³ Kɛɛ aŋ bà nyiŋ yaà mààŋ manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, àŋ komo ke mìè Dayàa, aŋ nyiŋ jàà kùàŋ dìì, aŋ nyiŋ haawè. Aŋ bà nyiŋ komo e komàŋ hɔ̀nɔ̀ɔ̀ guùŋ, aŋ bà nyiŋ komo e komàŋ kpɛ̀ùŋ jɛ̀wɛ̀ zììyà, yèè aŋ bà nyiŋ komo e komàŋ kpɛ̀ùŋ taai.”

Maafiù 13:23 ပူးပေါင်းရင်းမြစ်များ

Maafiù 12:33

“Ke kuù bɔ̀u nàŋ komo ke kuù kòmàŋ siaŋ, e kìlà ke kuù naanààŋ nàŋ komo ke kuù kòmàŋ naanààŋ. Nìŋ do nàŋ nyìmè e ɗèwè e nɔ̀ŋ kìì ke kùlɛ̀ɛ e yìwìà ke komàŋ nyiŋ nɛɛ̀ŋ.

Maafiù 13:8

Kɛɛ manɛ̀ŋ koei màŋ bà miŋ naŋ sɔ̀ɔ̀ e diì sìàŋ diɛŋ, maŋ wùìyà, maŋ dɛɛdɛ̀ɛ̀, yèè màŋ naŋ kòmò. Maŋ bà miŋ naŋ kòmò e komàŋ hɔ̀nɔ̀ɔ̀ guùŋ, maŋ bà miŋ naŋ kòmò e komàŋ kpɛ̀ùŋ jɛ̀wɛ̀ zììyà, yèè maŋ bà miŋ nàŋ kòmò e komàŋ kpɛ̀ùŋ taai.”

Maafiù 3:10

E gbuu kòò è yaà naàŋ nɛ̀wɛ niŋ tɛ wèè e kɛ̀ɛ̀kɛ̀ɛ̀ maŋ kùù maŋ e hàì koɓɛ̀ maŋ kuù gùlò maŋ. Ke kùù gbiŋ ke yèɛ gò kòmàŋ maŋ kuù kòmàŋ kɛnɛ yɛ̀, kè do nàŋ nɔ̀ŋ kɛ̀ɛ nyiŋ aŋ nyiŋ gbìàŋ ko hmɔ̀iŋ.

Maafiù 3:8

Nyɛ̀nɛìŋ maŋ keì maŋ do nàŋ tɔɔ̀ kɛ̀, tɔɔɓaa nàŋ fè maŋ tùwo naanààiŋ màŋ jɛwɛ.

Luù 13:9

Kpeiŋ sèè kè komo maŋ feè kòmàŋ doa bà nàwèè, kɛ̀ è nɔ̀ŋ tɛ̀ɛ̀, kɛɛ sèè kè goò kòmàŋ, kɛ̀ màŋ nyiŋ noo kɛ̀ɛ̀.’ ”

Luù 8:15

Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Luù 8:8

Kɛɛ manɛ̀ŋ koei màŋ bà miŋ naŋ sɔ̀ɔ̀ e diì sìàŋ diɛŋ, maŋ wùìyà, maŋ dɛɛdɛ̀ɛ̀, yèè màŋ naŋ kòmò. Maŋ bà guùŋ gbiŋ naŋ kòmò e komàŋ hɔ̀nɔ̀ɔ̀ guùŋ.” Wo Jisɛ̀ naŋ kpɛ̀ɛ̀yɛ̀ gbòa yèè wò naŋ woò wààŋ, “Weètii, jàaìŋ maŋ nùŋ dìì tɛ̀ɛ̀ sèè nìŋ kɛɛnɛ̀ŋ maŋ nùŋ!”

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 8:47

Wo nyùnɔ̀ɔŋ gbiŋ yewe koɓɛ̀ Dayài wɔ wò do nàŋ kòmò ke mìè Dayàa. Kɛɛ nìŋ naŋ gè maŋhɛɛ wèè naŋ kòmàŋ ke mièuŋ nɛɛ̀ŋ, esaɓù kɛ̀ niŋ fè wèè wò Dayà.”

Nyɛ̀nɛ̀ŋ 16:14

Wo nìeɔ̀ àŋ nyaaŋ wo Leɗià wɔ nàŋ yaà wa wo nyùnɔ̀ɔŋ bà guùŋ naŋ wi wa kumìè wɔ. Wò yewe wa ko jawa gbeeì aŋ nyaaŋ Tàyatilà, wò yaà wa wo nyuùŋ mààŋ maŋ dèè sɛ̀ìŋ tɔɔ nyìngà ɓaà titi, yèè wò hewa zòòlò Dayà. Wo Kanaà naŋ wa yìlè ke jiiuŋ nɛɛ̀ŋ wèè wo kumiàŋ e yèɛ wo Pɔɔ̀ yaà wa woo lɛ̀.

Nyɛ̀nɛ̀ŋ 17:11

Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

2 Kɔliìŋ 9:10

Wo Dayàa wo yèɔ goonàŋ manɛ̀ŋ koei màŋ koɓɛ̀ anyuùŋ nyùaŋ miŋ nyàŋ yèè e nɛ̀ŋje wèè aŋ jè wɔ, wò do ɓɛìŋ nɔŋ nàŋ tòòyè manɛ̀ŋ koei màŋ nìŋ kuwa màŋ, e kìlà wo miŋ nyɛ̀nɛ̀ŋ maŋ wùìyà yèè maŋ kòmàŋ zimgbe e nɛ̀ŋ kìɛiŋ nɛ̀ e dɛ̀ɛ̀ sùà wèè naŋ kìɛ̀ŋ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Fèle 4:17

Mìŋ fè kààmè ɗewe wèè kaìŋ gè è nɛ̀ŋ sìwè, kɛɛ mìŋ manaŋ wèè naŋ yɛ̀mɛ̀ e kpùùmaàŋ wo Dayà doiŋ nàŋ kiɛ̀ŋ lɛ sèè nìŋ kiɛ̀ŋ.

Kòlo 1:10

kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

Kòlo 1:6

Ebò Siaàŋ kòò è yaà nɔŋ hìàŋ sùà e kpùùmaŋ e kìlà kòò è yaà ɓààye sùà e ɗuunyaàŋ gbiŋ sùà, màànààŋ nɔŋ è naiŋ ɓààyè e tɛɛ e teenga gɔu, e yìwìà ke ɗɔɔ jiɛ̀jiɛ̀ɛ nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa, yèè nìŋ naŋ nyìmè e tɔ̀ɔ̀nyaàaŋ e nyaàiŋ e niŋ dè lɛ.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

2Tɛsè 2:10

yèè anyùùŋ nyaŋ do nàŋ fɔ̀ nyaŋ, wò do nyiŋ nàŋ tòòmò maŋ tòa naanààŋ diɛ̀ŋ. Àŋ do nàŋ fɔ̀ esaɓù kɛ̀ aŋ gò wa mànàŋ è tɔ̀ɔ̀nyaàaŋ aiŋ jàà kùàŋ dìì wèè aŋ yɛ̀mɛ̀ è jòèyè.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.

Hiɓu 6:7

E dììɛ siaŋ wèè anyuùŋ tòmò ɓù nyaŋ, sèè maŋ gɔ̀àà maŋ sɔɔ zimgbe wèè maŋ nyɛ̀nɛ̀ŋ manɛ̀ŋ wuiye màŋ bɔù tɛ̀ɛ̀. Wo Dayà kpuumàŋ ngèè e dìì mààŋ tii.

Hiɓu 8:10

Wo Kanaà Dayà naŋ ɓɛìŋ woò wààŋ, “Tɛɛ̀ nàŋ yaà e ɗààhìì e mìèsùàguùŋ nɛ mìŋ do nàŋ banè lɛ wèè anyùùŋ nyaŋ ko Ezɔ̀ɛ̀, maŋ ɗɔɔ màŋ yaà hinie màŋ, mìŋ do nàŋ sìè maŋ sàwàim màŋ maŋ gòngo nyiŋ màŋ sùà e kìlà ka miŋ sìngà maŋ jii komaŋ nyiŋ màŋ diɛŋ. Mìŋ do nàŋ nɔ̀ŋ wo Dayà nyiŋ nɔɔ̀ŋ, e kìlà àŋ do nàŋ nɔ̀ŋ anyunùum nyàŋ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.