Maafiù 13:19 - WƆŊ FƐ̀Ì EBÒ SÌÀŊ DAYÀA

¹⁹ Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:19 ပူးပေါင်းရင်းမြစ်များ

Maafiù 12:26

Weètii sèè e kànà Sɛ̀tanàaŋ e gòònò tɛɛ maŋ gbòò sùà, tɛɛ̀ naŋ tɔɔ̀ kɛ̀ è gòònò sùà tɛ maŋ gbòò sùà, yèè è do nàŋ sɔ̀ɔ̀ e hàì ko dìa.

Maafiù 13:20

Aŋ bà nyiŋ yaà mààŋ manɛ̀ŋ koei màŋ naŋ sɔ̀ɔ̀ le dùò lɛ sùà maŋ, àŋ komo ke mìè Dayàa aŋ nyiŋ jàà kùàŋ dìì e zɔlɔ̀ sùà.

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 5:37

Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Luù 10:9

Sùngaìŋ anyuùŋ sàaŋ nyàŋ ko jawa wii, yèè niŋ woò anyùùŋ ko jawa bi nààŋ, ‘E Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀.’

Luù 9:2

Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Jɔ̀ɔŋ 18:38

Yèè wo Paalè naŋ dàwè wo Jisɛ̀, wuŋ pɛɛ wo Juùù nyuuŋ wààŋ, “Kiìŋ nàŋ yaà e tɔ̀ɔ̀nyaàŋ?” Kpeiŋ wo Paalè naŋ fòlò ko jɔɔlèe koɓɛ̀ anyùùŋ nyaŋ yèè wò naŋ nyiŋ woò wààŋ, “Miŋ gò yɛ̀mɛ̀ kè sàwàa wò kenàŋ wɛɛ̀ naŋ pɔɔ̀ yɛ.”

Jɔ̀ɔŋ 8:43

Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

Nyɛ̀nɛ̀ŋ 17:32

Anyùùŋ nyaŋ bà nyiŋ naŋ tɔ̀ɔ̀tù hìle nààŋ àŋ naŋ kòmò wo Pɔɔ̀ naŋ woò wààŋ wo Dayà naŋ gè wo nyùùŋ e fàa dìì. Kɛɛ aŋ bà nyiŋ naŋ woò nyààŋ, “È manaŋ maŋ wi ɓɛìŋ wòò e keì lɛɛ̀ e teenga joo bà sùà.”

Nyɛ̀nɛ̀ŋ 18:15

Kɛɛ sèè è nɔ̀ŋ e kèì maŋhɛɛ ge e nyaàiŋ dè e nɛ̀ɛŋ wo nyùùŋ bà naŋ woò lɛ yèè maŋ dèè anyùùŋ bà, yèè e làngì maŋ sàwàiŋ màŋ, kɛ̀ nyɛ̀iŋ bi bàneìŋ niŋ sùà. Miŋ naàŋ nɔ̀ŋ wò nyuùŋ gbài wèè màŋ keì mààŋ mɛɛ̀ŋ.”

Nyɛ̀nɛ̀ŋ 20:25

“Kà mààmè maŋ tàtaiŋ màŋ sùà, mìŋ yààìŋ wòò ebò siaàŋ nyaàiŋ dè e Kànà Dayàa, kɛɛ kà naàŋ nyìmàŋ kɛ̀ nyɛ̀iŋ nààŋ bà gbiŋ niŋ naàim wa nàwèè ɓɛìŋ yɛmɛ̀.

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

2Tɛsè 2:12

E jìwààjɛ̀wɛ̀ tii nàŋ yaà kɛ̀ anyùùŋ nyaŋ gbiŋ gò hààwè è tɔ̀ɔ̀nyaàaŋ lɛ̀, yèè àŋ naŋ nyìnìè ke nyɛɛkɛŋ nyiŋ nɛɛ̀ŋ maŋ jùumù sùà nyaŋ wo Dayà do nyiŋ nàŋ gbààì keì.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.