Maafiù 13:14 - WƆŊ FƐ̀Ì EBÒ SÌÀŊ DAYÀA

¹⁴ Kpeiŋ e yèɛ wo Dayà naŋ wa woò lɛ naŋ hɛɛnɛ̀ŋ, nààŋ wò naŋ wa gbùùyè wo wɛ̀ijìɔ Àzaayà sùà wààŋ, ‘Anyùùŋ nyɛɛ̀ŋ do naŋ jàà maŋ nùŋ dìì wèè aŋ kòmàŋ maŋ kàìŋ, e jiikɛ̀ɛ fè nyiŋ dè. Aŋ pɛɛ yɛmɛ yɛ̀mɛ̀, aŋ fè niŋ yɛmɛ̀.

Maafiù 13:14 ပူးပေါင်းရင်းမြစ်များ

Luù 8:10

Wo Jisɛ̀ naŋ nyiŋ woò wààŋ, “Kàiŋ nyɛ̀nɛ̀ŋ nàŋ nyìmàŋ ke gbùnù e Kànà Dayàa. Kɛɛ sèè è nɔ̀ŋ wèè aŋ gbànaŋ nyàŋ, esaɓùɛ mìŋ gbuuyà nyiìŋ maŋ kàɓanè sùà lɛ nàŋ yaà kɛ̀, aŋ pɛɛ yɛmɛ yɛ̀mɛ̀, aŋ fè niŋ yɛmɛ̀, àŋ do jàà maŋ nùŋ dìì, kɛɛ aŋ naàŋ nyìmè kɛ̀ kiìŋ è naŋ fasàì.”

Luùm 10:16

Yɛi nɔŋ è yaà koɓɛ̀ anyùùŋ nyaŋ gbiŋ nààŋ kòò àŋ hààwè kè mìè gbìàŋ Èbò Siaàŋ nyaŋ. Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo wɛ̀ijìɔ Àzaayà naŋ wa woò lɛ e hɛɛnɛ̀ŋ. Wò naŋ woò wààŋ, “Kanaà, ɓòò naŋ wa hààwè maŋ miè gbìaŋ wi màŋ?”

2 Kɔliìŋ 3:14

Anyùùŋ nyaŋ naŋ wa nyìngè e ɗì nyaŋ, maŋ jii nyiŋ màŋ naŋ wa gbɔumgbɔ̀ɔ̀. E dìì màànàaŋ sèè àŋ nɔ̀ŋ wa ko kpìnìè wɔŋ fɛ̀ì e mìèsùàguùŋ gɔuɔ̀, wɔŋ dèè guùŋ wiiŋ àŋ ɓuwo wa ɗì wɔŋ, kòò wɔ̀ŋ ɓùùwà nyiìŋ nɔŋ maŋ jii komaŋ diɛ̀ŋ, nààŋ àŋ nɔ̀ŋ kpìnìè maŋ fɛ̀ì mìèsùàguùŋ gɔu màŋ. Sɔɔ̀ nɔŋ wo nyùùŋ sɛ̀ɛ̀ kè gbòò Jisɛ̀ Kulaìɛ sùà pangàà wɔŋ dèè bi fòloùŋ ɗì.