Maafiù 12:36 - WƆŊ FƐ̀Ì EBÒ SÌÀŊ DAYÀA

³⁶ “Nyìmaìŋ tɔɔɓaa kɛ̀ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ, nìŋ do nàŋ kìɛ̀ŋ e jìwààjɛ̀wɛ̀ wèè ke mìè gbòà fitinaŋ gbiŋ ke yèɛ nìŋ naŋ wa gbòò yɛ.

Maafiù 12:36 ပူးပေါင်းရင်းမြစ်များ

Maafiù 10:15

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Maafiù 11:22

Tɔ̀ miŋ woòiŋ kɛ̀ wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Taà yèè ko Sidɔ̀ùŋ eiŋ nìàŋ ke ɗɔɔɛ̀ wo Dayà do wa nàwèè nàŋ gbàì anyùùŋ nyaŋ gbiŋ e ɗuunyaàŋ lɛ.

Maafiù 12:37

Ke ɗɔɔ yii wa nàwèè, maŋ mìè gbòaiŋ màŋ wo Dayà do nàŋ toomò wèè woiŋ gbaì. Miiŋ nàŋ doiŋ nàŋ jèè e keì ɔ̀ɔ̀ maiŋ gè e keì ɗì.”

Luùm 14:12

Yàwi nààŋ gbiŋ doiŋ wa nàwèè nàŋ kìɛ̀ŋ e jìwààjɛ̀wɛ̀ koɓɛ̀ Dayài wèè e yèɛ è naiŋ nyɛ̀nɛ̀ŋ lɛ.

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

Jìiiŋ 3:6

E milèɛ è yaà mààŋ e hmɔ̀ɔ̀ŋ. È yaà e ɗuunyaŋ nyɛ̀nɛ̀ŋ kàaɓì, è jaa ko jɛ̀i niŋ niìŋ e kɔɔ wilɛ̀ sùà yèè è ɓaayà maŋ keì naanààŋ maŋ kpùnaŋ wi màŋ gbiŋ sùà. E sìà e ɗuunyaŋ nɔ̀ŋ wilɛ̀ e hmɔ̀ɔ̀ŋ e yèɛ hnàŋ ko nɛ̀ɛ̀iŋ niìŋ e yìwìà ko jàhamaŋ kuŋ bi lɛ̀.

Maŋ kèì nyɛɛnɛŋ 20:12

Mìŋ naŋ yɛ̀mɛ̀ anyuùŋ fàa nyàŋ, wo gbeeɔ̀ yèè tòloòɔ, àŋ sia ke kpùà Kanaà feìŋ. Maŋ fɛi naŋ nɔ̀ŋ yìle miŋ. Wɔŋ fɛi joo bà naŋ wa ɓɛìŋ nɔ̀ŋ yìle wuŋ, wɔŋ fɛ̀ì anyuùŋ gè nyiiŋ nyàŋ. Àŋ naŋ gbàì anyuùŋ fàa nyàŋ e nyaàiŋ dè maŋ keì maŋ àŋ naŋ wa nyɛ̀nɛ̀ŋ maŋ, nààŋ è yaà sìnga niŋ maŋ fɛi màŋ sùà lɛ kɛ̀,