Maafiù 12:32 - WƆŊ FƐ̀Ì EBÒ SÌÀŊ DAYÀA

³² Wo nyùnɔ̀ɔŋ gbiŋ naŋ wòò e keì naanààŋ wèè miàim wo Jɔ̀àfèlàà Nyuùŋ Kpùnɔɔ̀ŋ wɔ, wo Dayà wòuŋ ɓɛ̀nɛ̀ŋ jùùyà hakɛ̀. Kɛɛ wo nyùnɔ̀ɔŋ gbiŋ naŋ wòò e keì naanààŋ e nyaàiŋ dè wo Jìnàŋ Nɛɛmaàŋ wɔ, wo Dayà naàuŋ jùùyè hakɛ̀ nàaŋ ɔ̀ɔ̀ julɔfɔ wa nàwèè.

Maafiù 12:32 ပူးပေါင်းရင်းမြစ်များ

Maafiù 11:19

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, yèè anyùùŋ nyaŋ gbiŋ naŋ woò nyààŋ, ‘Wo felaa wɛɛ̀ tɔɔ̀ wèè wo nɔ̀ŋ nyùùŋ tɔ̀ɔ̀nyaàŋ, kɛɛ wò jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yèè anyùùŋ maŋ kpèè naanààŋ.’ Yɛi nɔŋ e jììkɛ̀ɛ̀ Dayàa è naŋ tɔɔ̀, wèè e nɔ̀ŋ e tɔ̀ɔ̀nyaàŋ e nyaàiŋ dè manɛ̀ŋ maŋ mìŋ nyɛnɛŋ màŋ sùà.”

Maafiù 12:31

Wèè esaɓù lɛɛ̀ tɔ̀ miŋ woòiŋ kɛ̀, wo Dayà ɓɛ̀nɛ̀ŋ jùùyà aŋ nyuùŋkpùuŋ hakɛ̀ wèè maŋ jùumù nyiŋ màŋ gbiŋ e hààwè maŋ mìè ɓɛ̀ɛ̀pɔ̀ɔ nyiŋ màŋ gbiŋ ko nɛ̀ɛ̀uŋ niìŋ. Kɛɛ wo nyùnɔ̀ɔŋ gbiŋ naŋ wòò e keì naanààŋ e nyaàiŋ dè wo Jìnàŋ Nɛɛmaàŋ wɔ, wo Dayà fòuŋ wa nàwèè jùùyà hakɛ̀.

Maafiù 12:8

Miàim Jɔ̀àfèlàà Nyuùŋ Kpùnɔɔ̀ŋ nàŋ yaà wo Kanaà wèè ke Ɗɔ̀ɔ̀ Zòòlò aŋ Juùù nyaŋ.”

Maafiù 13:22

Aŋ bà nyiŋ zà yaà mààŋ manɛ̀ŋ koei màŋ naŋ sɔ̀ɔ̀ maŋ dɛiŋ màŋ sùà lɛ, nyɛɛ̀ŋ nàŋ yaà aŋ yè nyaŋ àŋ komo ke mìè Dayàa. Kɛɛ maŋ haamiŋ màŋ wɔŋ nyiiŋ gèe wɛɛ̀ŋ sùà, yaà manɛ̀ŋ maŋ zuwà nyùùŋ e nyaàiŋ dè e kèì maŋ bàne màŋ, e kpùlìà e wànàŋ manɛ̀ŋ gɛ̀wɛɛ̀ maŋ gbiŋ nɔ̀ŋ maŋ jii nyiŋ màŋ diɛŋ, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà nàaŋ ɔ̀ɔ̀ julɔfɔ.

Maafiù 13:39

Wo jooɔ̀ naŋ vààì maŋ dɛɛ komaŋ naanààŋ maŋ wɔ̀ nàŋ yaà wo Sɛ̀tanàaŋ. E kpàli hɛ̀ɛ̀ɛ nàŋ yaà ko dìà e ɗuunyaàŋ, e kìlà anyuùŋ hɛ̀ɛ̀ kpàli nyàŋ nàŋ yaà aŋ màikà nyaŋ.

Maafiù 13:40

Màànààŋ nɔŋ maŋ dɛɛ wuiye naanààŋ maŋ nɔ̀ŋ gbònògbono miŋ aŋ miŋ sùàŋ lɛ, yɛi nɔŋ e kèì guùŋ bi do wa nàwèè nàŋ kaaìŋ ko dìà e ɗuunyaàŋ.

Maafiù 13:55

Wuŋ nàŋ fè wò jɔ̀àfèlàà kapinàa? Wo Mèèle nààŋ fè wò yèyeuŋ nɔɔ̀ŋ, yèè aŋ wùìyauŋ nyàŋ nààŋ fè wò Jìiiŋ, wò Jòòsɛ, wò Saimɔ̀ŋ yèè wò Juɗà?

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Luù 12:10

“Wo nyùnɔ̀ɔŋ gbiŋ naŋ wòò e keì naanààŋ wèè miàim wo Jɔ̀àfèlàà Nyuùŋ Kpùnɔɔ̀ŋ wɔ, wo Dayà wòuŋ ɓɛ̀nɛ̀ŋ jùùyà hakɛ̀. Kɛɛ wo nyùnɔ̀ɔŋ gbiŋ naŋ wòò e keì naanààŋ e nyaàiŋ dè wo Jìnàŋ Nɛɛmaàŋ wɔ, wo Dayà naàuŋ jùùyè hakɛ̀.

Luù 16:8

Wèè esaɓù lɛɛ̀, wo kààmɔ̀ɔ̀ŋ wo ɓɔ̀ìjɔ̀à kàaɓì yɛ̀mɛ̀ manɛ̀ŋ diɛɔ̀ŋ nauŋ tɛnɛ̀ŋ wèè e jiikɛ̀ɛ wò naŋ nyɛ̀nɛ̀ŋ wèè wuŋ bi lɛ̀. Yɛi nɔŋ anyùùŋ kàaɓì nyaŋ e ɗuunyaŋ lɛɛ̀ àŋ yaà. Àŋ kuwa e jiikɛ̀ɛ zimgbe manɛ̀ŋ nyɛ̀nɛŋ nyiŋ màŋ sùà e nìàŋ anyùùŋ tɔ̀ɔ̀nyaàŋ nyaŋ.”

Luù 18:30

àŋ do nàŋ yɛ̀mɛ̀ manɛ̀ŋ mɛɛ̀ŋ zimgbe miŋ e ɗuunyaŋ lɛɛ̀ sùà, e kìlà àŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà e ɗuunyaŋ jɛiɛ̀ do nàŋ hnè lɛ sùà.”

Luù 23:34

Wo Jisɛ̀ naŋ woò wààŋ, “Jùùyaà anyùùŋ nyɛɛ̀ŋ hakɛ̀, Dèda! Esaɓù kɛ̀ aŋ nyimààŋ kɛ̀ kiìŋ àŋ yaà nyinie.” Kɛɛ sɔɔ̀ àŋ naŋ wa dàà ke kpɔlɔ wèè aŋ goonò maŋ deèuŋ màŋ e fèemàŋ nyiŋ nɛ̀.

Luù 7:34

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, nìŋ naŋ ɓɛìŋ woò nààŋ, ‘Wo felaa wɛɛ̀ jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyùùŋ maŋ jùumù.’

Jɔ̀ɔŋ 7:12

Anyùùŋ nyaŋ e faaàŋ sùà yaà wa kpaane kpaane maŋ wɛɛwɛɛ suà nyiŋ bi e fèemàŋ e nyaàiŋ dè wò Jisɛ̀. Anyùùŋ nyaŋ bà nyiŋ yaà wa woo nyààŋ, “Wo Jisɛ̀ yaà wo nyùùŋ tɔ̀ɔ̀nyaàŋ,” kɛɛ aŋ bà nyiŋ yaà woo nyààŋ, “Kpele, wò yaà tùùya sùà anyùùŋ nyaŋ gbiŋ.”

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

Jɔ̀ɔŋ 7:52

Yèè aŋ màmàŋkùmɛŋ nyàŋ naŋ fasàì nyààŋ, “Nìkɔ̀dimɔ̀, muàŋ pɛɛ mùŋ yewe ko Galaliì? Kɛ̀ kpɛnɛ̀ŋ weè wɔŋ fɛ̀ì Dayàa. Yèè mùŋ do naŋ nyìmè kɛ̀ wo wɛ̀ijì gbiŋ wo naàŋ yèwè kò Galaliì.” [

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Ɛfesɔ̀ 1:21

Wuŋ nàŋ yaà kìlìè e kana maŋ gààŋ maŋ gbiŋ diɛŋ e kpùlìà aŋ jìnàŋ nyaŋ yaà e ɗùùnyàŋ sùà yaà anyuùŋ gbeegbèè nyiŋ nyàŋ gbiŋ diɛŋ. Wò kuwa e dèè, è nìàŋ maŋ dèè gààŋ maŋ gbiŋ e ɗuunyaŋ lɛɛ̀ sùà, e kpùlìà e ɗuunyaàŋ e yèɛ pɛɛ do nàŋ hnè lɛ.

1Time 1:13

jòòpɛɛ mìŋ naŋ wa gbòò naanààŋ e nyaàìŋ euŋ dè, yèè mìŋ nauŋ ngainɓù e kìlà kauŋ wòò maŋ mìè ɓɛ̀ɛ̀pɔ̀ɔ. Kɛɛ wo Dayà naŋ wa tɔ̀ɔ̀ ke nyowo esaɓù è hààwe gò kɛɛnɛ̀ŋ mɛ̀, yèè miŋ nyimààŋ wa kɛ̀ kiìŋ mìŋ yaà nyinie.

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.

1Time 6:17

Wòò anyùùŋ nyaŋ naŋ bàne wɔŋ nyììŋ gè ɗuunyaŋ lɛɛ̀ sùà nyaŋ ɓɔ̀ àŋ joowò nyiiŋ bi, e kìlà ɓɔ̀ àŋ sìà màŋ jii tùlia nyiŋ màŋ è bànè ɗuunyaŋ lɛɛ̀ sùà. Wòò nyiŋ aŋ kɛɛnɛ̀ŋ e hààwe wo Kanaà Dayà sùà, wo yèɔ kpuumàŋ wiì yèè wo wi kìɛ̀ŋ manɛ̀ŋ maŋ gbiŋ è jikàìŋ maŋ nyiiŋ gèe wi màŋ sùà maŋ.

2Time 4:10

Wo Dimà naŋ wa sɛ̀ɛ̀ e mànàŋ e ɗuunyaàŋ lɛɛ̀ sùà yèè wò naim gììyè kɛ̀ɛ, wò naŋ kɔ̀ ko Tɛsèlonikà. Wo Kùlìsɛɛ̀ŋ naŋ kɔ̀ ko Gàlatìà, yèè wo Taitɔ̀ naŋ kɔ̀ ko Dàmatià.

Taitɔ̀ 2:12

Esàɓù e tɛ̀ɛ̀tɛ̀ɛ̀ Dayàa sùà, wò naŋ wi kaà wèè eiŋ gè kùàŋ maŋ keì naanààŋ sùà e kpùlìà maŋ ɗèwè ɗuunyaŋ naanààŋ maŋ, yèè eiŋ nyìmàŋ e ɗèwè yàwi bi yɛ̀mɛ̀ diɛŋ, eiŋ nɔ̀ŋ tɔ̀ɔ̀nyaàŋ, yèè eiŋ nɔ̀ŋ wɔŋ nyiiŋ gèe e jɔ̀ɔ̀lɔ sùà e ɗuunyaŋ lɛɛ̀,

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.