Maafiù 12:3 - WƆŊ FƐ̀Ì EBÒ SÌÀŊ DAYÀA

³ Wo Jisɛ̀ naŋ nyiŋ fasàì wààŋ, “Kòò nìŋ kpɛ̀nɛ̀ŋ wa è nɛ̀ɛŋ wò Dèèwe naŋ wa nyɛ̀nɛ̀ŋ lɛ è teengaà e jìèɛ yàaùŋ wa yaà anyùùŋ màŋjɛ̀wɛ̀uŋ nyàŋ?

Maafiù 12:3 ပူးပေါင်းရင်းမြစ်များ

Maafiù 12:2

Kɛɛ nààŋ aŋ Fɛlosiì nyaŋ naŋ wa tɛɛ̀ yɛmɛ̀, àŋ naŋ wòò wo Jisɛ̀ nyààŋ, “Yɛ̀mɛ̀ weè, ke sàwà wiɛ̀ gò wi gè nyààŋ diɛŋ wèè ànyùùŋ màŋjɛ̀wɛ̀um nyàŋ aŋ nyɛ̀nɛ̀ŋ è keì mààŋ tii ke Ɗɔ̀ɔ̀ Zòòlò aŋ Juùù nyaŋ diɛŋ!”

Maafiù 12:4

Wò naŋ wa jɔ̀ ko sààŋ Dayài, yèè wuŋ yaà anyùùŋ màŋjɛ̀wɛ̀uŋ nyàŋ aŋ gbìlà e gbɔ̀uɛ̀ àŋ naŋ wa gììyè saàà lɛ koɓɛ̀ Dayài. Yèè ke sàwà wiɛ̀ gò wi gè nyààŋ diɛŋ wèè wò nyuùŋ joo gbiŋ wo wa gbìlà è gbɔ̀u bi sɔɔ̀ nɔŋ aŋ sìèfèìŋ zòòlo nyàŋ.

Maafiù 12:5

Yèè kòò nìŋ kpɛ̀nɛ̀ŋ màŋ Sàwà Mòòze màŋ kɛ̀, aŋ gè aŋ sìèfèìŋ zòòlo nyàŋ nyààŋ diɛŋ wèè aŋ nyɛ̀nɛ̀ŋ e tòmo ko Saaŋ Zòòlò Dayài ke Ɗɔ̀ɔ̀ Zòòlò aŋ Juùù nyaŋ diɛŋ? Kɛɛ wo nyùùŋ gbiŋ fè woò wààŋ àŋ pɔ̀ɔ̀ kè sàwà kè Ɗɔ̀ɔ̀ Zòòlò àŋ Juùù nyaŋ.

Maafiù 19:4

Wo Jisɛ̀ naŋ fasàì wààŋ, “Kòò nìŋ kpɛ̀nɛ̀ŋ wɔ̀ŋ fɛ̀ì Dayàa wɔ̀ŋ yèɔ naŋ woò kɛ̀ ko tɔ̀ɔ̀tù e ɗuunyaàŋ wo Dayà naŋ nyiŋ wa banè wo felaa yèè wo jɔùŋ?

Maafiù 21:16

Yèè àŋ naŋ dàwè wo Jisɛ̀ nyààŋ, “Màŋ kòmàŋ e nɛ̀ɛŋ aŋ jɔ̀àkàiŋ nyiiŋ àŋ yaà woo lɛ̀?” Wo Jisɛ̀ naŋ fasàì wààŋ, “Hɛ̀ɛɛ̀ŋ, kà niŋ kòmàŋ! Kòò nìŋ kpɛ̀nɛ̀ŋ è nɛ̀ɛŋ wɔ̀ŋ fɛ̀ì Dayàa naŋ woò lɛ kɛ̀, ‘Aŋ jɔ̀àkàiŋ jɔa nyàŋ yèè aŋ jɔaa bɔwɔ nyàŋ do nàŋ kìɛ̀ŋ maŋ mìè tɛ̀nɛŋ?’ ”

Maafiù 22:31

Yèè sèè è nɔ̀ŋ wèè anyùùŋ nyaŋ do nàŋ yèwè e fàaà dìì nyaŋ, wo Dayà naiŋ wa woò wààŋ,

Luù 10:26

Wo Jisɛ̀ nauŋ fasàì wò naŋ woò wààŋ, “Kiìŋ ke Sàwà Dayàa naŋ woò? Diè mùŋ gɔì nyiìŋ sùà?”

Luù 6:3

Wo Jisɛ̀ naŋ nyiŋ fasàì wààŋ, “Kòò nìŋ kpɛ̀nɛ̀ŋ wa è nɛ̀ɛŋ wò Dèèwe naŋ wa nyɛ̀nɛ̀ŋ e teengaà e jìèɛ yàaùŋ wa yaà anyùùŋ màŋjɛ̀wɛ̀uŋ nyàŋ lɛ?