Maafiù 12:28 - WƆŊ FƐ̀Ì EBÒ SÌÀŊ DAYÀA

²⁸ Miŋ fè è gààŋ Bɛɛziɓùɛ dìì, sɔɔ̀ wo Jìnàŋ wo Kanaà Dayà wo yèɔ kiɛ̀ìm e gààŋ wèè ka gè aŋ jinàŋ naanààŋ anyùùŋ maŋjɛ̀wɛ. Tɛɛ̀ è tɔɔ̀ kɛ̀ e Kànà Dayàa è hnàŋ ko nɛ̀ɛ̀iŋ niìŋ tɛ.”

Maafiù 12:28 ပူးပေါင်းရင်းမြစ်များ

Luù 11:20

Kɛɛ sèè mààŋ è gààŋ Dayàa sùà le kɛ̀ mìŋ gè aŋ jinàŋ naanààŋ anyùùŋ maŋjɛ̀wɛ, tɛɛ̀ è tɔɔ̀ kɛ̀ e Kànà Dayàa è naàŋ hnàŋ ko nɛ̀ɛ̀iŋ niìŋ tɛ.

Maafiù 21:43

Yèè wo Jisɛ̀ naŋ nyiŋ ɓɛìŋ woò wààŋ, “Weètii tɔ̀ miŋ woòiŋ kɛ̀, àŋ doiŋ nàŋ gè e Kànà Dayàa sìwè yèè aŋ niŋ kìɛ̀ŋ koɓɛ̀ anyùùŋ nyaŋ do nàŋ nyɛ̀nɛ̀ŋ e yèɛ wo Dayà manaŋ lɛ̀. [

Maafiù 6:33

Kɛɛ eɓìèmàŋjɛ̀wɛ̀ e keì ɗewe gbiŋ, nyɛ̀nɛìŋ e tòmò Dayàa tiiŋ jiɛ̀ màànààŋ wò manaŋ lɛ̀. Kpeiŋ kɛ̀ wòiŋ kìɛ̀ŋ manɛ̀ŋ gbànaŋ mɛɛ̀ŋ gbiŋ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Maafiù 21:31

Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

Luù 9:2

Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Hiɓu 12:28

Gè wiìŋ Dayà ke sɛ̀, wèè esaɓù kɛ̀ è naìŋ yɛ̀mɛ̀ e kana e yèɛ fè ɓɛ̀nɛ̀ŋ mɛ̀ɛ̀mɛɛŋ lɛ. Kɛ̀ɛ̀nɛ̀ŋ wiìŋ e jòòwo gbee yèè e zoolòiŋ Dayà e ɗewe kiiɛ̀ douŋ nàŋ fɔ̀ɔ̀yɛ̀ jii lɛ̀ e ɓɛ̀ɛ̀jàa sùà.

Luù 10:11

‘È yààìŋ gbùmo sùà e hèì jawaiŋ nɛ̀ maŋ gòlòò dìì wi màŋ wèè e nɔ̀ŋ wo seì yaà e gòo ko nɛ̀ɛ̀iŋ niìŋ. Kɛɛ nyìmaìŋ kɛ̀ e Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀!’

Maafiù 12:18

“Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 12:29

Yèè wo Jisɛ̀ naŋ nyiŋ ɓɛìŋ woò wààŋ, “Wo nyùùŋ gbiŋ fè ɓɛ̀nɛ̀ŋ gɔ̀ɛ̀ɛ̀ kè sààŋ wò nyùùŋ gààaŋ wèè wo ɓèmè màŋ nɛ̀uŋ màŋ, sɔɔ̀ wo dèkà wo nyùùŋ gààŋ wii jiɛ̀, kɛ̀ ngàà wò gùlògùlò ko sauŋ niìŋ.

1Jɔ̀ɔŋ 3:8

Wo nyùnɔ̀ɔŋ gbiŋ nyɛnɛŋ maŋ kèì jùumù keleiŋ wɔ̀, wò yaà wo nyùùŋ Sɛ̀tanàŋ, e fèfoo wo Sɛ̀tanàŋ wò wa nyɛ̀nɛ̀ŋ maŋ kèì jùumù e yìwìà ko tɔ̀ɔ̀tù e ɗuunyaàŋ. Wèè esàɓù guùŋ lɛɛ̀ wo Jɔ̀àfèlàà Dayàa naŋ wa hnè, wèè wo pɔɔpɔ̀ɔ̀ e tòmoɛ̀ wo Sɛ̀tanàŋ naŋ nyɛ̀nɛ̀ŋ lɛ.