Maafiù 12:26 - WƆŊ FƐ̀Ì EBÒ SÌÀŊ DAYÀA

²⁶ Weètii sèè e kànà Sɛ̀tanàaŋ e gòònò tɛɛ maŋ gbòò sùà, tɛɛ̀ naŋ tɔɔ̀ kɛ̀ è gòònò sùà tɛ maŋ gbòò sùà, yèè è do nàŋ sɔ̀ɔ̀ e hàì ko dìa.

Maafiù 12:26 ပူးပေါင်းရင်းမြစ်များ

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Maafiù 9:34

Kɛɛ aŋ Fɛlosiì nyaŋ naŋ woò nyààŋ, “Wo kànà aŋ jinàŋ naanààŋ nyaŋ naŋ kìɛ̀ŋ wo Jisɛ̀ e gààaŋ wèè wo gè aŋ jinàŋ naanààŋ anyùùŋ maŋjɛ̀wɛ.”

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 14:30

Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim.

Jɔ̀ɔŋ 16:11

È yaà e keì jèèe nyiŋ esaɓù kɛ̀ wo Dayà wò naàŋ hàà e kìtì tɔ̀ɔ̀nyaàŋ wo ɓɛ̀màŋɗì e kànà ɗuunyaŋ lɛɛ̀ diɛŋ.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 16:10

Wo màikà dìà nɔɔnɔɔ̀ŋ naŋ kɔ̀ yèè wò naŋ gɔ̀àì wɔŋ gɛ̀yiuŋ nɔɔ̀ŋ ke kpùà kànà yilì kùùno jiɛ̀jiɛ̀ɔ diɛŋ. Ko fɛɛ̀feìŋ ke nyiwì naŋ kùwò e kànà yilì kùùnoɔ̀ diɛŋ, yèè anyunùuŋ nyàŋ naŋ tɔ̀ɔ̀tù kɛ̀nɛ̀nkɛ̀nɛ̀ŋ maŋ milè nyiŋ màŋ e keì nyìnga sùà,

Maŋ kèì nyɛɛnɛŋ 9:11

Wo kana nyiŋ nɔɔ̀ŋ nàŋ yaà wo màikàa sia e kèè wɔŋ golo zutùùɔŋ feìŋ wɔ. E deèuŋ nɛ̀ e Hiɓulù mieɛ̀ sùà nàŋ yaà Abadɔ̀ùŋ. E deèuŋ nɛ̀ e Guliì mieɛ̀ sùà nàŋ yaà wo Àponyɔ̀ŋ. E fàsàì tɛɛ̀ nàŋ yaà, “Wo Nyuùŋ Pɔ̀ɔ̀pɔ̀ɔ̀ Keì.”