Maafiù 12:23 - WƆŊ FƐ̀Ì EBÒ SÌÀŊ DAYÀA

²³ E keì lɛɛ̀ naŋ wa fòònò anyùùŋ nyaŋ zimgbe nààŋ wo Jisɛ̀ naŋ wa sùngò wo felaaà, yèè àŋ naŋ tɔ̀ɔ̀tù dàwe nyààŋ, “Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo jɔ̀àfelaa Dèèweɔ̀?”

Maafiù 12:23 ပူးပေါင်းရင်းမြစ်များ

Maafiù 15:22

Ko fɛɛ̀feìŋ wo nìe bà, wo nyùùŋ e yìwìà ko Kenàŋ wo yèɔ hewa jòò wɔŋ fuɔŋ wiiŋ sùà wɔ, naŋ hnè ko nɛ̀ɛ̀uŋ niìŋ. Wò naŋ kpààŋ wààŋ, “Kanaà, Jɔ̀àfèlàà Dèèweɔ̀, tɔ̀ɔ̀im ke nyowo! Wo jɔ̀àjɔùŋ miɔ̀ŋ kuwa wo jinàŋ naanààŋ maŋjɛ̀wɛuŋ, yèè kòò wò yaà e keì nyìnga dìì.”

Maafiù 21:9

Anyùùŋ nyaŋ yàaùŋ wa ko feìŋ nyaŋ yaà aŋ yè nyaŋ kùwaùŋ wa maŋjɛ̀wɛ nyàŋ, yaà wa kpàaŋ sùà àŋ yaà woo nyààŋ, “Tɛ̀nɛ̀ŋ wiìŋ wo Jɔ̀àfèlàà Kanaà Dèèwe! Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀! E tɛ̀nɛŋ nɔ̀ŋ koɓɛ̀ Dayài ko àìjɛnɛ̀ŋ!”

Maafiù 7:28

Nààŋ wo Jisɛ̀ naŋ wa kpɛ̀ɛ̀yɛ̀ maŋ keì mɛɛ̀ŋ wòo, e kàa kiiuŋ nɛ̀ naŋ wa fòònò anyùùŋ nyaŋ.

Maafiù 9:27

Yèè nààŋ wo Jisɛ̀ naŋ wa yèwè koɓɛ̀ wii, aŋ fèlàà tìyèe kùwìè le fɛɛ̀ zììle naŋ wa dè wo Jisɛ̀ maŋjɛ̀wɛ nààŋ wò yaà wa kɔɔyɛ. Aŋ fèlàà tìyèe nyàŋ yaà wa kpàaŋ sùà àŋ yaà woo nyààŋ, “Tɔ̀ɔ̀ wi ke nyowo, Jɔ̀àfèlàà Dèèweɔ̀!”

Maafiù 9:33

Kɛɛ nààŋ wo Jisɛ̀ naŋ wa gè wo jinàŋ naanààaŋ wo felaaà maŋjɛ̀wɛ, wo felaaà naŋ tɔ̀ɔ̀tù gbòa ko fɛɛ̀feìŋ. E keì lɛɛ̀ naŋ wa fòònò anyùùŋ zimgbe yèè àŋ naŋ tɔ̀ɔ̀tù wòo nyààŋ, “Kòò è yɛ̀mɛ̀ìŋ wa è keì mààŋ tɛɛ̀ bà gbiŋ wèè e kààìŋ wɔ̀ŋ fùɔ̀ŋ Ezɔ̀ɛ̀ɔ sùà!”

Jɔ̀ɔŋ 4:29

“Hnaìŋ niŋ yɛmɛ̀ wo kenàaŋ wo yèɔ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ. Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?”