Maafiù 12:18 - WƆŊ FƐ̀Ì EBÒ SÌÀŊ DAYÀA

¹⁸ “Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Maafiù 12:18 ပူးပေါင်းရင်းမြစ်များ

Maafiù 12:17

Wo Jisɛ̀ naŋ wa tɛɛ̀ nyɛ̀nɛ̀ŋ wèè e nyɛ̀nɛ̀ŋ e yèɛ wo Dayà naŋ wa woò e yìwìà wo wɛ̀ijìɔ Àzaayà sùà lɛ e hɛɛnɛ̀ŋ, wààŋ,

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Luù 23:35

Anyùùŋ siao wa àŋ yàaùŋ yɛɛmɛ e kìlà e tèèngà guùŋ bi sùà aŋ ɓɛ̀màŋɗì aŋ Juùù nyaŋ yàaùŋ hiile nyààŋ, “Wò naŋ jòèyè anyuùŋ joo. Tɔ̀ wo joeyè wuŋ bi, sèè mààŋ wuŋ nàŋ yaà wo Kulaìɔ, wo yèɔ wo Dayà naŋ tàeɗùù wɔ!”

Luù 3:22

yèè wo Jìnàŋ Nɛɛmaàŋ, wo yèɔ naŋ tèènè wo poopoò ke kpùnaŋ sùà wɔ, naŋ dèyè wo jɛ̀ì Jisɛ̀ diɛŋ. Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Luù 9:35

Ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ naŋ tàeɗùù wɔ̀. Kòmaìŋ e mìè nyaàuŋ nɛ̀!”

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Ɛfesɔ̀ 1:6

Tɔ̀ɔ̀ wiìŋ jii siaŋ wo Dayà wèè e jòòwò tɛ̀ɛ̀tɛ̀ɛ̀uŋ nɛ̀, wò naŋ wi kiɛ̀ŋ wèè foo esàɓù jɔ̀à mànauŋ nɔɔ̀ŋ Jisɛ̀ Kulaì sùà lɛ!

Kòlo 1:1

E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè ka nɔ̀ŋ wo keela tàeɗùù wèè wo Jisɛ̀ Kulaì wɔ, e kìlà e yìwìà wo wùìya wiɔ̀ Timetè sìwè,

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

1Pììlɛ 2:4

Hnaìŋ koɓɛ̀ wo Kanaà, ke dùò nyiiŋ gèe gò jùàa anyùùŋ nyaŋ naŋ wa gè kùàŋ dìì yɛ, esaɓù kɛ̀ aŋ gòuŋ wa nyààŋ è nɛ̀ŋ bà gbiŋ, kɛɛ wo Dayà nauŋ tàeɗùù wèè wo kuwiè e sɛmɛmaŋ.

2Pììlɛ 1:17

È yaà wa fɛɛ̀feìŋ wɔŋ tòò nɛɛmaàŋ diɛŋ e teengaà wo Dayà, wo dèdaà nauŋ fè e ɓɛ̀ɛ̀jàa yèè e jòòwo. Ke mìè naŋ hnè ko nɛ̀ɛ̀uŋ niìŋ e yìwìà koɓɛ̀ Dayà kùwìè e ɓɛ̀ɛ̀jàa gbeeɔ̀, kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀.”