Maafiù 12:17 - WƆŊ FƐ̀Ì EBÒ SÌÀŊ DAYÀA

¹⁷ Wo Jisɛ̀ naŋ wa tɛɛ̀ nyɛ̀nɛ̀ŋ wèè e nyɛ̀nɛ̀ŋ e yèɛ wo Dayà naŋ wa woò e yìwìà wo wɛ̀ijìɔ Àzaayà sùà lɛ e hɛɛnɛ̀ŋ, wààŋ,

Maafiù 12:17 ပူးပေါင်းရင်းမြစ်များ

Maafiù 12:16

yèè wò naŋ nyiŋ naà kɛ̀ ɓɔ̀ àŋ woò wò nyùùŋ gbiŋ kɛ̀ ɓòò nàŋ yàaùŋ.

Maafiù 12:18

“Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Maafiù 13:35

Wo Jisɛ̀ naŋ wa tɛɛ̀ nyɛ̀nɛ̀ŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, màànààŋ nɔŋ wo wɛ̀ijìɔ naŋ wa woò lɛ wààŋ, “Mìŋ do nàŋ gbòò ko nɛ̀ɛ̀ŋ nyiŋ niìŋ maŋ kàɓanè sùà. Mìŋ do nyiŋ nàŋ kpìnìè maŋ kèì ko nyɛɛnɛŋ e yìwìà e teengaà e ɗuunyaàŋ naŋ wa nɔ̀ŋ bàne niŋ nɛ̀.”

Maafiù 21:4

Kpeiŋ e yèɛ wo Dayà naŋ wa woò lɛ naŋ hɛɛnɛ̀ŋ màànààŋ nɔŋ wo wɛ̀ijìɔ naŋ wa woò lɛ wààŋ,

Maafiù 8:17

Wo Jisɛ̀ naŋ wa tɛɛ̀ kaaìŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, nààŋ wo wɛ̀ijìɔ Àzaayà naŋ wa woò lɛ wààŋ, “Wò naŋ wi gè maŋ sàaŋ wi màŋ e kɔɔ wi lɛ̀ sùà, yèè wò naŋ wi sùngò.”

Luù 21:22

Esaɓù kɛ̀ maŋ ɗɔɔ miiŋ do wa nàwèè nàŋ nɔ̀ŋ maŋ ‘Ɗɔ̀ɔ̀ keì nyìnga gbee,’ wèè e nyɛ̀nɛ̀ŋ e nɛ̀ɛŋ yaà sìnga niŋ maŋ fɛ̀ì Dayà maŋ sùà lɛ e hɛɛnɛ̀ŋ.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Jɔ̀ɔŋ 10:35

Èiŋ nyìmàŋ kɛ̀ e yèɛ wɔŋ fɛ̀ì Dayàa naŋ woò lɛ è yaà e tɔ̀ɔ̀nyaàŋ wèè julɔfɔ. Yèè wo Dayà naŋ wa gbòò koɓɛ̀ anyùùŋ nyiiŋ yèè wò naŋ nyiŋ wa nyààŋ aŋ dayà.

Jɔ̀ɔŋ 12:38

Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo wɛ̀ijìɔ Àzaayà naŋ wa woò lɛ e hɛɛnɛ̀ŋ. Wò naŋ woò wààŋ, “Kanaà, ɓòò naŋ wa hààwè maŋ miè gbìaŋ wi màŋ? Yèè ɓòò naŋ wa yɛ̀mɛ̀ e gaàŋ gbee mɔ̀ɛ̀?”

Jɔ̀ɔŋ 19:28

Yèè e teenga lii sùà, wo Jisɛ̀ wa naàŋ nyìmàŋ kɛ̀ wò kpɛ̀ɛ̀yɛ̀ e tòmoɛ̀ wo Dayà nauŋ wa tùɔ̀ŋ wèè wo nyɛ̀nɛ̀ŋ lɛ. Yèè wèè wo nyɛ̀nɛ̀ŋ wa e yèɛ wɔŋ fɛ̀ì Dayàa naŋ woò lɛ e hɛɛnɛ̀ŋ, wo Jisɛ̀ naŋ woò wààŋ, “Ke jòòmàì yààìm.”

Nyɛ̀nɛ̀ŋ 13:27

Anyùùŋ nyaŋ ko Jùlusɛ̀làm yèè anyuùŋ gbeegbèè nyiŋ nyàŋ naŋ wa gè maŋhɛɛ wèè aŋ nyìmàŋ kɛ̀ wò Jisɛ̀ nàŋ yaà wa wò yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè anyùùŋ nyaŋ gbiŋ e ɗuunyaàŋ. Yèè aŋ gò wa nyìmàŋ màŋ miè gbìaŋ màŋ aŋ wɛ̀ijì nyaŋ naŋ wa sìngè maŋ, jòòpɛɛ àŋ kpɛ̀nɛ̀ŋ miìŋ wa e teenga gbiŋ ke Ɗɔ̀ɔ̀ Zòòlò aŋ Juùù nyaŋ diɛŋ. Yèè àŋ naŋ wa gììyè wo Jisɛ̀ maŋhɛɛ màànààŋ nɔŋ aŋ wɛ̀ijì nyaŋ naŋ wa woò lɛ. Àŋ naŋ wa nyɛ̀nɛ̀ŋ e yèɛ nɔŋ wɔŋ Fɛ̀ì Dayàa naŋ wa woò lɛ.