Maafiù 12:15 - WƆŊ FƐ̀Ì EBÒ SÌÀŊ DAYÀA

¹⁵ Nààŋ wo Jisɛ̀ naŋ wa kòmò kɛ̀ aŋ Fɛlosiì nyaŋ naŋ ɗewè wèè auŋ jìwà, wò naŋ ɓèmè anyùùŋ màŋjɛ̀wɛ̀uŋ nyàŋ yèè wò naŋ yèwè koɓɛ̀ wii wo kà koɓɛ̀ bà. Anyuùŋ zimgbe e kpùlìà anyuùŋ sàaŋ nauŋ wa dè maŋjɛ̀wɛ, esaɓù kɛ̀ àŋ manaŋ wa wèè wo nyiŋ sùngà, yèè wò naŋ sùngò anyuùŋ sàaŋ nyàŋ gbiŋ,

Maafiù 12:15 ပူးပေါင်းရင်းမြစ်များ

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Maafiù 19:2

E faaŋ nauŋ ɓɛìŋ kuii dèènè kɔɔ, yèè wo naŋ sùngò maŋ sàaŋ nyiŋ màŋ.

Luù 5:22

Wo Jisɛ̀ nyìmàŋ kɛ̀ kiìŋ àŋ yaà wa goongo maŋ jii nyiŋ màŋ sùà. Kpeiŋ wò naŋ nyiŋ woò wààŋ, “Wèè kiìŋ nìŋ gongà maŋ keì mààŋ mɛɛ̀ŋ maŋ jiiŋ màŋ sùà e nyaàiŋ dè e nɛ̀ɛŋ mìŋ naŋ woò lɛ?

Luù 6:12

E teenga bi sùà wo Jisɛ̀ naŋ wa kɔ̀ wɔŋ toò bà dìmɛ̀ wèè wo zoolò. Wò nao nɔ̀ŋ wɔŋ dùùm wiiŋ gbiŋ ko zòòlò Dayà.

Luù 9:11

Nààŋ anyùùŋ nyaŋ naŋ nyìmè kɛ̀ wò wa ka, àŋ nauŋ dè maŋjɛ̀wɛ. Wo Jisɛ̀ naŋ nyiŋ wa ɓeè, yèè wò naŋ nyiŋ gbòò kɔɔ e nyaàiŋ dè e Kànà Dayàa, e kìlà wo sùngà anyùùŋ nyaŋ kuwa wa maŋ sàaŋ gɛ̀wɛɛ̀ nyaŋ.

Jɔ̀ɔŋ 11:54

Esàɓù ke gbùnu yɛɛ̀, wo Jisɛ̀ fè wa ɓɛìŋ tɔ̀ɔ̀ wuŋ bi janyai kò ɓài àŋ Juùù nyaŋ tɛɛ. Wò naŋ wa kɔ̀ koɓɛ̀ e jawa bà àŋ nyaaŋ ko Ɛfilàm, ko gbɛ̀ɛ̀ e dìì ke fòungà wòaà. Kuŋ wuŋ yaà anyùùŋ màŋjɛ̀wɛ̀uŋ nyàŋ naŋ wa nɔ̀ŋ.

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Jɔ̀ɔŋ 9:4

Nààŋ è yɛmɛ̀ìŋ wɔŋ niìsìaà lɛ, è kuwa eiŋ nyɛ̀nɛ̀ŋ e yèɛ wo nyùnɔ̀ɔŋ naim tùɔ̀ŋ wɔ manaŋ wèè ka nyɛ̀nɛ̀ŋ lɛ. Wo nyùùŋ gbiŋ fè ɓɛ̀nɛ̀ŋ tòmo sèè e dùùm kuwo.

Gàla 6:9

E bɔ̀mɔ̀ŋ ɓɔ̀ è nyɛ̀nɛ̀ìŋ wèè è tɛ̀ɛ̀tɛ̀ɛ̀ nyɛ̀nɛŋ, sèè e bɔ̀mɔ̀ŋ goiŋ nyɛ̀nɛ̀ŋ, nìŋ do nàŋ yɛ̀mɛ̀ e jìwààjɛ̀wɛ̀ siaŋ sèè e teenga kɛnɛɛ̀ haì wa nàwèè.

1Pììlɛ 2:21

Wèè tɛɛ̀ wo Dayà naiŋ nyààŋ, wo Jisɛ̀ Kulaì wuŋ bi naŋ mɔɔnɛ̀ŋ weèiŋ yèè wò naŋ jòò e tɔ̀ɔ̀màŋseì, e wèè naŋ dè e gòlò feeuŋ nɛ̀ maŋjɛ̀wɛ.