Maafiù 12:14 - WƆŊ FƐ̀Ì EBÒ SÌÀŊ DAYÀA

¹⁴ Kpeiŋ aŋ Fɛlosiì nyaŋ naŋ fòlò yèè àŋ naŋ kɔ̀ aŋ ɗewè wèè aŋ jìwà wo Jisɛ̀.

Maafiù 12:14 ပူးပေါင်းရင်းမြစ်များ

Maafiù 26:4

Kuŋ àŋ naŋ wa ɗewè wèè aŋ kùwà wo Jisɛ̀ mɔ̀ɔ̀ŋ wèè auŋ jìwà.

Maafiù 27:1

Maŋ nyiìŋ tɛ̀tɛ̀ aŋ kànà sìèfèìŋ zòòlo nyàŋ gbiŋ yèè aŋ màmànkùmɛ̀ŋ fuɔɔ̀ŋ, naŋ nyɛ̀nɛ̀ŋ e ɗèwe nyiŋ nɛ̀ wèè aŋ jìwà wo Jisɛ̀.

Luù 22:2

Aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ yaà wa kààmè e ɗewe wèè aŋ kùwà wo Jisɛ̀ wèè aŋ jìwàuŋ ke gbùnu sùà, esaɓù kɛ̀ àŋ duɔŋ wa anyùùŋ nyaŋ.

Luù 6:11

Kɛɛ aŋ kààmɔ̀ɔ̀ŋ maŋ Sàwà Dayà nyaŋ yaà aŋ Fɛlosiì nyaŋ naŋ wa tuù, yèè àŋ naŋ wòò nyiŋ bi e fèemàŋ nyààŋ, “Kiìŋ è naiŋ ɓɛ̀nɛ̀ŋ nyìnìàŋ wo Jisɛ̀?”

Jɔ̀ɔŋ 10:31

Yèè aŋ Juùù nyaŋ naŋ ɓɛìŋ ɓèmè le dùò wèè aŋ hɔ̀wà wo Jisɛ̀.

Jɔ̀ɔŋ 10:39

E tèèngà guùŋ bi sùà ɓɛìŋ àŋ manaŋ wa auŋ kùwà, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Jɔ̀ɔŋ 11:53

E nɔŋ e yìwìà ke ɗɔɔ yii, anyùùŋ gbèègbèè aŋ Juùù nyaŋ naŋ wa kùùnò e ɗewe kàme wèè aŋ jìwà wo Jisɛ̀.

Jɔ̀ɔŋ 11:57

Aŋ kànà sìèfèìŋ zòòlo nyàŋ yèè aŋ Fɛlosiì nyaŋ naŋ mììnyɛ̀ŋ ke sàwà àŋ naŋ wòò anyùùŋ nyaŋ wèè aŋ jàà fɛ̀ɛ̀ dìì wèè wo Jisɛ̀, yèè nyààŋ sèè àŋ yɛmɛ̀uŋ, kɛ̀ aŋ nyɛ̀nɛ̀ŋ nyiŋ aŋ nyìmàŋ. Yɛi àŋ naŋ wa ɗewè wèè aŋ wa kùwà wo Jisɛ̀.

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 7:30

Anyùùŋ nyaŋ bà nyiŋ manaŋ wa auŋ kùwà ko fɛɛ̀feìŋ. Kɛɛ wo nyùùŋ gbiŋ gòuŋ wa mɛnlɛ̀ɛ̀ŋ, esaɓù kɛ̀ e tèèngà fàauŋ nɛ̀ kòò è hàì wa.

Jɔ̀ɔŋ 7:32

Nààŋ aŋ Fɛlosiì nyaŋ naŋ kòmò e yèɛ anyùùŋ nyaŋ yaà wa woo lɛ̀ e nyaàiŋ dè wo Jisɛ̀, nyiŋ yèè aŋ kànà sìèfèìŋ zòòlo nyàŋ naŋ tùɔ̀ŋ anyuùŋ tùnìàŋ ke saaŋ zòòlò Dayà nyaŋ bà wèè aŋ kùwà wo Jisɛ̀.

Jɔ̀ɔŋ 7:44

Anyùùŋ nyaŋ bà nyiŋ e faaàŋ sùà manaŋ wa auŋ kùwà, kɛɛ wo nyùùŋ gbiŋ gòuŋ wa mɛnlɛ̀ɛ̀ŋ.

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.