Maafiù 11:6 - WƆŊ FƐ̀Ì EBÒ SÌÀŊ DAYÀA

⁶ Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Maafiù 11:6 ပူးပေါင်းရင်းမြစ်များ

Maafiù 13:21

Kɛɛ ke fè nyiŋ gè lè gùlò màŋ jiio sùà tɛ̀ɛ̀, kè nɔ̀ŋ nyìŋ nɔŋ maŋ jii wèè e teenga kpuu. Kpeiŋ sèè e keì nyìnga hnàŋ nɔŋ ɔ̀ɔ̀ sèè àŋ kɔ̀à e mɔ̀ɔ̀nɛ̀ŋ ke sàwà dìì esàɓù ke mìè Dayàa, àŋ nyiŋ gè kùàŋ dìì àŋ kɛ̀ɛ̀ maŋjɛ̀wɛ fiò.

Maafiù 18:7

E ɗuunyaàŋ kòò è yaà ke dòmàŋ e keì nyìnga diɛŋ wèè e ɗeweɛ̀ è nyɛnɛŋ anyùùŋ aŋ nyɛ̀nɛ̀ŋ e keì naanààŋ lɛ. E nɛ̀ŋ kòò è yaào wèè e nyɛ̀nɛ̀ŋ anyùùŋ aŋ nyɛ̀nɛ̀ŋ e keì naanààŋ, kɛɛ wo nyùnɔ̀ɔŋ do nàŋ nyɛ̀nɛ̀ŋ e keì naanààŋ bi wɔ̀, wò do nàŋ nɔ̀ŋ ke dòmàŋ e keì nyìnga diɛŋ.

Maafiù 24:10

Anyuùŋ zimgbe do nàŋ fè e hààwe nyiŋ nɛ̀ jɛwɛ e teenga lii sùà. Àŋ do nàŋ mààŋ aŋ dàwi e kìlà aŋ wùàŋ aŋ dàwi nyiŋ nyàŋ.

Maafiù 26:31

Kpeiŋ wo Jisɛ̀ naŋ nyiŋ woò wààŋ, “Nyɛ̀iŋ nààŋ gbiŋ nìŋ do nàŋ dùɔ̀ŋ naim jòà wɔŋ dùùm guùŋ wɛɛ̀ŋ, esaɓù è yaà sìnga niŋ wɔŋ fɛ̀ì Dayàa sùà kɛ̀, ‘Wo Dayà do nàŋ jìwè wo nyuùŋ tùnìàŋ aŋ ɓaawaa nyàŋ, yèè ke gbòò aŋ ɓaawaa nyàŋ gbiŋ do nàŋ ɓaayè.’

Maafiù 5:29

Weètii, sèè e fɛ̀ɛ̀ kùàŋ jìka mɔ̀ɛ̀ eum nyɛ̀nɛ̀ŋ maŋ sɛ̀ɛ̀ e jùumù sùà, gè niŋ noo muŋ gò! È yaà tɛ̀ɛ̀ wèè maŋ kɛ̀ɛ̀nɛ̀ŋ e fɛ̀ɛ̀ guùŋ, e nɛ̀ɛŋ nyɛ̀nɛ̀ŋ maŋ kɛ̀ɛ̀nɛ̀ŋ e fɛ̀ɛ̀ tìyèe kpeiŋ aŋ gbìàŋ ke kpùnaŋ mɔɛ̀ŋ ko jàhamaŋ.

Luù 2:34

Wo Simiɔ̀ŋ naŋ nyiŋ zòòlò diɛŋ yèè wò naŋ wòò wo Mèèle, wo nààŋ jɔ̀àa wààŋ, “Wo Dayà naŋ tà wo jɔ̀à wɛɛ̀ ɗùù wèè wo nyɛ̀nɛ̀ŋ anyuùŋ zimgbe ko Ezɔ̀ɛ̀ aŋ sɔ̀àà, yèè aŋ bà nyiŋ aŋ yèwà e fàa dìì aŋ sie. Wò do naŋ nɔ̀ŋ e tɔ̀ɔ̀màŋsèì e keì, yèè anyuùŋ zimgbe naàuŋ jàà kùàŋ dìì.

Luù 7:23

Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Jɔ̀ɔŋ 16:1

“Mìŋ yààìŋ wòò sùà maŋ keì mɛɛ̀ŋ wèè kɛ̀ niŋ go nàŋ kɛ̀ɛ̀ e hààweiŋ nɛ̀ maŋjɛ̀wɛ.

Jɔ̀ɔŋ 6:66

Esàɓù maŋ keì mɛɛ̀ŋ wo Jisɛ̀ naŋ nyiŋ yaà wa woò maŋ, anyùùŋ màŋjɛ̀wɛ̀uŋ nyàŋ zimgbe nyiŋ naŋ kɛ̀ɛ̀ maŋjɛ̀wɛ yèè àŋ nauŋ hɔ̀ànè maŋjɛ̀wɛ de wèè aŋ kà ko nɛ̀nɛ̀ŋ gbiŋ ɓɛìŋ.

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

Gàla 5:11

Wùìyaim nyàŋ, sèè ka woò mìàŋ è yaà tɛ̀ɛ̀ wèè wo nyùùŋ nɔ̀ŋ kpùà jàa, kɛ̀ wèè kiìŋ mìŋ yaà maŋ keì nyìnga mɛɛ̀ŋ sùà? Sèè tii naŋ wèè ɓɛ̀nɛ̀ŋ nɔ̀ŋ e tɔ̀ɔ̀nyaàŋ, kɛ̀ ke miè gbìaàŋ e nyaàìŋ dè wɔŋ vànèkpàà Jisɛ̀ Kulaìɔ weè ɓɛìŋ ɓɛ̀nɛ̀ŋ nɔ̀ŋ e keì nyìnga.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.