Maafiù 11:5 - WƆŊ FƐ̀Ì EBÒ SÌÀŊ DAYÀA

⁵ Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 11:5 ပူးပေါင်းရင်းမြစ်များ

Maafiù 10:8

Sùngaìŋ anyuùŋ sàaŋ nyàŋ, gèeìŋ anyuùŋ fàa nyàŋ dìì wɔŋ nyiiŋ gèeo sùà, sùngaìŋ anyuùŋ kɛ̀ɛ̀nɛ̀ŋ e sààŋ maŋkùnù nyaŋ aŋ zɛ̀nɛ̀ŋ, yèè niŋ gè aŋ jinàŋ naanààŋ anyùùŋ maŋjɛ̀wɛ. Nàŋ yɛ̀mɛ̀ e nɛ̀ŋ wèè foo, weètii, kìɛìŋ e nɛ̀ŋ wèè foo.

Maafiù 11:4

Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ yèè niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ.

Maafiù 12:13

Kpeiŋ wò naŋ wòò wo felaaà wààŋ, “Vùlɔ̀ŋ wɔŋ kuàŋ fàa mɔɔ̀ŋ.” Wo felaaà naŋ vùlɔ̀ŋ wɔŋ kuàŋ fàauŋ nɔɔ̀ŋ, yèè wɔ̀ŋ naŋ jòèyè wɔŋ nɔ̀ŋ mààŋ wɔŋ kuàuŋ nɔɔ̀ŋ bàa.

Maafiù 21:14

Anyuùŋ zììlè le fɛ̀ɛ̀ nyaŋ yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ naŋ hnè koɓɛ̀ Jisɛ̀i ko Saaŋ Zòòlò Dayài, yèè wò naŋ nyiŋ sùngò.

Maafiù 5:3

“E zɔlɔ̀ yaà anyùùŋ nyaŋ naŋ pɔɔ̀ wo jinàaŋ sùà nyaŋ. Nyiŋ nàŋ kanaŋ e Kànà àìjɛnɛ̀ɛŋ!

Maafiù 9:30

Yèè e fɛɛ̀ nyiŋ nɛ naŋ gbaì àŋ naŋ yɛ̀mɛ̀ dìì. Kɛɛ wo Jisɛ̀ naŋ nyiŋ kìɛ̀ŋ e go wààŋ, “Ɓɔ̀ nìŋ woò è keì lɛɛ̀ wò nyùùŋ gbiŋ.”

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Jɔ̀ɔŋ 10:25

Wo Jisɛ̀ naŋ nyiŋ fasàì wààŋ, “Kàiŋ niŋ woò tɛ, kɛɛ niŋ gòim haawè. Maŋ keì maŋ mìŋ nyɛnɛŋ esàɓù e dèè wo Dèda miɔ̀ŋ sùà lɛ kiɛ̀ŋ ke mìè seì janyai kɛ̀ ɓòò mìŋ yaà.

Jɔ̀ɔŋ 10:38

Kɛɛ sèè mìŋ nyɛnɛŋ e yèɛ wo Dèda miɔ̀ŋ nyɛnɛŋ lɛ̀, kɛ̀ kɛ̀ɛ̀nɛìŋ e hààwe esàɓù tii, sèè pɛɛ nìŋ goim haawè. Kpeiŋ nìŋ do nàŋ nyìmè kɛ̀ tɔɔɓaa wo Dèdaà yààìm ko sùà yèè mìŋ yàuŋ ko sùà.”

Jɔ̀ɔŋ 2:23

Esàɓù maŋ kèè mèè maŋ anyùùŋ nyaŋ naŋ wa yɛ̀mɛ̀ wo Jisɛ̀ naŋ nyɛ̀nɛ̀ŋ maŋ, anyuùŋ zimgbe nauŋ wa haawè ko Jùlusɛ̀làm e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 5:36

Kɛɛ e yèɛ mìŋ nyɛnɛŋ lɛ̀ tɔɔ̀ janyai kɛ̀ ɓòò nàŋ yààìm wɔŋ dòmaŋ nyaaŋ joo bà wɔŋ yèɔ wɔ̀ŋ yaà e sɛmɛmaŋ wuŋ e ngèè pɛɛ nìàŋ e yèɛ naŋ wa nɔ̀ŋ tɔ̀ɔ niŋ e yìwìà e yèɛ wo Jɔ̀ɔŋ naŋ wa woò lɛ e nyaàiŋ eim dè. Maŋ keì bi zà nàŋ yaà e tòmoɛ̀ wo Dèdaà Dayà naim kiɛ̀ŋ wèè ka nyɛ̀nɛ̀ŋ lɛ. Maŋ keì mɛɛ̀ŋ nàŋ kiɛ̀ŋ maŋ mìè seì weèim, e kìlà màŋ tɔɔ̀ kɛ̀ wo Dèdaà Dayà naim tùɔ̀ŋ.

Jɔ̀ɔŋ 9:7

Kpeiŋ wò naŋ wòò wo felaaà wààŋ, “Kɔ̀à muŋ guuyà le fɛɛ̀ mɔ̀ɛ̀ koɓɛ̀ e wùìyèɛ ko pàtài àŋ nyaaŋ Sìloùm nɛ sùà.” Wo felaaà naŋ kɔ̀ yèè wò naŋ gùò le fɛɛ̀uŋ nɛ̀ e wùìyè bi sùà yèè le fɛɛ̀uŋ nɛ̀ naŋ yilè yèè wò naŋ yɛ̀mɛ̀ dìì. E fàsàì ke mìèɛ Sìloùm nàŋ yaà, “Wo Yèɔ àŋ naŋ Tùɔ̀ŋ wɔ.”

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.