Maafiù 11:3 - WƆŊ FƐ̀Ì EBÒ SÌÀŊ DAYÀA

³ Kpeiŋ àŋ naŋ dàwè wo Jisɛ̀ nyààŋ, “Wòò wi, muàŋ nàŋ yaà wo nyùnɔ̀ɔŋ wo Jɔ̀ɔŋ naŋ woò wààŋ, wo Dayà naŋ tàeɗùù wèè wo hnàŋ wo wi joeyè wɔ? Ɔ̀ɔ̀ e yɛmɛ̀iŋ wo nyuùŋ joo bà dòmaŋ?”

Maafiù 11:3 ပူးပေါင်းရင်းမြစ်များ

Maafiù 11:10

E kèè wo Jɔ̀ɔŋ wɔŋ fɛ̀ì Dayàa naŋ woò kɛ̀, ‘Wo Dayà naŋ woò wààŋ, mìŋ do nàŋ tùàŋ wo keela miɔ̀ŋ ko feìŋ wèè wo banebànè ke dòmaàŋ weèiŋ.’

Maafiù 11:4

Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ yèè niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ.

Maafiù 21:5

“Wòoìŋ anyùùŋ nyaŋ ko jawa gbee Zanyɔ̀ŋ nààŋ, ‘Yɛ̀mɛìŋ, wo kanaiŋ nɔɔ̀ŋ kòò wò yaà hìnìè ko nɛ̀ɛ̀iŋ niìŋ. Wò naŋ dèèyè wuŋ bi yèè wò jaa wo sòo bɔwɔ jɔa diɛŋ wo jɔ̀à ɗòsòo.’ ”

Maafiù 21:9

Anyùùŋ nyaŋ yàaùŋ wa ko feìŋ nyaŋ yaà aŋ yè nyaŋ kùwaùŋ wa maŋjɛ̀wɛ nyàŋ, yaà wa kpàaŋ sùà àŋ yaà woo nyààŋ, “Tɛ̀nɛ̀ŋ wiìŋ wo Jɔ̀àfèlàà Kanaà Dèèwe! Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀! E tɛ̀nɛŋ nɔ̀ŋ koɓɛ̀ Dayài ko àìjɛnɛ̀ŋ!”

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Jɔ̀ɔŋ 11:27

Yèè wo Mààta naŋ fasàì wààŋ, “Hɛ̀ɛɛ̀ŋ, Kanaà! Kà haawè kɛ̀ muàŋ nàŋ yaà wo yèɔ wo Dayà naŋ tùɔ̀ŋ wɔ wèè muŋ joeyè anyùùŋ nyaŋ e ɗuunyaàŋ, wo Jɔ̀àfèlàà Dayàa, wo yèɔ è yààìŋ yɛ̀ɛ̀mɛ̀ dòmaŋ wèè wo hnàŋ koɓɛ̀ anyùùŋ nyaŋ e ɗuunyaàŋ wɔ.”

Jɔ̀ɔŋ 12:13

Anyuùŋ zimgbe naŋ wa kɛ̀ɛ̀ maŋ sie saŋ e yìwìà maŋ sie kuu màŋ sùà yèè àŋ naŋ kɔ̀ wèè aŋ ɓeè wo Jisɛ̀ ko dòmaìŋ. Anyùùŋ nyaŋ yaà wa kpàaŋ sùà nyààŋ, “Tɛ̀nɛ̀ŋ wiìŋ wo Dayà! Wo Dayà kpuumàŋ wo nyùnɔ̀ɔŋ hnàŋ e dèè kanaà diɛŋ wɔ̀! Wo Dayà kpuumàŋ wo Kànà Ezɔ̀ɛ̀ɔ!”

Jɔ̀ɔŋ 16:14

Wo Jinàŋ Dayàa doim nàŋ dɛɛkɛ̀ nààŋ wò doiŋ nàŋ wòò ke miè gbìaŋ miɛ̀ŋ lɛ.

Jɔ̀ɔŋ 4:21

Wo Jisɛ̀ naŋ fasàì wo nìeɔ̀ yèè wò nauŋ woò wààŋ, “Nìe wɛɛ̀, hààweè e yèɛ mìŋ yààùm wòo sùà lɛ, e teengaà kòò è yaà hinie e yèɛ wo nyùùŋ gbiŋ naàŋ ɓɛìŋ zòòlò wò Dèdaà wɔ̀ŋ toò gbee wɛɛ̀ŋ dìmɛ̀ ɔ̀ɔ̀ kò Jùlusɛ̀làm.

Jɔ̀ɔŋ 6:14

Nààŋ anyùùŋ nyaŋ naŋ yɛ̀mɛ̀ e kèè mèè lɛɛ̀ wo Jisɛ̀ naŋ yaà nyɛ̀nɛ̀ŋ lɛ, àŋ naŋ woò nyààŋ, “Tɔɔɓaa wɛɛ̀ nàŋ yaà wo wɛ̀ijìɔ wɔŋ fɛ̀ì Dayàa naŋ wòò kiiuŋ kɛ̀ wò do nàŋ hnè e ɗuunyaàŋ sùà wɔ!”

Jɔ̀ɔŋ 7:31

Anyuùŋ zimgbe e faaàŋ sùà naŋ wa kɛ̀ɛ̀nɛ̀ŋ e hààwe wo Jisɛ̀ ko sùà yèè àŋ naŋ woò nyààŋ, “Sèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ wò hnàŋ, tɔɔɓaa wo naàŋ nyɛ̀nɛ̀ŋ màŋ kèè mèè màŋ do nìàŋ màŋ yè maŋ wò felaa wɛɛ̀ naŋ nyɛ̀nɛ̀ŋ maŋ!”

Hiɓu 10:37

Wɔŋ fɛ̀ì Dayàa naŋ woò wààŋ, “È jòò e teenga kpuu, wèè wo nyùnɔ̀ɔŋ yaà hinie wɔ̀ wo hnàŋ. Wo naàŋ dɔɔnɔ̀ŋ.