Maafiù 11:23 - WƆŊ FƐ̀Ì EBÒ SÌÀŊ DAYÀA

²³ Nyɛ̀iŋ nààŋ nyùùŋ nyaŋ ko Kepanàùm, nìŋ manaŋ naŋ jòòwò nyɛ̀iŋ bi ko àìjɛnɛ̀ŋ? Nìŋ do nàŋ dèyè ko jàhamaŋ! Maŋ kèè mèè maŋ mìŋ naŋ nyɛ̀nɛ̀ŋ kià maŋ, sèè ka miŋ wa weè nyɛ̀nɛ̀ŋ ko Sɔdɔ̀ùŋ, màŋ heo weè nàŋ nɔ̀ŋ e teenga mààŋ tɛɛ̀ sùà.

Maafiù 11:23 ပူးပေါင်းရင်းမြစ်များ

Maafiù 10:15

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Maafiù 16:18

Tɔ̀ miŋ woòum Piilɛ̀, muàŋ naŋ yaà wo Piilɛ̀, ke dùòɛ, yèè ke dùò yɛɛ̀ diɛŋ mìŋ do nàŋ nyɛ̀lɛ̀ ke sààŋ zòòlò ke gbòò anyuùŋ hààwe nyàŋ, e kìlà e ɗùùnyàŋ anyuùŋ fàa nyàŋ e naàŋ kɛ̀ɛ̀nɛ̀ŋ è gààŋ kò diɛŋ nyiŋ.

Maafiù 17:24

Nààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ wa hnè ko Kepanàùm, anyuùŋ kùwà e nɛ̀ɛ̀nɛ̀ŋ ke Saaŋ Zòòlò Dayàa naŋ hnè koɓɛ̀ Pììlɛì yèè àŋ nauŋ dawè nyààŋ, “Wo kààmɔɔiŋ nɔɔ̀ŋ wò paawà e nɛ̀ɛ̀nɛ̀ŋ ke Saaŋ Zòòlò Dayàa?”

Maafiù 4:13

Kɛɛ wo Jisɛ̀ gò wa jèè kò Naazɔ̀ɛ̀, wò naŋ wa kɔ̀ wèè wo jòò ko jawa gbeeì àŋ nyaaŋ Kepanàùm. E jawa lɛɛ̀ yaà wa wɔŋ juwoɔ̀ kɔɔ wɔŋ fùɔ̀ŋ Galaliìɔ, maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì.

Maafiù 8:5

Nààŋ wo Jisɛ̀ naŋ wa kɔ̀ ko jawa gbeeì àŋ nyaaŋ Kepanàùm lɛ, wo kààlòòɗùà anyùùŋ ko Luùm nyaŋ bà naŋ hnè ko nɛ̀ɛ̀uŋ niìŋ yèè wò nauŋ pɔwɔ̀ wèè e kpùùmaŋ. Wo felaaà naŋ wòò wo Jisɛ̀ wààŋ,

Luù 10:15

Nyɛ̀iŋ nààŋ nyùùŋ nyaŋ ko Kepanàùm, nìŋ manaŋ naŋ jòòwò nyɛ̀iŋ bi ko àìjɛnɛ̀ŋ? Nìŋ do nàŋ dèyè ko jàhamaŋ!”

Luù 14:11

Esaɓù kɛ̀ anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Luù 16:23

Kpeiŋ wò naŋ gè fɛ̀ɛ̀ dìì e yìwìà ko jàhamaŋ, ko yèi wò yaà wa e keì nyìnga dìì lɛ, yèè wò naŋ yɛ̀mɛ̀ wo Eɓulɔhɛɛ̀ŋ koɓɛ̀ dii yaà wo Lazɔlɔ̀ àŋ jaa koɓɛ̀ guùŋ.

Luù 4:23

Wo Jisɛ̀ naŋ nyiŋ fasàì wààŋ, “Tɔɔɓaa, nìŋ do nàŋ mɔ̀nɔ̀ŋ wèè naim wòò ke kàɓanè yɛɛ̀ nààŋ, ‘Zòòlegòòɔ, sungà weè muàŋ bi jiɛ̀.’ Nìŋ doim ɓɛìŋ nàŋ woò nààŋ miŋ nyɛ̀nɛ̀ŋ maŋ kèì guùŋ maŋ kià ko jawa miìŋ nààŋ nìŋ naŋ kòmò kɛ̀ mìŋ naŋ wa nyɛ̀nɛ̀ŋ maŋ keì lɛ ko Kepanàùm.”

Nyɛ̀nɛ̀ŋ 2:27

Muàum Dayà muŋ naàŋ dàngè wɔ̀ŋ nyììŋ jinàŋ miɔ̀ŋ wɔŋ jèè kò nyùùm koɓɛ̀ e ɗùùnyàŋ anyuùŋ fàa nyàŋ, miàŋ nàŋ yaà wo ɓɔ̀ìjɔ̀à nɛɛmaŋ mɔɔ̀ŋ, muŋ naàŋ nyimèè wèè kè kpùnaŋ miɛ̀ŋ ke hèwà kè hùaàŋ sùà.

Nyɛ̀nɛ̀ŋ 2:31

Wo Dèèwe naŋ wa yɛ̀mɛ̀ e nɛ̀ɛŋ wo Dayà do wa nàŋ nyɛ̀nɛ̀ŋ ko dòmàŋfeìŋ lɛ, e kìlà wò naŋ woò wààŋ kɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, do naŋ yèwè e fàaà dìì wɔŋ nyiiŋ gèeo sùà. Wò naŋ wa woò wààŋ, ‘wo Dayà gòuŋ wa dangè wò do jèè kò nyùùm, e ɗùùnyàŋ anyuùŋ fàa nyàŋ sùà, wo gò wa dangè wèè kè kpùnauŋ nɛɛ̀ŋ ke hìwìà kè hùaàŋ sùà.’

Juù 1:7

Jàaìŋ ko Sɔdɔ̀ùŋ yaà ko Gòmolà jii, yèè maŋ jawa gbɛ̀ɛ̀ kɔɔ miŋ màŋ. Anyùùŋ bi naŋ wa nyɛ̀nɛ̀ŋ mààŋ aŋ màikà nyaŋ naŋ wa nyɛ̀nɛ̀ŋ lɛ. Àŋ naŋ wa tòòmò maŋ kpùnaŋ nyiŋ màŋ wèè maŋ kèì nàànààŋ ke yɛ̀ɛ̀ hmɔtu kà tinàŋ gbiŋ nyìniaŋ. Àŋ naŋ kɔ̀ e nìmìlà kèì nyìngà e hmɔɔ̀ŋ kùwa dìì wèè nyiiŋ gèe gò jùà julɔfɔ, wèè e nɔ̀ŋ e gòo sengèì wèè anyùùŋ nyaŋ gbiŋ.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.

Maŋ kèì nyɛɛnɛŋ 11:8

e kìlà àŋ do nàŋ jòò maŋ die nyiŋ màŋ maŋ tèetì màŋ diɛŋ, ko jawa gbee ko yèi àŋ naŋ wa jìwìyè wo Kana nyiŋ nɔɔ̀ŋ wɔŋ vànèkpaaà diɛŋ lɛ̀. E dèèɛ anyùùŋ nyaŋ naŋ wa nyìmè wèè ko jàwà nɛɛmaŋ wii lɛ̀ nàŋ yaà, ko Sɔdɔ̀ùŋ ɔ̀ɔ̀ ko Ijè.

Maŋ kèì nyɛɛnɛŋ 20:13

wɔŋ juwoɔ̀ naŋ fùlìè anyuùŋ fàa nyàŋ yaà wuùŋ ko sùà nyaŋ. E fàa yèè e ɗùùnyàŋ anyuùŋ fàa nyàŋ naŋ kìɛ̀ŋ anyuùŋ fàa nyàŋ àŋ kuwa wa nyàŋ. Àŋ naŋ wa gbàì aŋ gbiŋ e nyaàiŋ dè e nɛ̀ɛŋ àŋ naŋ wa nyɛ̀nɛ̀ŋ lɛ.

Maŋ kèì nyɛɛnɛŋ 6:8

E teenga lɛɛ̀ sùà, mìŋ naŋ yɛ̀mɛ̀ wo sòò maŋ tùwa ɓou. E dèè wo nyuùŋ dùùnyauŋ nɔɔ̀ŋ nàŋ yaà wa e Fàa, yèè wo yèɔ àŋ nyaaŋ e Ɗùùnyàŋ Anyuùŋ Fàa Nyàŋ wɔ kùwaùŋ maŋjɛ̀wɛ fɔ̀ɔ̀. Wo Dayà naŋ nyiŋ kìɛ̀ŋ e gààŋ wèè aŋ goonò anyuùŋ kpùuŋ nyàŋ sùà tiinàŋ aŋ ɓèmè e ɗì guùŋ e ɗuunyaàŋ, wèè aŋ jìwìà aŋ bà nyiŋ maŋ koya fòo, aŋ jìwìà aŋ bà nyiŋ e jìè, aŋ jìwìà aŋ bà nyiŋ maŋ sàaŋ naanààŋ, yèè aŋ yilì kùùno aŋ gbìlà aŋ bà nyiŋ.