Maafiù 11:21 - WƆŊ FƐ̀Ì EBÒ SÌÀŊ DAYÀA

²¹ “Nyɛ̀iŋ nààŋ nyùùŋ nyaŋ ko jawa gbeeì Kɔlesììŋ, e keì nyìnga yaà weèiŋ! Nyɛ̀iŋ nààŋ nyùùŋ nyaŋ ko jawa gbeeì Bɛ̀sailià, e keì nyìnga yaà wèè nyɛ̀iŋ pɛɛ! Maŋ kèè mèè maŋ mìŋ naŋ nyɛ̀nɛ̀ŋ kià maŋ, sèè ka miŋ wa weè nyɛ̀nɛ̀ŋ ko Taà yèè ko Sidɔ̀ùŋ, anyùùŋ nyaŋ kuii hewa nàŋ jɛi e teenga gɔu sùà aŋ gɔ̀àì maŋ deè bilabìlà e kìlà aŋ kpàlèè e duum maŋ ɗì wèè aŋ tɔɔ̀ kɛ̀ àŋ fè maŋ jùumù nyiŋ màŋ jɛwɛ.

Maafiù 11:21 ပူးပေါင်းရင်းမြစ်များ

Maafiù 11:22

Tɔ̀ miŋ woòiŋ kɛ̀ wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Taà yèè ko Sidɔ̀ùŋ eiŋ nìàŋ ke ɗɔɔɛ̀ wo Dayà do wa nàwèè nàŋ gbàì anyùùŋ nyaŋ gbiŋ e ɗuunyaàŋ lɛ.

Maafiù 15:21

Wo Jisɛ̀ naŋ kuii yèwè yèè wò naŋ kɔ̀ maŋ kpàlàùŋ kpàlàùŋ maŋ sùà e gbɛ̀ɛ̀ maŋ jawa gbeegbèè maŋ àŋ nyaaŋ Taà yèè ko Sidɔ̀ùŋ.

Maafiù 18:7

E ɗuunyaàŋ kòò è yaà ke dòmàŋ e keì nyìnga diɛŋ wèè e ɗeweɛ̀ è nyɛnɛŋ anyùùŋ aŋ nyɛ̀nɛ̀ŋ e keì naanààŋ lɛ. E nɛ̀ŋ kòò è yaào wèè e nyɛ̀nɛ̀ŋ anyùùŋ aŋ nyɛ̀nɛ̀ŋ e keì naanààŋ, kɛɛ wo nyùnɔ̀ɔŋ do nàŋ nyɛ̀nɛ̀ŋ e keì naanààŋ bi wɔ̀, wò do nàŋ nɔ̀ŋ ke dòmàŋ e keì nyìnga diɛŋ.

Maafiù 26:24

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le! È hewa weè nàŋ nɔŋ tɛ̀ɛ̀ weèuŋ sèè wo nààŋ gouŋ wa weè komàŋ gbiŋ!”

Luù 4:26

Yɛi nɔŋ è yaà wo Dayà gò wa tùàŋ wò Ìlaajà kòɓɛ̀ wò nyùùŋ bà gbiŋ kò Ezɔ̀ɛ̀, sɔɔ̀ nɔŋ koɓɛ̀ wo jɔ̀ùnèèdàà bà wo yèɔ hewa jòò ko jawaì àŋ nyaaŋ nyààŋ ko Zɛlefà, wɔŋ fùɔ̀ŋ Sidɔ̀ɔŋ sùà.

Luù 6:17

Wo Jisɛ̀ naŋ wa dèyè e yìwìà wɔŋ toò gbeeɔ̀ dìmɛ̀ yaà anyùùŋ màŋjɛ̀wɛ̀uŋ nyàŋ, yèè àŋ naŋ sìè e diì jɛ̀iɛ̀ diɛŋ. Kuŋ wò naŋ mɛ̀ɛ̀ŋ ke gbòò anyùùŋ màŋjɛ̀wɛ̀uŋ nyàŋ zimgbe nyiŋ. Ke gbòò anyuùŋ zimgbe yào wa kiŋ pɛɛ e yìwìà ko Jùlusɛ̀làm yèè maŋ kpàlàùŋ kpàlàùŋ zimgbe sùà wɔŋ fùɔ̀ŋ Jùdiàa, yèè e yìwìà maŋ jawa gbeegbèè maŋ sùà e gbɛ̀ɛ̀ wɔŋ fùɔ̀ŋ Taàa yaà ko Sidɔ̀ùŋ.

Luù 9:10

Aŋ keela tàeɗùù nyaŋ naŋ kɛ̀ɛ̀ maŋjɛ̀wɛ àŋ naŋ wòò wo Jisɛ̀ e nɛ̀ɛŋ gbiŋ àŋ naŋ nyɛ̀nɛ̀ŋ lɛ. Kpeiŋ wo Jisɛ̀ naŋ nyiŋ ɓemè yèè àŋ naŋ kɔ̀ nyiŋ wouwòù ko jawa bà àŋ nyaaŋ Bɛ̀sailià.

Jɔ̀ɔŋ 1:44

Wo Felè yewe wa ko jawa gbeeì àŋ nyaaŋ ko Bɛ̀sailià lɛ, ko yèi wo Anɗù yèè wo Pììlɛ hewa wa joo lɛ̀.

Jɔ̀ɔŋ 12:21

Anyùùŋ nyɛɛ̀ŋ naŋ wa kɔ̀ koɓɛ̀ wo Felèi, wo yèɔ yewe wa ko Bɛ̀sailià wɔ wɔŋ fùɔ̀ŋ Galaliìɔ sùà, yèè àŋ nauŋ woò nyààŋ, “Dàa, è manaŋ eiŋ yɛ̀mɛ̀ wo Jisɛ̀.”

Nyɛ̀nɛ̀ŋ 12:20

Wo Kanaà Hɛɛlɔ̀ naŋ wa tùù anyùùŋ Taà nyaŋ yèè anyùùŋ Sidɔ̀ɔ̀ŋ nyaŋ sìwè, kpeiŋ anyùùŋ nyaŋ ko Taà yèè ko Sidɔ̀ɔ̀ŋ naŋ jàà ke gbòò yèè àŋ naŋ kɔ̀ koɓɛ̀ wo nyuùŋ gbeeɔ̀ sia wa ke sààŋ gbèè Hɛɛlɔ̀ɛ feìŋ wɔ àŋ nyaaŋ Balisɔ̀ wèè aŋ pɔwɔ̀uŋ wo kpuumàŋ nyiŋ. Yèè àŋ naŋ kɔ̀ wèè aŋ dawè wo Hɛɛlɔ̀ wèè aŋ banè e fèemàŋ nyiŋ nɛ̀ ke jii fàa sùà, esaɓù kɛ̀ anyùùŋ nyaŋ ko Taà yèè ko Sidɔ̀ɔ̀ŋ hewa gè enɛ̀nje nyiŋ nɛ̀ wɔŋ fùɔ̀ŋ kanaà Hɛɛlɔ̀ sùà.

Nyɛ̀nɛ̀ŋ 27:3

Wɔŋ niìsìaà bàa è naiŋ hàì ko Sidɔ̀ùŋ. Wo Juliɔ̀ naŋ wa nɔ̀ŋ e kpùùmaŋ gbee koɓɛ̀ Pɔɔ̀i. Wò nauŋ wa ngèè pɛɛ dangè wèè wo jaamè anyuùŋ mɔ̀ɔ̀nɔuŋ nyàŋ, wèè kɛ̀ àŋ nauŋ ɓɛ̀nɛ̀ŋ kìɛ̀ŋ e kpùùmaŋ gbiŋ e yèɛ wò mɔnɔŋ wa.

Juù 1:11

Wo Dayà do nyiŋ nàŋ nimilà nyìnga, àŋ naŋ dè ke dòmaàŋ wo Kiìŋ naŋ wa ɓemè yɛ diɛŋ. Àŋ fɔ̀ɔ̀nɔ̀ŋ e wùànàŋ nɛɛnɛŋ àŋ gbìàŋ nyiŋ bi e keì ɓàaà wo kèèlà Dayàa Bàlaàŋ naŋ wa nyɛ̀nɛ̀ŋ lɛ sùà. Àŋ gangà màànààŋ wo Kolà naŋ wa gangà lɛ, yèè àŋ pɔɔpɔ̀ɔ̀ màànààŋ wò naŋ wa pɔɔpɔ̀ɔ̀ lɛ.

Maŋ kèì nyɛɛnɛŋ 11:3

Mìŋ do nàŋ tùɔ̀ŋ aŋ sèì tìyèeim nyàŋ àŋ gɔaa maŋ deè bilabìlà, wèè aŋ wòò ke mìè gbìàŋ Dayàa maŋ ɗɔɔ tààsùùŋ guùŋ hɔ̀nɔ̀ɔ̀ tìyèe kpɛ̀ùŋ taai (1,260) mɛɛ̀ŋ sùà.”

Maŋ kèì nyɛɛnɛŋ 6:12

Mìŋ naŋ yɛ̀mɛ̀ wo Ɓaawaaà naŋ yìlè e fèè e nɛ̀ŋ yìlia dìà nɔɔnɔŋ dièguùŋ nɛ. Nààŋ mìŋ naŋ gè fɛ̀ɛ̀ dìì, mìŋ naŋ yɛ̀mɛ̀ e dììɛ naŋ kìlè, yèè e gɔɛɛ naŋ diiyè kpì mààŋ wɔŋ deè bilabìlà die, yèè wɔŋ wààa naŋ wɛ̀nɛ̀ŋ gbɔ̀ùŋ mààŋ maŋ sɛ̀ìŋ.