Maafiù 11:2 - WƆŊ FƐ̀Ì EBÒ SÌÀŊ DAYÀA

² E teengaà wo Jɔ̀ɔŋ Gùà Nyùnɔ̀ɔŋ yaà wa ko sààŋ nyìwìi lɛ̀, wò naŋ kòmò maŋ keì maŋ wo Jisɛ̀ Kulaì yaà wa nyinie màŋ. Yèè wò naŋ tùɔ̀ŋ anyùùŋ màŋjɛ̀wɛ̀uŋ bà ko nɛ̀ɛ̀uŋ niìŋ.

Maafiù 11:2 ပူးပေါင်းရင်းမြစ်များ

Maafiù 1:17

Kpeiŋ nààŋ è yaà lɛ, maŋ kpoo sùònò suono màŋ naŋ wa fòlò wo Eɓulɔhɛɛ̀ŋ sùà maŋ yaà wa maŋ kpòò zììyà jɛ̀wɛ̀ tiinàŋ, e yìwìà e tèèngà Dèèweɛ̀, maŋ kpoo sùònò suono ɗì zììyà jɛ̀wɛ̀ tiinàŋ naŋ fòlò wo Dèèwe sùà, e hàì e teengaà àŋ naŋ wa dùɔ̀ŋ e ɗùàa yèè àŋ naŋ kɔ̀ wɔŋ fùɔ̀ŋ Ɓaɓelɔ̀ùɔŋ sùà lɛ, yèè maŋ kpoo sùònò suono ɗì zììyà jɛ̀wɛ̀ tiinàŋ naŋ fòlò anyùùŋ bi sùà e hàì e teengaà àŋ naŋ wa kòmò wo Jisɛ̀ Kulaì lɛ̀.

Maafiù 14:3

Wo kanaà Hɛɛlɔ̀ wuŋ bi naŋ wa kìɛ̀ŋ e gààaŋ wèè aŋ kùwà Jɔ̀ɔŋ, yèè wò naŋ nyɛ̀nɛ̀ŋ auŋ dèkà yèè àŋ nauŋ gbìɛ̀ŋ ko sààŋ nyìwìi. Wò naŋ wa tɛɛ̀ nyɛ̀nɛ̀ŋ esàɓù wo nìeɔ̀ àŋ nyaaŋ wa wo Hɛ̀lolìà wɔ, wo jàwè wùìyauŋ nɔɔ̀ŋ Felè, wo yèɔ wo kanaà Hɛɛlɔ̀ naŋ wa naàŋ ɓemè wèè wo nɔ̀ŋ wo jawèuŋ wɔ̀.

Maafiù 4:12

Nààŋ wo Jisɛ̀ naŋ wa kòmò kɛ̀ àŋ gbìàŋ wo Jɔ̀ɔŋ ko sààŋ nyìwì, wò naŋ wa yèwè koɓɛ̀ wii yèè wò naŋ kɔ̀ wɔŋ fùɔ̀ŋ Galaliìɔ sùà.

Maafiù 9:14

Anyùùŋ màŋjɛ̀wɛ̀ Jɔ̀ɔŋ Gùà Nyùnɔ̀ɔŋ naŋ hnè koɓɛ̀ Jisɛ̀i, yèè àŋ nauŋ dawè nyààŋ, “Wèè kiìŋ yàwi e kpùlìà aŋ Fɛlosiì nyaŋ kuwo ke tɔùŋ e teenga gbiŋ, kɛɛ aŋ jeum nyàŋ fè nyiŋ nɔŋ kùwà gbiŋ?”

Luù 3:19

Wo Jɔ̀ɔŋ Gùà Nyùnɔ̀ɔŋ naŋ wa wòò wo Kanaà Hɛɛlɔ̀ wààŋ, “E fè tɔ̀ɔ̀nyaàŋ wèè maŋ ɓèmè wò Hɛ̀lolìà, wò jàwè wùìya mɔɔ̀ŋ wèè wò do nɔ̀ŋ wò jawèum.” Wò nauŋ wa ɓɛìŋ gbuuyè wèè maŋ tùwo naanààŋ gbànauŋ màŋ wò yaà wa nyinie màŋ.

Luù 9:7

Nààŋ wo Kanaà Hɛɛlɔ̀ Aŋtipà, wo Kànà wɔŋ fùɔ̀ŋ Galaliìɔ naŋ kòmò ebò maŋ keì maŋ wo Jisɛ̀ yaà anyùùŋ màŋjɛ̀wɛ̀uŋ nyàŋ yaà wa nyinie màŋ, ke jiiuŋ nɛɛ̀ŋ naŋ wa gɔ̀àì gɔ̀àì sùà, esaɓù kɛ̀ anyùùŋ bà yaà wa woo nyààŋ wo Jɔ̀ɔŋ Gùà Nyùnɔ̀ɔŋ naŋ yèwè e fàaà dìì wɔŋ nyiiŋ gèeɔ̀ sùà. Wo Hɛɛlɔ̀ naŋ wa nyɛ̀nɛ̀ŋ aŋ kààlòòɗùàuŋ nyàŋ aŋ jìwà wo Jɔ̀ɔŋ Gùà Nyùnɔ̀ɔŋ.

Jɔ̀ɔŋ 4:1

Wo Jisɛ̀ wa nyìmàŋ kɛ̀ ke gbòò aŋ Fɛlosiì nyaŋ naŋ wa kòmò kɛ̀ anyuùŋ zimgbe yaà wa kɔ̀ɔ̀yɛ̀ ko nɛ̀ɛ̀uŋ niìŋ yèè wò yaà nyiìŋ wa guuye e nìàŋ anyùùŋ màŋjɛ̀wɛ̀ nyaŋ wo Jɔ̀ɔŋ yaà wa guuye nyàŋ.