Maafiù 11:17 - WƆŊ FƐ̀Ì EBÒ SÌÀŊ DAYÀA

¹⁷ ‘È naiŋ dàà maŋ nùŋ kpai weèiŋ, kɛɛ niŋ gò yèwà, yèè eiŋ dàà maŋ nùŋ ke nyowo, kɛɛ niŋ gò gòlà.’

Maafiù 11:17 ပူးပေါင်းရင်းမြစ်များ

Maafiù 11:16

“Kɛɛ kiìŋ mìŋ naŋ ɓɛ̀nɛ̀ŋ tèènè anyuùŋ kpùuŋ nyàŋ nàaŋ ɗɔɔ yɛɛ̀ wèè aŋ nɔ̀ŋ? Àŋ yaà mààŋ aŋ jɔ̀àkàiŋ àŋ jaa ko mììnyɛ̀ŋ bòliì, ke gbòò guùŋ kè kpiinyàŋ aŋ dàwi,

Maafiù 11:18

Wo Jɔ̀ɔŋ naŋ wa hnè, kɛɛ wo gò kilià kò jììyè mànɛ̀ŋ je yèè kò tììyè màŋ tala muaŋ, yèè nìŋ naŋ woò nààŋ, ‘Wo jinàŋ naanààŋ yàaùŋ sùà!’

Maafiù 9:15

Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Maafiù 9:23

Kpeiŋ wo Jisɛ̀ yaà anyùùŋ màŋjɛ̀wɛ̀uŋ nyàŋ bà naŋ kɔ̀ aŋ hàì ko gbòò wo kenàaŋ Jalɔ̀, wo nyuùŋ gbeeɔ̀. Wò nao wa mɛ̀ɛ̀ŋ anyuùŋ fùàŋ pilɛ̀ŋ àŋ yaà fɔɔwɔ ko gbòò fàaì, e kìlà anyùùŋ nyaŋ bà nyiŋ yaà gulie, esaɓù kɛ̀ wo jɔùŋjɔaà wa naàŋ fà.

Luù 15:25

“E tèèngà guùŋ bi sùà, wo jɔ̀àfelaa gbeeɔ̀ yaà wa ko ɓùi. Nààŋ wò yaà wa kɛ̀ɛ̀ sùà maŋjɛ̀wɛ wò naŋ gbɛ̀ɛ̀ ko gbooì, wò naŋ kòmò ebò maŋdi màŋ yèè anyùùŋ nyaŋ yaà yiwie.

Luù 23:27

Ke gbòò anyuùŋ zimgbe naŋ wa dè wo Jisɛ̀ maŋjɛ̀wɛ. Anyùùŋ bi bà àŋ yaà wa aŋ jɔùŋ yèè àŋ yaà wa gulie weèuŋ.

Luù 7:32

Àŋ yaà mààŋ aŋ jɔ̀àkàiŋ àŋ jaa ko mììnyɛ̀ŋ bòliì, ke gbòò guùŋ kè kpiinyàŋ aŋ dàwi. ‘È naiŋ dàà maŋ nùŋ kpai weèiŋ, kɛɛ niŋ gò yèwà, eiŋ dàà maŋ nùŋ ke nyowo, kɛɛ niŋ gò gòlà.’

Luù 8:52

Anyùùŋ nyaŋ gbiŋ yaà wa gulie e kìlà àŋ yaà ke nyowo sùà wèè wo ɓɔ̀jɔaà. Kɛɛ wo Jisɛ̀ naŋ nyiŋ woò wààŋ, “Ɓɔ̀ nìŋ gòlà, wo ɓɔ̀jɔaà gò fà, wò yaà nɔŋ maŋ jàwè!”