Maafiù 11:12 - WƆŊ FƐ̀Ì EBÒ SÌÀŊ DAYÀA

¹² E yìwìà e teengaà wo Jɔ̀ɔŋ Gùà Nyùnɔ̀ɔŋ, naŋ wa gbòò ke mìè Dayàa e hàì ke ɗɔɔ yɛɛ̀ nàaŋ lɛ̀, anyuùŋ dàà ke kpùùnɛɛ̀ àŋ kàmè ɗewe wèè aŋ ɓèmè e Kànà àìjɛnɛ̀ɛŋ e gààŋ sùà.

Maafiù 11:12 ပူးပေါင်းရင်းမြစ်များ

Maafiù 11:11

Miŋ woòiŋ e tɔɔɓaaà, wo nyùùŋ gbiŋ fè wò yèɔ àŋ naŋ kùmìè è ɗuunyaàŋ wɔ, wo kùwìè è sɛmɛmaŋ e nìàŋ wò Jɔ̀ɔŋ Gùà Nyùnɔ̀ɔŋ. Kɛɛ wo nyùnɔ̀ɔŋ àŋ naŋ nììngè fɛ̀ɛ̀ wɔ e Kànà àìjɛnɛ̀ɛŋ sùà wò kuwa e sɛmɛmaŋ e nìàŋ wo Jɔ̀ɔŋ.

Maafiù 11:13

Maŋ fɛ̀ì sìngà aŋ wɛ̀ijì nyaŋ gbiŋ, yèè maŋ Sàwà Mòòze màŋ, naŋ wòò maŋ keì maŋ hewa nàŋ kaaìŋ maŋ paŋgàà, wo Jɔ̀ɔŋ naŋ wa nɔ̀ŋ e kòmauŋ.

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Luù 13:24

“Nyɛ̀nɛìŋ e tɛ̀ɛ̀tɛ̀ɛ̀ɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè niŋ jɔɔyɛ̀ wɔŋ gbemgbee suulìɔ sùà. Esaɓù kɛ̀ aŋ zimgbe nyiŋ do nàŋ kàmè ɗewe wèè aŋ jɔ̀à ko àìjɛnɛ̀ŋ wɔŋ dòmaŋ nyaaŋ joo bà, kɛɛ aŋ naàŋ jɔ̀.

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Jɔ̀ɔŋ 5:4

Fòfoo maŋ ɗɔɔ kpàa bà màŋ maaŋ wa, kpeiŋ kɛ̀ wo màìkà Dayàa kɔ̀ào wa wo kàànè kàànè e wùìyèɛ. Yèè sèè wò kpɛɛyɛ̀ wa tii nyɛ̀nɛŋ, wo nyuùŋ sàaŋ jiɛ̀jiɛ̀ɔ sɛɛ̀ wa e wùìyè bi sùà wɔ, e sàaŋ gbiŋ nɔ̀uŋ wa e kɔɔ sùà è joeye.]

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,