Maafiù 11:11 - WƆŊ FƐ̀Ì EBÒ SÌÀŊ DAYÀA

¹¹ Miŋ woòiŋ e tɔɔɓaaà, wo nyùùŋ gbiŋ fè wò yèɔ àŋ naŋ kùmìè è ɗuunyaàŋ wɔ, wo kùwìè è sɛmɛmaŋ e nìàŋ wò Jɔ̀ɔŋ Gùà Nyùnɔ̀ɔŋ. Kɛɛ wo nyùnɔ̀ɔŋ àŋ naŋ nììngè fɛ̀ɛ̀ wɔ e Kànà àìjɛnɛ̀ɛŋ sùà wò kuwa e sɛmɛmaŋ e nìàŋ wo Jɔ̀ɔŋ.

Maafiù 11:11 ပူးပေါင်းရင်းမြစ်များ

Maafiù 11:10

E kèè wo Jɔ̀ɔŋ wɔŋ fɛ̀ì Dayàa naŋ woò kɛ̀, ‘Wo Dayà naŋ woò wààŋ, mìŋ do nàŋ tùàŋ wo keela miɔ̀ŋ ko feìŋ wèè wo banebànè ke dòmaàŋ weèiŋ.’

Maafiù 11:12

E yìwìà e teengaà wo Jɔ̀ɔŋ Gùà Nyùnɔ̀ɔŋ, naŋ wa gbòò ke mìè Dayàa e hàì ke ɗɔɔ yɛɛ̀ nàaŋ lɛ̀, anyuùŋ dàà ke kpùùnɛɛ̀ àŋ kàmè ɗewe wèè aŋ ɓèmè e Kànà àìjɛnɛ̀ɛŋ e gààŋ sùà.

Maafiù 3:1

E teenga lii sùà wo Jɔ̀ɔŋ Gùà Nyùnɔ̀ɔŋ naŋ wa hnè ke fòùngà e diì wòaà sùà ko Jùdià yèè wò naŋ tɔ̀ɔ̀tù gbòà ke mìè Dayàa.

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 5:19

Weètii, wo nyùnɔ̀ɔŋ gbiŋ naŋ gè maŋhɛɛ wèè wo nyɛ̀nɛ̀ŋ e yèɛ ke sàwàa naŋ pɛɛ tèènè wɔŋ kɔmɔŋ miaŋ naŋ woò lɛ, yèè wo nyɛ̀nɛ̀ŋ anyuùŋ joo bà aŋ nyɛ̀nɛ̀ŋ e kèì guùŋ bi, wò do naŋ nɔ̀ŋ mààŋ wɔŋ kɔmɔŋ miaŋ e Kànà àìjɛnɛ̀ɛŋ sùà. Kɛɛ wo nyùnɔ̀ɔŋ do nàŋ nyɛ̀nɛ̀ŋ e yèɛ maŋ sàwà maŋ naŋ woò lɛ e kìlà wò niŋ kàà anyùùŋ wèè aŋ nyɛ̀nɛ̀ŋ e kèì guùŋ bi, wò do wa nàwèè nàŋ kɛ̀ɛ̀nɛ̀ŋ ko jɛ̀i kɛnɛ e Kànà àìjɛnɛ̀ɛŋ sùà.

Luù 1:15

Wo Jɔ̀ɔŋ do nàŋ nɔ̀ŋ wo ɓɔ̀ìjɔ̀à nɛɛmaŋ wèè wo Kanaà Dayà. Julɔfɔ ɓɔ̀ wò tìà màŋ tala muaŋ ɔ̀ɔ̀ è biyà, yèè e gààŋ wo Jìnàŋ Nɛɛmaàŋ douŋ nàŋ nɔ̀ŋ diɛŋ e yìwìà ke ɗɔɔɛ̀ àŋ douŋ nàŋ kòmò lɛ.

Luù 7:28

Yèè wo Jisɛ̀ naŋ woò wààŋ, “Tɔ̀ miŋ woòiŋ e tɔɔɓaaà, wo nyùùŋ gbiŋ fè wò yèɔ àŋ naŋ kùmìè è ɗuunyaàŋ wɔ wo kùwìè è sɛmɛmaŋ e nìàŋ wò Jɔ̀ɔŋ Gùà Nyùnɔ̀ɔŋ. Kɛɛ wo nyùnɔ̀ɔŋ àŋ naŋ nììngè fɛ̀ɛ̀ e Kànà àìjɛnɛ̀ɛŋ sùà wɔ, wò kuwa e sɛmɛmaŋ e nìàŋ wo Jɔ̀ɔŋ.”

Luù 9:48

Yèè wò naŋ nyiŋ woò wààŋ, “Wo nyùnɔ̀ɔŋ gbiŋ naŋ jàà wo jɔ̀àkàiŋ jɔa mààŋ wɛɛ̀ kùàŋ dìì esàɓù e deè mɛ̀ wɔ, wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wò jàà wo nyùnɔ̀ɔŋ naim tùɔ̀ŋ wɔ kùàŋ dìì. Esaɓù kɛ̀ wo tòloòɔ nyɛ̀iŋ gbiŋ e tɛɛ nàŋ yaà wo gbeeɔ̀.”

Jɔ̀ɔŋ 1:15

Ke ɗɔ̀ɔ̀ guùŋ nààŋ wo Jɔ̀ɔŋ yaà wa wòò sùà anyùùŋ nyaŋ e kiiuŋ, wò naŋ yɛ̀mɛ̀ wo Jisɛ̀. Kpeiŋ wò naŋ kpààŋ yèè wò naŋ nyiŋ woò wààŋ, “Wɛɛ̀ nàŋ yaà wo nyùnɔ̀ɔŋ mìŋ naiŋ weè wòò e kiiuŋ wɔ̀ nààŋ mìŋ naŋ woò miàŋ, wo nyùùŋ bà do nàŋ hnè eɓìèmàŋjɛ̀wɛ̀ miàŋ, kɛɛ wò kuwa e gààŋ woim nìàŋ, esaɓù kɛ̀ wò yaà wa wɔŋ nyiiŋ gèeɔ̀ sùà paŋgàà àŋ naim kòmò.”

Jɔ̀ɔŋ 1:27

Wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ.”

Jɔ̀ɔŋ 10:41

anyuùŋ zimgbe naŋ wa kɔ̀ ko nɛ̀ɛ̀uŋ niìŋ. Anyùùŋ nyaŋ yaà wa woo nyààŋ, “Wo Jɔ̀ɔŋ gò wa nyɛ̀nɛ̀ŋ màŋ kèè mèè gbiŋ, kɛɛ e yèɛ wò naŋ wa woò lɛ e nyaàiŋ dè wo Jisɛ̀ e gbiŋ è yaà e tɔ̀ɔ̀nyaàŋ.”

Jɔ̀ɔŋ 3:30

Tɔ̀ anyuùŋ zimgbe dòuŋ maŋjɛ̀wɛ, kɛɛ miàŋ, anyuùŋ kpàka aim dè maŋjɛ̀wɛ.”

Jɔ̀ɔŋ 5:35

Wo Jɔ̀ɔŋ yaà wa mààŋ e laumpò e yèɛ kiɛ̀ŋ e gbolòùŋ gbee, maŋ jiiiŋ màŋ naŋ wa fɔ̀ yèè nìŋ naŋ niŋ wa jikà wèè e teenga bà.

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

1 Kɔliìŋ 15:9

Miàŋ nàŋ yaà wo keela tàeɗùù tòloòɔ aŋ keela tàeɗùù nyaŋ sùà, miŋ fè tɛ̀ɛ̀ wèè aim nyààŋ wò keela tàeɗùù, esaɓù kɛ̀ mìŋ naŋ ɓùlò anyùùŋ e yìwìà ke gbòò anyuùŋ hààwe Dayà nyaŋ sùà.

1 Kɔliìŋ 6:4

Sèè maŋ keì mààŋ mɛɛ̀ŋ màŋ folo, wèè kiìŋ nìŋ kɔà miìŋ ko fɛ̀ɛ̀fèìŋ anyùùŋ nyaŋ kuwà kò sìe gbiŋ kò sààŋ Dayài aŋ miŋ woò?

Ɛfesɔ̀ 2:3

Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

2Time 1:10

kɛɛ è naàŋ nɔ̀ŋ tɔ̀ɔ niŋ ko nɛ̀ɛ̀ŋ wiì e yìwìà e hnàŋ Nyuùŋ Jòèye wiɔ̀, wo Jisɛ̀ Kulaì. Wò hìàŋ e gààŋ fàa ko dìa yèè e yìwìà Ebò Siaàŋ sùà wò wi tɔ̀ɔ̀ wɔŋ nyiiŋ gèe gò jùàa.

Hiɓu 11:40

esaɓù kɛ̀, wo Dayà naŋ bànè e nɛ̀ŋ kɛnɛ bà hàa weè wi. Yèè e yèɛ wo Dayà naŋ ɗewè lɛ nàŋ yaà wèè wo nyiŋ nyɛ̀nɛ̀ŋ aŋ zɛ̀nɛ̀ŋ, kɛɛ sɔɔ̀ yàwi nààŋ gbiŋ eiŋ niŋ nyìnìàŋ koɓɛ̀ guùŋ.

1Pììlɛ 1:10

È yaà wa wèè e jòèye lɛɛ̀, aŋ wɛ̀ijì nyaŋ naŋ wa gɔ̀àà e kɔɔ dìì, yèè àŋ naŋ niŋ tùɔ̀ŋ maŋ nɔnɔŋ tɛ̀ɛ̀. Àŋ naŋ woò e kèè e tɛ̀ɛ̀tɛ̀ɛ̀ lɛɛ̀ wo Dayà doiŋ nàŋ kiɛ̀ŋ lɛ.