Maafiù 10:7 - WƆŊ FƐ̀Ì EBÒ SÌÀŊ DAYÀA

⁷ Yèè sèè nìŋ nɔ̀ŋ kɔɔyɛ, wòoìŋ anyùùŋ kɛ̀, ‘E Kànà àìjɛnɛ̀ɛŋ è gbɛ̀ɛ̀ fɔ̀ɔ̀.’

Maafiù 10:7 ပူးပေါင်းရင်းမြစ်များ

Maafiù 10:8

Sùngaìŋ anyuùŋ sàaŋ nyàŋ, gèeìŋ anyuùŋ fàa nyàŋ dìì wɔŋ nyiiŋ gèeo sùà, sùngaìŋ anyuùŋ kɛ̀ɛ̀nɛ̀ŋ e sààŋ maŋkùnù nyaŋ aŋ zɛ̀nɛ̀ŋ, yèè niŋ gè aŋ jinàŋ naanààŋ anyùùŋ maŋjɛ̀wɛ. Nàŋ yɛ̀mɛ̀ e nɛ̀ŋ wèè foo, weètii, kìɛìŋ e nɛ̀ŋ wèè foo.

Maafiù 11:1

Nààŋ wo Jisɛ̀ naŋ wa kpɛ̀ɛ̀yɛ̀ wòò maŋ keì mɛɛ̀ŋ koɓɛ̀ anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ, wò naŋ yèwè koɓɛ̀ wii yèè wò naŋ kɔ̀ maŋ jawa nyiŋ màŋ sùà, ko gbùùyè ke mìè Dayàa.

Maafiù 21:31

Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

Maafiù 21:43

Yèè wo Jisɛ̀ naŋ nyiŋ ɓɛìŋ woò wààŋ, “Weètii tɔ̀ miŋ woòiŋ kɛ̀, àŋ doiŋ nàŋ gè e Kànà Dayàa sìwè yèè aŋ niŋ kìɛ̀ŋ koɓɛ̀ anyùùŋ nyaŋ do nàŋ nyɛ̀nɛ̀ŋ e yèɛ wo Dayà manaŋ lɛ̀. [

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 9:2

Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Luù 9:6

Anyùùŋ màŋjɛ̀wɛ̀ nyaŋ naŋ kɔ̀ yèè àŋ naŋ kɔ̀ɛ̀ maŋ vàa màŋ gbiŋ sùà, àŋ yaà wòò Ebò Siaàŋ e kìlà àŋ yaà sùngìè anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ maŋ tàta màŋ gbiŋ sùà.

Luù 9:60

Wo Jisɛ̀ naŋ fasàì wààŋ, “dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ. Kɛɛ muàŋ kɔ̀à muŋ woò ke mìè gbìaàŋ e nyaàiŋ dè e Kànà Dayàa.”

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Nyɛ̀nɛ̀ŋ 10:25

Kɛɛ nààŋ wo Pììlɛ nao haì, wo Kɔ̀nilìɔ̀ nauŋ ɓeeè, yèè wò naŋ dè maŋ gɛ̀ɛ̀ŋ nùuŋ màŋ dìì, Kpeiŋ wò naŋ gbùwò wo Pììlɛ fɛɛ̀feìŋ e ɓɛ̀ɛ̀jàa sùà.

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Nyɛ̀nɛ̀ŋ 4:2

Àŋ naŋ wa tuù esaɓù kɛ̀ aŋ keela tàeɗùù nyaŋ yaà wa kàà sùà anyùùŋ nyaŋ kɛ̀ wo Kanaà Jisɛ̀ yèwà e fàa dìì wɔŋ nyiiŋ gèeo sùà. Tii naŋ wa tɔɔ̀ kɛ̀ anyuùŋ fà nyàŋ gbiŋ do nàŋ yèwè e fàaà dìì wɔŋ nyiiŋ gèeo sùà.