Maafiù 10:6 - WƆŊ FƐ̀Ì EBÒ SÌÀŊ DAYÀA

⁶ Kɛɛ kɔ̀àìŋ nɔŋ koɓɛ̀ anyùùŋ nyaŋ ko Ezɔ̀ɛ̀, aŋ yè nyaŋ naŋ fè Dayà jɛwɛ nyàŋ, esaɓù kɛ̀ àŋ yaà mààŋ aŋ ɓaawaa naŋ go.

Maafiù 10:6 ပူးပေါင်းရင်းမြစ်များ

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 18:11

Esaɓù kɛ̀ miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka jòèyè anyùùŋ nyaŋ naŋ go nyàŋ.]

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 18:6

Ko diemeì, anyùùŋ nyaŋ nauŋ gììyè maŋhɛɛ yèè àŋ nauŋ fè maŋ mìè ɓɛ̀ɛ̀pɔ̀ɔ. Kpeiŋ wo Pɔɔ̀ naŋ gbùmò e buunùuɛ̀ maŋ dèè kɔɔuŋ màŋ yèè wò naŋ nyiŋ tɔ̀ɔ̀ maŋ kùàŋ wò naŋ woò wààŋ, “Sìaìŋ nyɛ̀iŋ bi jii wèè e yèɛ gbiŋ doiŋ nàŋ kaaìŋ lɛ, e naàŋ nɔ̀ŋ è kpàŋ è kɔɔim è do nàŋ nɔ̀ŋ e kèì ɗì maŋ sɛ̀ìŋ nyɛ̀iŋ bi màŋ! Yèè niŋ naìm sìè jii. E yìwìà nàaŋ mìŋ do nàŋ nɔ̀ŋ gbùùyè ke mìè Dayàa koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

1Pììlɛ 2:25

Nìŋ yaà wa mààŋ aŋ ɓaawaa ɓà ke dòmaŋ aŋ yè nyaŋ naŋ go nyàŋ, kɛɛ wo Dayà wòiŋ ɓɛìŋ kɛlɛ̀ɛ̀ wèè naŋ nɔ̀ŋ wo nyuùŋ yɛ̀mɛ̀ aŋ ɓaawaa diɛɔ̀ŋ maŋjɛ̀wɛ yèè wo nyuùŋ yɛ̀mɛ̀ maŋ nyiiŋ diɛiŋ nɔɔ̀ŋ.