Maafiù 10:42 - WƆŊ FƐ̀Ì EBÒ SÌÀŊ DAYÀA

⁴² Mìŋ yààìŋ wòo sùà e tɔɔɓaaà kɛ̀, wo nyùnɔ̀ɔŋ gbiŋ naŋ kìɛ̀ŋ wɔŋ maì kpòò koɓɛ̀ wo tòloòɔ bà guùŋ anyùùŋ màŋjɛ̀wɛ̀im nyɛɛ̀ŋ sùà wɔ, esaɓù kɛ̀ wò yaà wo nyùùŋ màŋjɛ̀wɛ̀im, wò do nàŋ yɛ̀mɛ̀ e jìwààjɛ̀wɛ̀ weè niŋ.”

Maafiù 10:42 ပူးပေါင်းရင်းမြစ်များ

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 18:14

E ɗèwè guùŋ lɛɛ̀ sùà wo Dèdaiŋ nɔɔ̀ŋ ko àìjɛnɛ̀ŋ wo manàŋ wèè wò jɔ̀àkàiŋ jɔa wɛɛ̀ bà guùŋ pɛɛ wò doò go.

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Luù 17:2

È henàŋ nɔ̀ŋ tɛ̀ɛ̀ wèè aŋ sɛ̀ɛ̀ wo nyùnɔ̀ɔŋ ke duò gbee ke gbèìŋ auŋ gbìàŋ wɔŋ juwoɔ̀ sùà, e nɛ̀ɛŋ nyɛ̀nɛ̀ŋ wo nɔ̀ŋ esaɓù wèè wo tòloòjɔ̀à wɛɛ̀ bà guùŋ wo nyɛ̀nɛ̀ŋ e keì naanààŋ.

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

2 Kɔliìŋ 8:12

Sèè e wùànàŋ e kìɛŋ è nɔ̀ìŋ, wo Dayà do nàŋ jàà e kìɛiŋ nɛ̀ kùàŋ dìì e yìwìà e yèɛ nìŋ kuwa wèè naŋ kiɛ̀ŋ lɛ sùà, e fè wèè è yèɛ fèìŋ sìwè lɛ.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.