Maafiù 10:40 - WƆŊ FƐ̀Ì EBÒ SÌÀŊ DAYÀA

⁴⁰ “Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Maafiù 10:40 ပူးပေါင်းရင်းမြစ်များ

Maafiù 18:5

Wo nyùnɔ̀ɔŋ gbiŋ naŋ jàà wo jɔ̀àkàiŋ mààŋ wɛɛ̀ bà guùŋ kùàŋ dìì esaɓù e deè mɛ̀ wɔ, wo nyùùŋ bi wòim jàà kùàŋ dìì.”

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Maafiù 25:45

Miàim Kanaà mìŋ do nàŋ fasaì mìàŋ, ‘Miŋ woòiŋ e tɔɔɓaaà, sèè nìŋ naŋ wa gè maŋhɛɛ wèè naŋ niŋ nyɛ̀nɛ̀ŋ wèè wo wùìyaà bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ nìŋ naŋ wa gè maŋhɛɛ wèè naŋ niŋ nyɛ̀nɛ̀ŋ e weèim.’

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Luù 9:48

Yèè wò naŋ nyiŋ woò wààŋ, “Wo nyùnɔ̀ɔŋ gbiŋ naŋ jàà wo jɔ̀àkàiŋ jɔa mààŋ wɛɛ̀ kùàŋ dìì esàɓù e deè mɛ̀ wɔ, wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wò jàà wo nyùnɔ̀ɔŋ naim tùɔ̀ŋ wɔ kùàŋ dìì. Esaɓù kɛ̀ wo tòloòɔ nyɛ̀iŋ gbiŋ e tɛɛ nàŋ yaà wo gbeeɔ̀.”

Jɔ̀ɔŋ 13:20

Miŋ woòiŋ e tɔɔɓaaà kɛ̀, wo nyùnɔ̀ɔŋ gbiŋ jaa aŋ keelaim nyàŋ bà guùŋ kùàŋ dìì wɔ, wo nyùùŋ bi wòim jàà kùàŋ dìì miàŋ pɛɛ. Wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bi jàà wo nyùnɔ̀ɔŋ naim tùɔ̀ŋ wɔ kùàŋ dìì.”

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

Gàla 4:14

E sàaŋ mɛ̀ èiŋ wa wèè ɓɛ̀nɛ̀ŋ hìàŋ maŋ keì nyìnga bà diɛŋ, kɛɛ niŋ gòim wa wùàŋ ɔ̀ɔ̀ naim fè jɛwɛ esàɓù sàaàŋ e kɔɔ mɛ̀ sùà. Nìŋ naim wa jàà kùàŋ dìì e teenè mààŋ mìŋ yaà wo màìkà Dayàa bà guùŋ, ɔ̀ɔ̀ mààŋ wo Jisɛ̀ Kulaì wuŋ bi.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.

2Jɔ̀ɔŋ 1:9

Wo nyùnɔ̀ɔŋ gbiŋ gò jèè è kàà kìì Kulaì lɛɛ̀ diɛŋ wɔ̀, kɛɛ wo nììnyàŋ e kàà kii bi wɔ̀, wo kuwà Dayà kè jiiuŋ nɛɛ̀ŋ sùà. Wo nyùnɔ̀ɔŋ gbiŋ naŋ jèè e kàa kii lɛɛ̀ diɛŋ wɔ̀ wò kuwa wo Dèdaà yèè wo Jɔ̀àfelaauŋ nɔɔ̀ŋ ke jiiuŋ nɛɛ̀ŋ sùà.