Maafiù 10:37 - WƆŊ FƐ̀Ì EBÒ SÌÀŊ DAYÀA

³⁷ “Anyùùŋ nyaŋ manaŋ aŋ dèda nyiŋ nyàŋ ɔ̀ɔ̀ aŋ yèye nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. Yèè anyùùŋ nyaŋ manaŋ aŋ jɔ̀àfelaa ɔ̀ɔ̀ aŋ jɔ̀àjɔùŋ nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im.

Maafiù 10:37 ပူးပေါင်းရင်းမြစ်များ

Maafiù 22:37

Wo Jisɛ̀ naŋ fasàì wààŋ, “Mùniàŋ wo Kanaà wo Dayà mɔɔ̀ŋ ke jii mɔɛ̀ŋ gbiŋ, wɔŋ nyììŋ jinàŋ mɔɔ̀ŋ gbiŋ, e gòngo mɔ̀ɛ̀ gbiŋ, yèè e gaàŋ mɔ̀ɛ̀ gbiŋ.

Maafiù 22:8

Kpeiŋ wò naŋ nyààŋ aŋ ɓɔìjɔ̀àuŋ nyàŋ yèè wò naŋ nyiŋ woò wààŋ, ‘E tèèngà wɔŋ ɗàà ke yɛɛ̀ gbìaàŋ è haì, yèè anyùùŋ nyaŋ mìŋ naŋ nyààŋ nyaŋ aŋ fè tɛ̀ɛ̀ wèè aŋ hnàŋ.

Luù 14:26

“Anyùùŋ nyaŋ hnàŋ ko nɛ̀ɛ̀ŋ miìŋ nyaŋ, aŋ fè ɓɛ̀nɛ̀ŋ nɔ̀ŋ ànyùùŋ màŋjɛ̀wɛ̀im sɔɔ̀ nɔŋ aim mànàŋ e nìàŋ aŋ dèda yèè aŋ yèye nyiŋ nyàŋ, aŋ jàwè yèè aŋ jɔ̀à nyiŋ nyàŋ, e kpùlìà aŋ wùìyà yèè aŋ jaa nyiŋ nyàŋ. E kìlà sɔɔ̀ aim mànàŋ e nìàŋ maŋ nyiiŋ nyiŋ màŋ.

Luù 20:35

kɛɛ anyuùŋ kpùuŋ nyàŋ wo Dayà do nàŋ jàà kùàŋ dìì wèè aŋ nɔ̀ŋ tɛ̀ɛ̀ aŋ wa nàwèè yèwà e fàaà dìì yèè aŋ nɔ̀ŋ wɔŋ nyiiŋ gèeo sùà nyaŋ, aŋ naàŋ kɔ̀ màŋ yɛ̀ɛ̀ ɔ̀ɔ̀ aŋ gbìàŋ màŋ yɛ̀ɛ̀ è teenga lii sùà.

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

Maŋ kèì nyɛɛnɛŋ 3:4

Kɛɛ nyɛ̀iŋ nààŋ kpàkaiŋ ko Saɗì, kòò nìŋ sìè è hààweiŋ nɛ̀ ninaŋ è jùumù sùà. Nìŋ doim nàŋ kààìŋ maŋjɛ̀wɛ maŋ deè fùà sùà, esaɓù kɛ̀ nìŋ kuwa e tɔ̀ɔ̀nyaàŋ wèè naŋ niŋ nyɛ̀nɛ̀ŋ.