Maafiù 10:3 - WƆŊ FƐ̀Ì EBÒ SÌÀŊ DAYÀA

³ Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀,

Maafiù 10:3 ပူးပေါင်းရင်းမြစ်များ

Maafiù 18:17

Sèè wo nyùnɔ̀ɔŋ naŋ nyɛ̀nɛ̀ŋ e keì naanààaŋ wɔ̀ gè maŋhɛɛ wèè wo nyiŋ kumiàŋ, kɛ̀ wòò niŋ koɓɛ̀ ke gbòò anyuùŋ hààwe nyàŋ. Sèè wò gè maŋhɛɛ wèè wo kùmìàŋ ke gbòò anyuùŋ hààwe nyàŋ, kɛ̀ tùwò ko nɛ̀ɛ̀uŋ niìŋ mààŋ wo nyuùŋ gò kɛ̀ɛ̀nɛŋ hààwe ɔ̀ɔ̀ mààŋ wo nyuùŋ kùwà nɛ̀ɛ̀nɛ̀ŋ fuɔŋ.

Maafiù 27:56

Aŋ jɔùŋ bi tɛɛ wo Mèèle e yìwìà ko jawaì àŋ nyaaŋ Màŋdalà, wo Mèèle wo nààŋ Jìiiɔ̀ŋ yèè wo Jòòsɛ, yaà wo nààŋ aŋ jɔ̀àfèlàà Zɛɓɛdiì nyaŋ yaào wa.

Maafiù 9:9

Nààŋ wo Jisɛ̀ naŋ wa yèwè koɓɛ̀ wii wò yaà kɔɔyɛ, wò naŋ yɛ̀mɛ̀ wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.” Wo Maafiù naŋ yèwè dìì yèè wò nauŋ dè maŋjɛ̀wɛ.

Luù 18:10

Wò naŋ woò wààŋ, “Aŋ fèlàà tìyèe bà naŋ wa kɔ̀ ko Saaŋ Zòòlò Dayài ko zoolo. Wò guùŋ yaà wa wo Fɛlosiì yèè wo bàa yaà wa wo nyuùŋ kùwà nɛ̀ɛ̀nɛ̀ŋ fuɔŋ.

Luù 18:11

Wo Fɛlosiìɔ naŋ kɔ̀ wo sie fauŋ wɔŋ kùàŋ wùùŋ mauŋ yèè wò naŋ zoolò wààŋ, ‘Dayà, mìŋ naum gè sɛ̀, esaɓù kɛ̀ mìŋ fè nyɛ̀nɛ̀ŋ è wànàŋ gbiŋ, miŋ fè e kàaɓì, miŋ fè nyɛ̀nɛ̀ŋ hmɔŋtu mààŋ ànyuùŋ gbànaŋ nyàŋ nyɛnɛŋ lɛ̀. Mìŋ naum gè sɛ̀ miŋ fè mààŋ wò nyuùŋ kùwà è nɛ̀ɛ̀nɛ̀ŋ fuɔŋ gò kɛɛnɛ̀ŋ hààwe wii kuii.

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”

Luù 19:2

Wo kana nyuuŋ kùwà e nɛ̀ɛ̀nɛ̀ŋ fuɔŋ bà yaào wa àŋ nyaaŋ wo Zakiɔ̀. Wò yaà wa wo nyuùŋ bàne.

Luù 5:27

Eɓìèmàŋjɛ̀wɛ̀ tɛɛ̀ wo Jisɛ̀ naŋ yèwè ko jawa wii wò yaà kɔɔyɛ, yèè wò naŋ yɛ̀mɛ̀ wo nyuùŋ kùwà nɛ̀ɛ̀nɛ̀ŋ fuɔɔ̀ŋ àŋ nyaaŋ Liivaà wɔ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.”

Jɔ̀ɔŋ 1:48

Wo Nàntanyàŋ naŋ dàwè wo Jisɛ̀ wààŋ, “Diè mùŋ naŋ nyìmè kɛ̀ kiìŋ wò nyuùŋkpùuŋ ziì nàŋ yààìm?” Wo Jisɛ̀ nauŋ fasàì wààŋ, “Wèè paŋ wo Felè wo nyààum weè, mìŋ naum yɛmɛ̀ mùŋ sia ke feè kùlɛ̀ɛ dìì.”

Jɔ̀ɔŋ 11:16

Wo Tàmaŋ, wo yèɔ àŋ hewa ɓɛìŋ nyààŋ wo Sewìɔ wɔ̀ naŋ wòò aŋ dàwiuŋ nyàŋ wààŋ, “Kàwiìŋ yàwi nààŋ Kààmɔɔŋ, wèè kɛ̀ yàwi nààŋ gbiŋ e fɔɔyɛ̀iŋ koɓɛ̀ guùŋ.”

Jɔ̀ɔŋ 14:22

Kpeiŋ wo Juɗà, e fè wò Juɗà Àkaaliɔ̀, naŋ dawè wààŋ, “Kanaà, kiìŋ nàŋ yaà e fàsai mɔ̀ɛ̀ nààŋ mùŋ naŋ woò mààŋ mùŋ do naŋ kɛ̀ɛ̀ ko nɛ̀ɛ̀ŋ wiì màànààŋ nɔŋ mùŋ yaà lɛ, kɛɛ muŋ naàŋ hnè kòɓɛ̀ ànyùùŋ nyaŋ è ɗuunyaŋ lɛɛ̀?”

Jɔ̀ɔŋ 14:5

Yèè wo Tàmaŋ naŋ woò wààŋ, “Kanaà, E nyimààìŋ kɛ̀ kòò mùŋ yaà kɔɔyɛ, dièsɔa è naiŋ ɓɛ̀nɛ̀ŋ nyìmàŋ ke dòmaàŋ?”

Jɔ̀ɔŋ 14:9

Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’?

Jɔ̀ɔŋ 21:2

Wo Saimɔŋ Piilɛ̀, wo Sewìɔ Tàmaŋ, wo Nàntanyàŋ e yìwìà ko Kenàŋ yèè ko Galaliì, aŋ jɔ̀àfèlàà Zɛɓɛdiì nyaŋ yèè aŋ wùìyauŋ nyàŋ Jìiiŋ yaà wo Jɔ̀ɔŋ, àŋ yaà wa koɓɛ̀ guùŋ, e hààwè anyùùŋ màŋjɛ̀wɛ̀ tìyèe bà ɓɛìŋ.

Nyɛ̀nɛ̀ŋ 1:13

Nààŋ àŋ naŋ hàì ko jawa gbeeì, àŋ naŋ jòwò ko sààŋ fùùiŋ ko yèi àŋ hewa joo lɛ̀. Aŋ yè nyaŋ yao wa ko fɛɛ̀feìŋ nyaŋ nàŋ yaà, wo Pììlɛ, wo Jɔ̀ɔŋ, wo Jìiiŋ yèè wo Anɗù, wo Felè yèè wo Tàmaŋ, wo Bàtolomiò yèè wo Maafiù, wo Jìiiŋ wo jɔ̀àfèlàà Afiɔ̀ɔ yèè wo Saimɔ̀ŋ wo yèɔ manaŋ e kìlà wò toomàŋ e tɔ̀ɔ̀nyaàŋ sùà wèè wɔŋ fuɔuŋ nɔɔ̀ŋ, yaà wo Juɗà wo jɔ̀àfèlàà Jìiɔ̀ŋ.

Nyɛ̀nɛ̀ŋ 12:17

Kɛɛ wo Pììlɛ naŋ nyiŋ gbùùyè maŋ kùàŋ wèè aŋ nɔ̀ŋ gìli. Kpeiŋ wò naŋ nyiŋ wòò e ɗewe kiiɛ̀ wo màìkà Kanaà nauŋ fulìè lɛ e yìwìà ko sààŋ nyìwìi. Yèè wò naŋ nyiŋ ɓɛìŋ woò wààŋ, “Wòoiŋ tɛɛ̀ koɓɛ̀ Jìiìŋ yèè anyuùŋ hààwe gbànaŋ nyàŋ wèè e yèɛ naŋ kaaìŋ lɛ.” Eɓìèmàŋjɛ̀wɛ̀ tii, wò naŋ nyiŋ jòò yèè wò naŋ kɔ̀ koɓɛ̀ joo bà.

Nyɛ̀nɛ̀ŋ 15:13

Nààŋ àŋ naŋ kpɛ̀ɛ̀yɛ̀ gbòa, wo Jìiiŋ naŋ nyiŋ woò wààŋ, “Wùìyaim nyàŋ, kùmiaŋ nìim!

Nyɛ̀nɛ̀ŋ 21:18

Wɔŋ niìsìaà bàa, è naiŋ dè wo Pɔɔ̀ maŋjɛ̀wɛ eiŋ kà koɓɛ̀ Jìiìŋ, aŋ màmànkùmɛ̀ŋ anyuùŋ hààwe nyàŋ gbiŋ yao wa ko fɛɛ̀feìŋ.

Gàla 1:19

Wo keela tàeɗùùɔ nɔŋ mìŋ naŋ wa yɛmɛ̀ wɔ nàŋ yaà wo Jìiiŋ, wo wùìya Kanaà Jisɛ̀ɔ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Jìiiŋ 1:1

E yìwìà miàŋ Jìiiŋ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔ̀ìjɔ̀à Dayàa yèè wo ɓɔ̀ìjɔ̀à Kanaà Jisɛ̀ Kulaìɔ. Mìŋ yaà sìngìè wɔŋ fɛi wɛɛ̀ŋ koɓɛ̀ anyùùŋ Dayà nyaŋ gbiŋ naŋ ɓààyè e ɗuunyaŋ lɛɛ̀ sùà nyaŋ. Mìŋ zuumàŋ nyɛ̀iŋ nààŋ gbiŋ.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.