Maafiù 10:27 - WƆŊ FƐ̀Ì EBÒ SÌÀŊ DAYÀA

²⁷ E nɛ̀ɛŋ gbiŋ mìŋ woàìŋ ke nyìwìɛ sùà lɛ, wòoiŋ niŋ maŋ gɔɛɛ janjai, e kìlà e nɛ̀ɛŋ gbiŋ nìŋ naŋ kòmò mìŋ naiŋ woò maŋ wɛwɛɛ sùà lɛ, jòwaìŋ ke saaŋ dìmɛ̀ niŋ ɓaayè ebò bi.

Maafiù 10:27 ပူးပေါင်းရင်းမြစ်များ

Maafiù 24:17

Wo nyùnɔ̀ɔŋ gbiŋ nɔ̀ŋ ke saaŋ dìmɛ̀ wɔ ɓɔ̀ wò dè wèè wo jɔ̀à ko saaìŋ wèè woo gè è nɛ̀ŋ gbiŋ.

Luù 12:3

Sèè è nɔ̀ŋ yɛi, e nɛ̀ɛŋ gbiŋ mùŋ naŋ woò ke nyìwìɛ sùà lɛ anyùùŋ do niŋ nàŋ kòmò maŋ gɔɛɛ janjai, e kìlà e nɛ̀ɛŋ gbiŋ nìŋ naŋ woò maŋ wɛwɛɛ sùà ko saaŋ zɔ̀nù lɛ̀, ànyùùŋ do nàŋ jòwò ke saaàŋ dìmɛ̀ aŋ kpààŋ aŋ ɓààyè ebò bi.

Luù 8:10

Wo Jisɛ̀ naŋ nyiŋ woò wààŋ, “Kàiŋ nyɛ̀nɛ̀ŋ nàŋ nyìmàŋ ke gbùnù e Kànà Dayàa. Kɛɛ sèè è nɔ̀ŋ wèè aŋ gbànaŋ nyàŋ, esaɓùɛ mìŋ gbuuyà nyiìŋ maŋ kàɓanè sùà lɛ nàŋ yaà kɛ̀, aŋ pɛɛ yɛmɛ yɛ̀mɛ̀, aŋ fè niŋ yɛmɛ̀, àŋ do jàà maŋ nùŋ dìì, kɛɛ aŋ naàŋ nyìmè kɛ̀ kiìŋ è naŋ fasàì.”

Jɔ̀ɔŋ 16:1

“Mìŋ yààìŋ wòò sùà maŋ keì mɛɛ̀ŋ wèè kɛ̀ niŋ go nàŋ kɛ̀ɛ̀ e hààweiŋ nɛ̀ maŋjɛ̀wɛ.

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Jɔ̀ɔŋ 16:25

Wo Jisɛ̀ naŋ ɓɛìŋ woò wààŋ, “Mìŋ naŋ gbòò ko nɛ̀ɛ̀iŋ niìŋ maŋ sai sùà wèè kaiŋ wòò maŋ keì mɛɛ̀ŋ. Kɛɛ e teengaà do nàŋ hnè wèè ka gbòà ko nɛ̀ɛ̀iŋ niìŋ janyai wèè kaiŋ wòò e kèè Dèda miɔ̀ŋ, yèè miŋ naàŋ wa nàwèè ɓɛìŋ gbòò kò nɛ̀ɛ̀iŋ niìŋ maŋ sàì e keì wòo sùà.

Jɔ̀ɔŋ 16:29

Kpeiŋ anyùùŋ màŋjɛ̀wɛ̀uŋ nyàŋ naŋ woò nyààŋ, “Mùŋ yaà ngàà naàŋ gbùùyè ko nɛ̀ɛ̀ŋ wiì janyai, muŋ fè ɓɛìŋ gbùùyè màŋ sai sùà.

Nyɛ̀nɛ̀ŋ 17:17

Wò naŋ wa kɔ̀ ko sààŋ zòòlò aŋ Juùù nyaŋ wèè wo gbòà ke mìè Dayàa koɓɛ̀ wo nyùùŋ nyaŋ nààŋ fè àŋ Juùù nyaŋ yèè aŋ Juùù nyaŋ yè nyaŋ yaà nyiŋ zoolà koɓɛ̀ guùŋ nyaŋ. Ke ɗɔɔ gbiŋ wò hewa gbòà koɓɛ̀ anyuùŋ mààŋ dòmaŋ nyàŋ kɔɔ aŋ yè nyaŋ wò mɛɛ̀ŋ wa e bòliɛ̀ sùà nyaŋ.

Nyɛ̀nɛ̀ŋ 5:20

“Kɔ̀àiŋ niŋ sie ko Saaŋ Zòòlò Dayài, e kìlà niŋ woò anyùùŋ nyaŋ e kèè wɔŋ nyiiŋ jɛi wɛɛ̀ŋ gbiŋ.”

Nyɛ̀nɛ̀ŋ 5:28

“È naiŋ naàà kɛ̀ ɓɔ̀ nìŋ kaà ànyùùŋ nyaŋ è dèè Kanaà Jisɛ̀ɛ diɛŋ. Yɛ̀mɛìŋ naàŋ e ɗeweɛ̀ nìŋ naŋ yɛi ɓààyè e kàaiŋ nɛ̀ koɓɛ̀ anyùùŋ nyaŋ gbiŋ ko Jùlusɛ̀làm, yèè nìŋ manaŋ naŋ woò kɛ̀ yàwi nauŋ jìwè.”

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,