Maafiù 10:23 - WƆŊ FƐ̀Ì EBÒ SÌÀŊ DAYÀA

²³ Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Maafiù 10:23 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Maafiù 2:13

E teengaà anyuùŋ kɛ̀ɛ̀jii nyàŋ naŋ wa kɛ̀ɛ̀ maŋjɛ̀wɛ lɛ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà yèè wò nauŋ woò wààŋ, “Wo Hɛɛlɔ̀ do nàŋ nɔ̀ɔ̀ŋ kààmè wo jɔ̀àa wèè wouŋ jìwà. Weètii yewà dìì muŋ ɓemè wo jɔ̀àa yaà wo yèyeuŋ nɔɔ̀ŋ niŋ ka wɔŋ fùɔ̀ŋ Ijèɔ sùà maŋ dùaŋ dùaŋ. Yèè jèeiŋ noo e jèèsùà kaiŋ woò kɛ̀ kiìŋ nìŋ do nàŋ nyɛ̀nɛ̀ŋ.”

Maafiù 23:34

Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Maafiù 23:36

Tɔɔɓaa tɔ̀ miŋ woòiŋ kɛ̀, maŋ keì mɛɛ̀ŋ gbiŋ do nàŋ kààìŋ anyùùŋ nyaŋ gbiŋ yaà nàaŋ wɔŋ nyiiŋ gèeɔ̀ sùà nyaŋ.”

Maafiù 24:27

Esaɓù kɛ̀ nààŋ nɔŋ ko fùùiŋ gɛɛ̀ yɛi e yìwìà ko fùlìè gɔɛɛ yèè e gbolòùŋ lɛ e kpɛ̀lɛ̀ e hàì ko jèè gɔɛɛ, yɛi nɔŋ miàim wo Jɔ̀àfèlàà nyuùŋ kpùnɔɔ̀ŋ do wa nàwèè nàŋ hnè.”

Maafiù 24:30

Kpeiŋ nìŋ do nàŋ yɛ̀mɛ̀ e tɔ̀ɔ̀màŋsèì e keì e nyaàiŋ dè miàim wo Jɔ̀àfèlàà Nyuùŋ Kpùnɔɔ̀ŋ ko àìjɛnɛ̀ŋ. Yèè maŋ ziì maŋ gbiŋ e ɗuunyaàŋ dò nàŋ nɔ̀ŋ ke nyowo sùà, yèè àŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ yaà hìnìè wɔŋ ɗùkpù ke nyiliɛ̀ diɛŋ e yìwìà e gaàŋ gbee yèè e jòòwo sùà.

Maafiù 24:34

Mìŋ yààìŋ wòo sùà e tɔɔɓaaà, anyuùŋ kpùuŋ nyàŋ e ɗuunyaŋ lɛɛ̀ sùà aŋ naàŋ fɔ̀ e jèèsùà maŋ keì mɛɛ̀ŋ gbiŋ maŋ kaaìŋ.

Maafiù 24:48

Kɛɛ sèè wo ɓɔìjɔ̀à kɛ̀ɛ̀nɛ̀ŋ ke kpèè naanààŋ wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ,’

Maafiù 25:13

Yèè wo Jisɛ̀ naŋ wòò anyùùŋ màŋjɛ̀wɛ̀uŋ ko dìèmè e gbòauŋ nɛ̀ wààŋ, “Nɔ̀iŋ e fɛɛ̀ wòwò, esaɓù kɛ̀ niŋ nyimààŋ kè ɗɔɔɛ̀ ɔ̀ɔ̀ è teengaà tɛɛ̀ do nàŋ kaaìŋ lɛ.”

Maafiù 26:64

Wo Jisɛ̀ naŋ nyiŋ fasàì wààŋ, “Yɛi nìŋ naŋ woò. Kɛɛ tɔ̀ miŋ woòiŋ e tɔɔɓaaà, yèè nyɛ̀iŋ nààŋ gbiŋ nìŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ jaa wɔŋ kùàŋ jìkà wo Dayà Gaàŋ Gbeeɔ̀ yèè mìŋ yaà hìnìè wɔŋ ɗùkpù ke nyiliɛ̀ diɛŋ!”

Maafiù 4:12

Nààŋ wo Jisɛ̀ naŋ wa kòmò kɛ̀ àŋ gbìàŋ wo Jɔ̀ɔŋ ko sààŋ nyìwì, wò naŋ wa yèwè koɓɛ̀ wii yèè wò naŋ kɔ̀ wɔŋ fùɔ̀ŋ Galaliìɔ sùà.

Luù 18:8

Miŋ woòiŋ, wò do nàŋ gbaì weè nyiŋ e tɔ̀ɔ̀nyaàŋ sùà yèè wò do niŋ nàŋ nyɛ̀nɛ̀ŋ fiò. Kɛɛ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e ɗuunyaàŋ lɛɛ̀, mìŋ doo nàŋ mɛ̀ɛ̀ŋ wo nyuùŋ kɛ̀ɛ̀nɛ̀ŋ hààwe gbiŋ?”

Luù 21:27

Kpeiŋ anyùùŋ do nàŋ yɛ̀mɛ̀ miàim, wo Jɔ̀àfèlàà Nyuùŋ kpùnɔɔ̀ŋ mìŋ yaà hìnìè ke nyili fua sùà ko fùùiŋ e yìwìà e gaàŋ gbee yèè e gbolòùŋ.

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 17:14

Ko fɛɛ̀feìŋ anyuùŋ hààwe nyàŋ naŋ tùɔ̀ŋ wo Pɔɔ̀ wɔŋ juwoɔ̀ kɔɔ, kɛɛ wo Silà yaà wo Timetè naŋ wa jòò ko Bɛ̀lià.

Nyɛ̀nɛ̀ŋ 20:1

Wo Pɔɔ̀ naŋ nyààŋ anyuùŋ hààwe nyàŋ koɓɛ̀ guùŋ nààŋ ke gbòàa naŋ gɔ̀à dìì, wò naŋ nyiŋ kìɛ̀ŋ maŋ mìè jii nyingè. Maŋ ɗɔɔ kpàa naŋ mààŋ yèè wò naŋ nyiŋ diemè. Kpeiŋ wò naŋ kuii yèwè yèè wò naŋ kɔ̀ ko Mɛ̀sèdonià.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.